مشكله ثانيه مع قطتي :(

[ميزنوا]

السلا عليكم
انا قطوتي احيانا لما إروح الحمام وتتبول الله يكرمكم تطول شوي وذيلها شوي يهتز ولما أشوف اليتر بوكس ألبول تبعها الله يكرمكم قليل يعني مره قليل ايش فيها وكيف اعالجه ووش سببه
واللي يقهرني دكتورتي البيطريه دعيمان اجيب قطتي عندها وتقول قطتك مافيها إلا العافيه وتمدحها من جد مافهمت ؟ ابي حل بليز

[امال شاعر]

عملتي لها تحاليل بول عند الدكتورة

لازم تشوفي يمكن عندها حصوه ومايبان الا بالتحاليل والانترساون

[ميزنوا]

لا ما عملت لها ان شاء الله لما اروح لموعدها تبع التطعيم اسأل الدكتوره


طيب إذا كان فيها حصه هل هو خطير وصعب علاجه


و مشكوره اختي

[امال شاعر]

لا ان شاء الله سهاله بس انتي وديها وشوفي ايش تقلك

حاولي تديها سوائل كثير زي مرق الدجاج مرق الشعير مررره ممتاز

والماء خليه قدامها على طول

[ميزنوا]

هيا دايمان تشرب مووويه والحاله اللي قلت لك عنها مو كثير تسويها

يعني تقريبا كل بعد ثلاث ايام وكذا ومايخرج معه دم

وتشرب مويه اكثر من الاكل

[الدلع]

وعليكم السلام ورحمة الله وبركاته
حياك الله
شوفي يا عزيزتي : خذي بعين الاعتبار إن البسس مو مثل الانسان يعني أكيد بيكون البول قليل
أنا أستخدم رمل ( توماس ) ومن مشاهدتي لبناتي ألاحظ لما يروحون للرمل ويتبولون الله يكرمك والقارئين ما يبان منه شي وكأنهم ما عملوها وكنت أستغرب مثلك فقلت يا بنت احفري من بعد ما يطلعون من صندوق الرمل مباشرة وشوفي وش السالفة فلقيت كميته عادية وبعد فترة يمتصه الرمل ولا يكون له أي أثر فإنتِ احفري عقبها مباشرة وبتتأكدين إن الوضع عادي أو فيه مشكلة وما دامت تشرب ماء بشكل طبيعي ومتوفر قدامها 24 ساعة ونظيف فممتاز .. والي عندي مثلك يشربون أكثر من الأكل .
أما تحريك الذيل فهذا ألاحظه دائما مع ( العملة الثانية .. في آخرها ) أما في البول فما لاحظت ذا الشي .
بصراحة أهنيك على حرصك على زيارة البيطرية بين فترة والثانية وان شاء الله ما يصير إلا كل خير .
موفقة اختي