ناوي اخذ كاسكو .. واتمنى من اصحاب الخبره مساعدتي في معرفة عمر الطير .. (يوجد صور)

[مكاو ^ FAHAD ^ مكاو]

السلام عليكم ورحمة الله وبركاته

ابي رأيكم في هالكاسكو .. لاني قررت اني باخذ كاسكو ان شاء الله


المهم .. لقيت هذا مع اني ماني مقتنع بعمره لكن اللي عجبني فيه انه أليف بس مو كثير لكن حطيت اصبعي في داخل فمه ..بس يوم جيت ابي اشيله قام يصيح وعضني ..

راعي المحل يقول عمره سنه ... بس بعد ما شفت موضوع احد الاخوان الله يوفقه .. حسيت ان الطير اكبر من سنه لان عيونه تميل للصفار .. وماهو محجل

ابي مشورتكم لانه حسبه لي ب2000 مع القفص

ابي اعرف :
1- كم عمره تقريباً ؟
2- هل يمكن تدريبه لو كان اكبر من سنتين .. يعني يكون عنده قابليه للتكلم ويصبح أليف ؟


واذا كنتوا تنصحوني اني اتركه قولوا لي عشان ما اتورط فيه ..

وسلامتكم ..

[مكاو ^ FAHAD ^ مكاو]

[IMG][/IMG]

[أبو ريـــــــــــــان]

هلا وغلا أخوي والله اللي اشوفة ان الطير كبير واجد باين انة اكبر من سنتين لأن عينة صفرا حيل والكبير صعب تدريبة وترويضة لاكن راح يتكلم وغير كذا السعر غالي جداً بالنسبة لطير كبير ومو مروض تبي نصيحتي زيدها 500 وخذ لك انتاج مزارع هولندي محجل من احلى مايكون هذي وجهة نظري واترك الباقي للأخوان

[كاسكو حبوب]

يااخوي هذا كبير وايد لان الي عمرة سنه على قولتك المفروض لون عينه يكون رصاصي مايل للبياض وانصحك انك ماتاخذة لا اذا اخذته بيتكلم بس مب وايد وترى من شكله ترويضه صعب خذ نصيحتي وانت كيفك

[رامبو خان]

والله غالي
انا ببيع الببغا حقي يقلد اصوات عصافير وقطاوه اذا كنت من الشرقيه هذا هو الرابط والسعر 1500 ريال
http://www.2zoo.com/vb/showthread.php?t=74526

[الكاسيكو]

السلام عليكم اخي العزيز هذا طير كبير في العمر اي بالغ وعمره فوف الخمس سنوات ولا فائده فيه وذا كنت مستعد لدفع 2000 ريال فزيد المبلغ شوي واخذ طير ليس كما قال الاخ بوريان هولندي لان لايوجد طيور هولنديه في السوق كلها طيور افريقيه مغشوشه وتحمل نفس الامراض واسعار الطيور الهولنديه من 1000 الى 1400 دولار فافضل طيور هي المنتجه محليا وبامكانك الاستفسار عنها

وبالتوفيق

[فتفوته]

سعره جدا غالي
غير مروض ولا يتكلم
وعمره اكبر من سنتين .,,
انا احدد لك سعره المستحق حدود الـ 800 ريال الى 1000 ريال
واذا تبي رأيي خلك مع نصائح الاخوان ..

[مكاو ^ FAHAD ^ مكاو]

ألف شكــــــــــــــــــر للجميع على المرور ومساعدتي في اتخاذ القرار
وصدق اللي قال ما خاب من استشار


فعلاً انا كنت حاس انه كبير .. بس صراحه اكثر شي عجبني فيه انه أليف شوي


اما بالنسبه للسعر يا حبايب

هو حسبه لي ب2000 مع القفص

والقفص كبير وشكله حلو وفيه ستاند سعر القفص لحاله ب 700 ريال

وبعد الخصم القفص ب500 والطير ب1500

ولكن زي ما تفضلتوا ما فيه احسن من الفرخ الصغير ..