انا والحساسية ساعدوني ارجوكم

[جينزو]

يا اخوان ساعدوني ارجوكم
والله يا اخوان انا احب الببغاوات من قلبي واحب العناية بها بس للاسف عندي حساسية في عيوني والدكتور قالي اتخلص من الببغاوات وانا والله ما ابغا احب ببغاواتي ايش الحل ساعدوني هل هناك ادوية لعيوني تخفف الحساسية او لكرواناتي ارجوكم ردو

[هاوية الكروان]

الله يشافيـــج آميــن
وان شاء الله يجاوبون عليج الاعضاء بصراحه ما اعرف بالادويــه
والله لا يحرمج من بغبغاواتج

[جينزو]

الله يسمع منك يا هاوية الكروان ومشكورة على الرد السريع

[*عالم الحيوان*]

السلام عليكمـ

اخوي.. الله يشفيكـ..

سمعت ان في دوى يخفف اللم والحساسيه وراح اجيبلك اسمه انشاء الله

والله يشفيك ويشفي مرضى المسلمين

[جينزو]

أرجوك أخوي ( عالم الحيوان ) اسرع في احضار اسم العلاج لاني محتاجة جدا وألف شكر على الرد والمرور الرائع
اللهم اجعلها في ميزان حسناته
وارجوا من البقية المشاركة في الموضوع
وسامحوني اذا اطلت عليكم

[Mr. MeMo]

اختي الكريمه


كنت اعاني من نفس المشكله سابقا

و لكن يوجد تحسن كبير لدي و الفضل يعود الى الله طبعا ثم :

استخدمت دواء اسمه ( كلارتين ) دواء حساسيه عام
ممتاز جداااا

بالاضافه الى ترويش الطائر بشكل مستمر
و تنظيف الاقفاص بشكل يومي باستخدام مكانس الشفط الكهربائيه

و ايضا هنالك طريقه افكر ان اقوم بها

و هي اني وجدت في الاسواق اجهزه تنقيه الهواء
و هي عباره جهاز صغير به مروحه شفط هواء
يشفط الهواء الى الداخل و بالداخل يوجد وعاء ماء
و بمجرد ملامسه الشوائب الى الماء تتلصق بها

و هو جهاز صغير و رخيص و انا افكر حاليا بشراءه ان شاء الله

و اتمنى لك التوفيق اختي الكريمه

[الطاير]

جينزو

حياك يالغالي ...

لاتستعمل اي علاج الا تحت اشراف طبي ....

وعادي ترى مافيها شي لو تروح لدكتوور ثاني وتشرحلة مشكلتك وانشاءالله يساعدك ...
تقدر تروح للمستشفى وبمبلغ بسيط تقدر تسوي اختبار للحساسية ...
عشان تعرف ايش تتجنب بالزبط ..

او حل ثاني اذا الحساسية بس في عينك بسيطة يالغالي ...
البس نظارات سباحة ,,, من جدي اتكلم ...
نضارات سباحة (نظارات السباحين) الي من الحجم الصغير تغطي العين و انشاء الله تحل المشكلة ,,
اما اذا الحساسية تمتد لضيق في النفس او طفح جلدي ...
فهذي اعراض حساسية شديدة قد تدخل المستشفى بسببها ...
اذا تجيك الاعراض هذي ... ما انصحك تربي كروان ,,, صحتك اهم ما عندك يالغالي
في هذي الحاله مالك الا حل واحد ....
ولانه حل شوي مو طبيعي بارسلة لك ع الخاص
وبخلي لك الخيار في انك تفصح عنه


الطاير

[fan]

الله يشفيك أن شاءالله

ومثل ماقال Mr.MeMo
أنا عندي نفس الحساسية من الطيور والغبار
تجي الحساسية في العين والأنف
وأستخدم نفس الدواء
والحمدلله الحين ما ألاقي مشاكل أبداً.
بس الأفضل تروحي تستشيري طبيب ثاني بعد يمكن
يوصف لك دواء غير.

[جينزو]

أولا : أشكر جميع من أدلى بدلوه لمساعدتي ولقد تبين لي حب مساعدتكم للآخرين احييكم من كل قلبي لوقوفكم معي
الأخ مستر ميمو : عفوا بس هل الدواء ينفع لحساسية العيون لأني الحمد لله ما اعاني إلا من حساسية العيون وانا كل يومين وأنا مروش الطيور بنفسي وكل ما يتجمع وسخ انظفه ما اخليه يبقى ليوم ثاني
حبيت اسال كم سعر الجهاز وهل يتوفر في الطائف أو في جدة وان شاء الله ينفع والف شكرا لك
الأخ الطاير : انا رحت لطبيب قالي تخلص من الطيور وان شاء الله تنفع طريقة النظارات وللمعلومية الحساسية في عيني فقط ولله الحمد أما عن الطريقة الغريبة فلا بأس بأن تنشرها ليستفيد غيري ممن لديهم الحساسية وألف شكرا لك
الأخ فان : انت مجرب الدواء في حساسية العين ؟؟ وألف شكرا لك
والله تعجز الكلمات عن مدحكم فما قدرت الا اقول الف شكرا فلا تستغربو من كثرتها
للمعلومية جينزو اسم رجال مو حرمة

[Mr. MeMo]

اخي الكريم جينزو

اولا اعتذر فقد اعتقدت انك اخت فاضله مش عارف ليه

بخصوص الدواء هو دواء عام للحساسيه و ليس فقط للانف او حساسيه الجلد

حسب حد علمي ليس له اضرار جانبيه
فقد استشرت اكثر من طبيب و يكمنك استشاره طبيب
كما ذكر اخونا الطاير بالطبع افضل

اما عن الجهاز لقد رايته في جده في مجمع الكورنيش
و لكن لا علم لدي عن السعر و لكنه رخيص ما راح يتعدى اكثر
من مائه ريال على ما اعتقد

واتمنى لك التوفيق