ساعدوووووووووووووووووني

[عاشقه الحيوان]

سااااااااااعدوووووووووني ياناس اني ابي بيت لقطوتي بس اني هالبيت بحطه في الفناء الخارجي

[بوسي وجيسي]

طيب روح لنجار وهو يصمم لك بيت على ذوقك
بس ليش انت بتحبسه في البيت
حرام القطط نحب تتحرك كثير.

[بوسي وجيسي]

طيب روح لنجار وهو يصمم لك بيت على ذوقك
بس ليش انت بتحبسه في البيت
حرام القطط نحب تتحرك كثير.

[sisi_moon]

طيب ايش مشكلتك يعني ؟؟

بتحطها في الفناء اهم شي مكان نضيف ومكيف وواسع

ونرجع ونقوول البيت احسن لها واوسع

موووفق

[دلوعةتوتو]

اذا تبي روح لنجار يسوي لها بيت

او روح محل حيوانات عندهم بيوت جلاب جاهزة تصلح للققطط بعد

[][أسير القلوب][]

انا اقول افضل حل انك تروحي للنجار لان بامكانك تفصلي المقاس الي انت عايزته

وكمان البيت الجاهزة تصميمها حلو لانه مايخطر على بالك شكلها

تقبلي مروري

[عاشقه الحيوان]

شكرا عالردود
اني ابي احطها داخل البيت بس ابوي وامي مب راضين ادخلها داخل البيت لأني كل العائله ماتحب السنانير

[nobody-know-me]

من ناحيتي انا سويت لهم هالشجره وفيها غرفتين لهم لوووول ..

شوفوها و عطوني رايكم ..



قعدت اشتغل فيها ٦ ساعات متواصله .. هلكتني .. و بالاخير ...

مو راضيين يتعودوون عليها و انا مو عارف اعودهم عليها بعد ..

انا سمعت ان في البحرين - اذا انتي من البحرين - فيه مثل هالاشكال جاهزه ..

و اسعارها وايد حلوه و رخيصه جدا تتراوح مابين الـ ١٠ دينار بحريني لين الـ ١٤ دينار بس ..

بس انا في الاردن الحين و صراحه ماحصلت شجر و بيوت للقطاوه فسويته بيدي ..

تقبلي مروري ..

[sisi_moon]

حاولي تقنعيييينهم

وان مب زيين يتم بررااا

نو بدي

ماشاءالله حلوووووووووو اللي مسويه حيل

كأنه جااهز

شنو الاغراض اللي استعملتهاا

[nobody-know-me]

هذا التصميم شفت مثله اشكال واااايده بالنت ..

و عجبوني واايد وكنت باخذ لي واحد بس صراحه غالي ..

يعني يطلع علي مع التوصيل بــ ٧٠٠ ريال تقريبا ..

فقلت ليش مو انا الي اسويه !! و الله و قررت ..

رحت السوق و اشتريت لي الادوات الي بستخدمها ..

١ - خشبه مستطيله ..
٢ - انابيب ماي قياس ٤ انش ..
٣ - موكيت من ارخص نوعيه قياس نص متر في اربعه متر ..
٤ - سطلين ماي ..
٥ - حبل خشن يبيعونه بالوزن - الي اخذته وززنه ٢ كيلو و نص - ..
٦ - الادوات العاديه الي هي منشار و صمغ مسدس و مسامير صغيره و مطرقه براغي ..

و ابتديت اشتغل ...

اول شي رسمت التصميم على ورقه و سويت القياسات الي انا ابيها ..

لبست و فرشت السطلين و القاعده بالموكيت ..

بعدين قصيت العامودين بالقياس الي انا ابيه و ثبتتهم بالقاعده - الخشبه المستطيله - ..

بعدها ثبتت السطلين بالعامودين و لفيتهم بالحبل الي جبته ..

وبس .. هذا باختصار طبعا .. و زي ماقلت قعدت اسويه تقريبا ٦ ساعات متواصله ..

لان التثبيت و التلبيس تعبوني اشوي و للحيني ماخلصته ترى ..

وقفت الشغل فيه عشان امتحاناتي بالجامعه .. و بعد اسبوعين لما اخلص الامتحانات برجع اكمله ..

باقي اشتري لهم العاب و احط بالبيتين مخدات وناوي اسوي لهم سرير علاق ..

و ابي اسوي سلم صغير بعد عشان يعرفون يدخلونه براحتهم ..

و كلفتني الادوات هذي كلها تقريبا ١٠٠ ريال بس ..

و هذا هو قدامكم ..

و اول ما اخلصه بالكامل بصوره و بحط صورته ان شا الله ..