اشترك في نشرتنا البريدية ليصلك كل جديد

سلوان · 13-04-2007, 02:31 AM

اشتريت قطة صغيرة عمرها أقل من شهرين و واجهت معها مشكلتين :

أولا : تساقط شعرها خصوصا في أعلى الرأس و أعلى الذيل في منطقة اتصال الذيل بالجسد لدرجة الصلع

ثانيا : مشكلة التعود على الحمام لدرجة انها ما تعرف تحفر في الرمل.

مع العلم انها ما شاء الله أكلها كثير و شهيتها مفتوحة دائما و تجري و تلعب
فيا ريت أحد يفيدني في مشكلة التساقط و ياريت أعرف التطعيمات اللي لازم تاخذها الان ؟
و لكم جزيل الشكر

قطو_Q8te · 13-04-2007, 08:32 AM

اخي انت غلطت في شرائك لها
اقل من شهرينـ .
1- مستحيل تتعلم عالحمام بمفردها
2-لن تستوعب ما حولينها بسرعه
3-راح تتعرض ل انفلونزا و رشح و برد ,,

طبعا هذيل كلهم لو كان عمرها شهرين وشي ماراح تواجهم أو لو امها معاها
فما ادري شقولك
غير شد همتك ...
و حاول انت تحفر بالرمل امامها
لانه الكتنز يتعلمون من امهمـــ ,,
ولالالالا مافي تطعيمات الا بعد 5 شهور ( بلكويت ) مادري انت أي دوله , اذا السعوديه بعمر الثلاث شهور اعتقد تتطعمـ ,,
ماعليك سوا تعطيها فيتامينات و ابرة ضد الدود فقطــــــــــــــــــــــــــــــــــــــــــــ
بخصوص تساقط الشعر شيء عجيب توها صغيره فشلون؟ ليكون فيها فطريات .. حاول تعرضها على بيطري احسن

سلوان · 13-04-2007, 10:12 AM

مشكور أخوي قطو كويتي

بالنسبة للقطة أنا اشتريتها عن طريق شخص في أحد المنتديات و ارسلها لي بالشحن و اتفاجأت انها مختلفة عن الصورة اللي وراني هي و أصغر بكثير هو قال عمرها شهرين لكن اللي عندي شكل عمرها أقل من كذا بكثير ، يعني بإختصار اتورطت فيها و في نفس الوقت مستحيل ارجعها بالشحن مرة ثانية لأنه أكيد راح يضرها

عموما أنا بكرة إن شاء الله راح أوديها للبيطري و أشوف ايش يصير

و المشكلة الثانية انه عندي قط ذكر عمره 3 شهور و نصف و من يوم شافه صار له إكتئاب و يبخ عليها و يطلع أصوات و ماني عارفة ايش أعمل معاه .