ببغائي بيعض!!

[CAT]

سلاام

مابي اطول عليكم

موضوع مفهوم من العنوان

انا عندي ببغاء رمادي شريناه من سنتين تقريبا او اكثر

هو بيتكلم وما علامه شئ بس المشكله انه بعض !!!

حتى لو كنت بعطيه اكل !!

شسوي له عشان يترك هذي العادة؟؟

[نصور!]

خيتو Cat حياك الله

لا تستغريبي هذه الحالة فمنها الكثير

عندي مثل حالتك تماماً

عند عمي الرمادي الأفريقي له ثلاث سنوت يتكلم بطلاقه ويغني ويرقص وعند كل صباح ينادي بالأسم ( ناصر صلاة صلاة ) ( محمد صلاة صلاة ) ( يا أمي .. ) إلخ ..

يعني ماشاء الله فله ووناسه

لكن ان قربت يدك من القفص والله ما تشوف إلا الدم طالع من أصبعك


وصدق لقالوا عمر الزين ما يكمل

وانا طرح نفس سؤالي أختي ماهو سبب هذا السلوك ؟

[كاسكو البحرين]

السبب هو لم يتم ترويض الطير منذ الصغر
والآن عمره سنتين راح يكون التدريب أصعب ومجهود أكبر

الحل:

اخراج الطير خارج القفص او على ستاند (مجثم )

محاولة تقديم الطعام باليد
البدأ بتجربة المسح من الأرجل فما فوق ولكن توقع العض شيئ طبيعي ويجب التحمل
عدم الخوف وابعاد اليد في حالة العض بسرعة تلفت نظر الطير
إستخدام طريقة العسل جيدة في هذا العمر
أهم شيئ الجرئة وعدم الخوف وان لم يتم توفر المذكور دعوا العمل لخبير ترويض
ولكن ليس بالعنف او بالضرب فهذه تنتج سلبيات أكثر من الإيجابيات
يعني ان استخدم العنف في الترويض أقل شي راح يصير انه يصمت ويكف عن التغريد والكلام
نتيجة التعب النفسي

تحية وان شاء الله كلامي واضح ومفهوم

[الكوكاتيل]

السلام عليكم
انا شخصيا لا اعرف هده الحاله وارجو من الخبراء المشاركه
لكن اعتقادي انه يمكن ما عودتوه من البدايه على الجلوس معكم وملاعبته واخراجه من القفص بشكل معتاد ومحاولة تدريبه
الكوكاتــــــــــــــــــــــــــــــــــــــــــــــــــــــــــــــــــــــــــــــــيل

[الكوكاتيل]

عفوا اخوي ولكن لا يجب ابعاد اليد بسرعه عند العض تربك الطائر بل يفضل لبس في اليد قفازات خميله كثيفه بحيث لو عض ما ياثر ولا يربك الطائر عند ابعاد اليد بسرعه
وشكرا
الكوكاتــــــــــــــــــــــــــــــــــــــــــــــــــــــــــــــــــــــــــيل

[CAT]

السبب هو لم يتم ترويض الطير منذ الصغر
والآن عمره سنتين راح يكون التدريب أصعب ومجهود أكبر

الحل:

اخراج الطير خارج القفص او على ستاند (مجثم )

محاولة تقديم الطعام باليد
البدأ بتجربة المسح من الأرجل فما فوق ولكن توقع العض شيئ طبيعي ويجب التحمل
عدم الخوف وابعاد اليد في حالة العض بسرعة تلفت نظر الطير
إستخدام طريقة العسل جيدة في هذا العمر
أهم شيئ الجرئة وعدم الخوف وان لم يتم توفر المذكور دعوا العمل لخبير ترويض
ولكن ليس بالعنف او بالضرب فهذه تنتج سلبيات أكثر من الإيجابيات
يعني ان استخدم العنف في الترويض أقل شي راح يصير انه يصمت ويكف عن التغريد والكلام
نتيجة التعب النفسي

اخوي كاسكو البحرين

شكلكك مافهكت علي عدل

انا ماقلت شريناه وعمره سنتين !!

قصدي يعني احنا شريناه وهوا صغييييييييييييير بس احين صار له سنتين








cat كانت هنا

[نصور!]

يا سلام عليك يا كاسكو

ماشاء الله عليك معلمه

وهذا اللي كان حاصل كنا نعطيه الأكل واذا بغينا نمسح عليه او نتطلفه كان يجعر ويعض مع الوقت اهملنها لدرجة صار ما يخاف من احد (صاطي )

لكن انشاء الله تفيد معه هذه الخطوات

[CAT]

بس شكرا اخوي كاسكو البحرين

بحاول اطبق الي قلته انشاء الله ينفع معاه

الله يساعدنيا على ترويضه









cat جات هنا

[كاسكو البحرين]

ما عليه يا اخت CAT
انا فهمت قصدك بالظبط
واللي انا اقصده ان في صغر الطير لم يتم ترويضه بالشكل المطلوب
سواء كان عندكم او عند غيركم
عموماً هو ليس بالمستحيل بس يتطلب صبر وعدم الملل

تحيتي

[إحساس نادر]

خذي بنصيحة كاسكو على ضماني
والله خبير من الدرجة الأولى
وكلامه ما يخرش المايا
مشاء الله تبارك الرحمن







وعقبال ما نشوف طيرك أليف وما يعض وتجين وتقولين أبشركم صار ما يعض







مودتي