ساعدوني قطوتي بتموت بسرعة

[zara1400]

السلام عليكم صباح الخير
أنا قطوتي نوع أمريكي تايقر عمرها 6شهور لها 3 أيام ما تأكل ونحفت كثير أعطيتها كل أنواع الاكل ولا أكلت وديتها عند الطبيب وقال ما عندها أي شئ وأعطاها أبرتين فتح شهية ولا أكلت تتوقعون تكون فترة تزاوج
اعطيتها زيت زيتون وأكلتها بأيدي ولا أكلت ولا شربت
ساعدوني الله يخليكم أخاف تموت
وين العيادات البيطرية في جدة غير الفيفا وواحة الحيوان والامازون يكون ممتاز ورخيص

[أنــــا]

ما اتوقع انه فترة تزااوج لان 6 شهوور توها صغيره على حد علمي
ويمكن نوعية الاكل موب عاجبتها
ولا يمكن مكتئبه..مادري والله بس جربي تعطينها شي هي تحبه
وان شالله باقي الاعضاء يفيدوونكـ

[zara1400]

والله أني عجزت معها مو راضية تأكل إلاتشرب ماء وتاخذ لعقتين أو ثلاث زبادي ردو علي بسرعة
خايفة عليها لها أربعة أيام يا دوب ماء

[أسير الدمعة]

لاتعقدين القطوه زيت زيتون وزبادي...
حاولي تأكلينها جبنه مثلثات أو الاكل الي تحبه أو دراي فود
والتزاوج مااتوقع يأثر لهذي الدرجه...
انتي شوفي القطوه تلعب وتتحرك بطبيعتها ولا متغيره؟عندها انفلونزا؟؟
اهم شيء الآن أنها تاكل لأنها بتمرض زيادها لو مااكلت
واذا مااكلت بروحها...
اكليها بالعافيه (بالغصب)
الطريقه:
افتحي فمها كأنها بتعطيها العلاج نفس الطريقه وحطي قطعه صغيره داخل فمها ودفيها باصبعك وحاولي تأكلينها قد ماتقدرين
أن شاء الله ان الفكره وصلت وطمنينا عليها
وهذ موظوع يمكن يفيدك وانشاء الله تطلع لك الصور لأنها ماطلعت عندي
كيفية وضع الأقراص في فم القط

[SleepyMiracle]

زارا انا مريت بنفس تجربتك الاسبوع اللي راح

تلقينها في الموضوع هذا http://www.2zoo.com/vb/showthread.php?t=43304

لا تخافين تصبري شوي ... خذي من البيطري فيتامين علشان يعوضها عن الأكل .. وسائل علشان لو معاها اسهال وانتي بكرامة ما يجيها جفاف ..
حاولي معاها وعطيها الأكل بإيدك .. استخدمي الابرة الفاضية علشان تحطين فيها الأكل .. عطيها زبادي قليل دسم وعسل .. و إن شاءالله يومين او اقل وترجع تآكل هي من نفسها لا تخافي ...

[zara1400]

الله يعطيكم العافية على الردود
والحمد لله بدأت تأكل لأني وديتها العيادة وعطوها مغذيات وأبر وأستفرغت بعدها وأنتو بكرامة وبعدهاأكلت طبيعي كالعادة

[muhannad2]

الحمد لله على السلامه

فديتها