لخبراء البيتبول افيدونى

[tomclancy]

السلام عليكم و رحمة الله و بركاته
طبعا اعتذر عن عدم مشاركتى لفترة فى المنتدى و ذلك بسبب الجامعة و الدراسة

انا ربيت كلاب من فترة و افتكرت انى كدة بقيت مروض لحد ما وقفت قدامى عائق كبير فى عالم الكلاب و هى البيت بول

انا كل الكلاب اللى ربيتها كنت مدربها طاعة و اوامر و جلوس و سلم و كل شئ
بس و صلت عند البيتبول و حسيت انى ولا كانى اتعاملت مع كلاب قبل كدة

المهم انا هحاول اختصر كلامى
كلبى ديفيل بيتبول ذكر عندة سنة و 3 شهور اللون بنى داكن مع راس اسود و مريلة بيضاء
الكلب صراحة عنيد و بحس انه غبى ولا بيهتم لامرى ولا لصوتى العالى و لا حتى للخبط على اى حاجة

و احب اقول انى انا من رافضين فكرة الفايت و ايذاء روح اى حيوان

بس الناس اللى اخذت منهم الكلب كانو بيدخلوه فى الفايتس لدرجة ان الكلب جسمه كله جروح و خدوش ملتئمة

الكلب شرس بدرجة غبية مع الحيوانات
والله ياجماعة من اسبوع كنت سايبه مربوط فى شجرة و صاحبى واقف بعيد بكلب جيرمن و الكلب كان هادئ جدا و كانه مش مهتم بس الجيرمن كان ينبح و يتحرك يمين و شمال عشان يروح لكلبى

و فى لحظة لقينا الناس متلمة و كان فى خناقة و لقيت كلبى ماسك الجيرمن فى رجله و دم يمين و شمال و لقيت طبعا اغرب شئ شفته فى حياتى ان السلسة مربوطة بالشجرة و مقطوعة

و طبعا الناس كلها نازلة بالعصيان و الجنازير و الكراسى و الاحزمة على راس كلبى و لكن ولا كانه بينضرب
و عدى على خير الحوار و كلبى اتصاب بخدوش فى راسه و لكنها بدات بالتعافى و الالتئام و كلب صاحبى اتغرزت رجله و بدات بالتعافى
و مسك اليوم اللى قبله فى قط و فى حمار


المهم انا طبعا عندى اساله كتييييييييييييرة عن عالم البيتبول بس هحاول اخليها فى ايام ثانية

انا اليوم عايز اسال ازاى اخلى الكلب شرس على البشر و طبعا القصد مش للئذية
و لكن انا عايز لما اربطة يحرس محلنا ميخليش حد يقرب من المحل

و قبل كدة طبعا عارفين عندنا فى مصر السرقة عيني عينك و اتسرق منى و من صاحبى كلب دوبر مان طبعا بعد ما كنا هنموت احنا 2 و 17 و احد علينا مع رفع الاسلحة و المسدسات و مية النار


انا عايز يكون شرس بحيث انه يحرس مكانه و ميخليش اى يخص يقرب منه او يمسك سلسلته يعنى نفسى استفاد شوية من شراسته مع اصحاب النفوس الضعيفة

فياريت الخبراء يفيدونى و يكون حل اكيد

اه نقطة ثانية هو غبى مع اى حيوان ذكر او نتاية
بس بيجي لحد كلبتى اللابرادور و مبيكلمهش وكمان بيلعب معاها ممكن اعرف السبب

و زى ما قلت الكلب عنده سنة و 3 شهور
و الكلب عارضه للبدل و قريبا الصور لانى اكتشفت انى لسة موصلتش لمرحلة التعامل مع البيتبول


و زى ما قلت للبدل فقط مش للبيع و شكرا