اهلين وسهلين
اولا مبروك الف مبروك عالولاده وعقبال الولاده الالف
ثانيا بحكم ان كان عندي همسترات ولدو فوق 7 مرات بس تنازلت عنهم لاسباب خاصه
الهامستر مب شرط مكان هادي هادي يعني ولا ذره ازعاج
اهم شي ابعده عن صراخ الاطفال وصوت تلفزيون المرتفع
انا خليت همسترتي بغرفتي بس كنت ادخل واطلع بحرس و وصيتي اخواني مايسون ازعاج بغرفتي
ياخذون الي يبونه ويروحون
الشي الثاني بخصوص المستودع الاطفال بيكونون دفيانين بسبه حضن الام والمستودع بيكون بارد بصباح فيستحسن انك تحط قفص الهامستر بمكان مايجيه الهواء بشكل مباشر
وبيني وبينك البراد الي بدون هواء المعقول اشوفه حلو من ناحيه ان الاطفال بيحسون برد وبيكونون تحت امهم يرضعون اما لو صار حر بيتحركون برا فلا تحاتي
وبخصوص الاكل
كان المفروض بفتره الولاده توكلها اكل مليان بروتين عشان وفره الحليب
لكن حتى الى الان هيه تحتاج بروتين عشان تكثر الحليب
والبروتين هذا تحصله ببياض البيض
اسلق بيضه وطلع صفار البيض منها وقدمها لهم
وتحصله كمان بجبنه كيري
وكمان الالياف حلوه وتحصلها بالبسكويت الموب مملح ولا حالي
ومجموعه من الخضروات الي فيها سوايل زي الخيار والخس
حطها مع بعض بكميات بسيطه ويا اكل الهامستر كل ثلاث ايام
وان شاء الله كل شي اوكي
وطمنا خيو عليها