يا اهل الخبره اتمنى المساعده

[كاسكو فل كامل]

السلام عليكم ورحمة الله وبركاته

اخواني انا شريت لي كاسكو قبل حوالي شهر وابي اسألكم عن امور واتمنى واحد له خبره يرد علي ويتحمل كثرة اسئلتي


اول شي الكاسكو اللي شريته عيونه فيها صفار بسيط ويوم سالته قالي هذا عمره من 8 الى 10 اشهر ولكن هذا زنجباري كذا تجي عيونه والله خليته بذمته هل كلامه صحيح او لا


ثاني شي خليته يروضه عنده قالي بعد اسبوع تاخذه وفعلا اخذته بعد اسبوع وهو يجعر ويعض ولكن نسبيا يطلع على يدي واوقات ياكل من يدي ولكن يجعر ويعض

المهم خليته حوالي اسبوعين عند اخوي وانا سافرت واخوي ماطلعه من القفص ابد لمده اسبوعين يحط له اكل وبس مويه + حب شمسي وفول ويوم اخذته من عنده الا وهو متوحش تقول اسد مو ببغاء ههههههههه صار يخاف بقوه من اي حركه ومافيه امل يطلع على يدي ويعض عض مو بصاحي مو زي اول !!!!!

وكان اول يطلع فوق الاستاند وعادي نمر من جنبه ما يطير الحين من اي حركه لو على بعد عشره امتار يطير ويجعر ويسوي زحمه الصراحه ارتفع ضغطي منه وفكرت امصع راسه ههههههههه

المهم انا احاول اخليه الحين اكثر وقته فوق الاستاند واحط له اكل ومويه ومعطيه جوه


فيه امل يرجع يضبط ولا وش وضعه ابيعه لا اطبخه الصراحه انتهى صبري اتمنى احد يعطيني طريقه ويعلمني اخوكم عليمي جديد اول مره اربي ببغاء كنت راعي حمام بس


وفيه ملاحظه قريت ان الكاسكو يحب الفواكه حطيت له فواكه ما اكلها الين خربت مع اني مهتم بقفصه واموره كلها


اسف ع الاطاله اتمنى احد فاهم فيها يتحمل موضوعي ويرد علي

تحياتي لكم