هل يأكل الكروان هذا ؟؟

[exxp]

لدي كروان جديد ، كان يرفض الطعام
لكنه تحسن و ترك تللك العادة المقلقة ..

المهم ، اردت ان اعرف
هل يستطيع ان يأكل الكروان :
الزبادي ( الروب ) اللبن ، الحليب و الشاي ، الشاي
البيبسي ، الشبس ، الايسكريم ، العصير ، الكوفي
البسكويت . الكارميل ، الجلي ، النودلز .


هذا بس الي عندي
ههههههههههههههههه


ارجو الفايدة

[غزل]

بجاوبك بحسب كوكتيلي

الروب ما يحبه - الحليب بالشاي يحبه منقوع مع السندويش - البيبسي ما يحبه
الشبس بعض الانواع مو كل نوع يحبه - الايسكريم ما جربت - العصير ما يحبه
الكوفي ما جربت - البسكويت بعض الانواع - الكارميل ما جربت - الجلي ما جربت
النودلز يحبه وبشده

وبعد يحب انواع ثانية كثيرة بس جاوبت على انواعك اللي ذكرتها

[exxp]

هههههههههههههههههههه
مشكورة ..

هذا اذا تدرب كوكتيلي بأكله هالاشياء
مجنني و متعبني ..

اتمنى يتروض

[ms.sweety]

اني بجرب هذي الاكلات
و اتمنى يا غزل تقولي بعض الاكلات
الي تنفع او يحبها الكوكتيل

[غزل]

طبعا هذى الانواع غير مفيده بالمرة للكروان بس ولان كرواني معانا على طول بالبيت فياكل من أكلنا باستمرار

وأفضل شي للكوكتيل الحبوب والبيض بالبقسمات اللي كوكيتلي ما يحبها بالمرة والفواكة والخضروات اللي كرواني ياكل منها الشي البسيط

بس الخبراء ما ينصحون بهالاكلات بس شاسوي كرواني يجلس جنب فمنا اذا اكلنا وما عطيناه فيكسر خاطرنا ونعطيه

[احلى طير]

لااااااااا لاتعودينه على هاي الاكلات
انا درتي كنت اعطيها من الصغر آيسكريم وشبس وبيبسي و حلويات وكل شي
للاسف الحين صارت كريهة وماعندها ذيل وقرعت
بس الحين اعطيها اطعمة صحية فواكه وحبوب وحضروات و روتي صارت احسن شوي
يعني عطي الكوكتيل اطعمة صحية علشان مايصير فيه مثل طيري

[غزل]

أخي الكريم احلي طير ..

أنا اعرف ان هالاطعمة مو صحية بس شاسوي ينتحر اذا ما نعطية صاير لوسه بشكل كبير

بس أنا ما اخليه بس على هالاطعمة لا بالعكس من يصير العصر شلت عنه كل شي وخليت له بس الحبوب عشان ياكلها غصب عليه اذا جاع وسعات اخلي حبوبه معانا بالصالة عشان ياكل وسعات اخليها بصينة واخليها بحضني ويجلس ياكل شاسوي دلوووووع بشكل فضيع واحط له فيتامينات باستمرار واقطع له التفاح شرائح والجزر وامسكها له ويجلس ياكلها من ايدي بس قليل بس احسن من لا شي ...

وشكرا لك لخوفك على طيري

وبلبولي نفس الشي كان ياكل من هالاكلات والحمد لله عاش عندي 7 اسنين وبعدين توفاه الله بس كان يحب الآيس كريم بشكل رهيب والمينو والكاكاو

[PINK COCKATOO]

هل يستطيع ان يأكل الكروان :
الزبادي ( الروب ) اللبن ، الحليب و الشاي ، الشاي
البيبسي ، الشبس ، الايسكريم ، العصير ، الكوفي
البسكويت . الكارميل ، الجلي ، النودلز .

كل هالاكلات مو زينه الا :
العصيـر < اذآ كآن طبيعي وبدون سكر واضافات ..
البسكويت ,, عآدي بس بشرط كميه قليله ..ويكون سآدهـ بدون ملح او سـكر
النودلز .. كميه قليله و يكون بدون بهارات او ملح او زيوت ..