قطه جديده في المنزل بعمر الشهرين

[yamih]

السلام عليكم أخواني ..

كيفكم عساكم طيبين ؟؟

أنا جبت البارح قطه صغيرهـ عندي في المنزل .. عمرها تقريبآ شهرين ..
وأخذتها من المحل على البيت على طول .. واليوم العصر بإذن الله بوديها تآخذ التطعيمه الأولى .. طبعآ بحثت في المواضيع هنا ولقيت كلام مفيد ونصائح جدآ رائعه .. لكن ما حصلت النصائح لما تكون القطه صغيرهـ جدآ .. يمكن ما بحثت زين أو ما قدرت أوصل للمعلومه اللي أبغاها ...

ما راح أطول عليكم .. استفساري بس هو : وش أسوي ؟؟ القطه تشوف أي مكان وتتخبى فيه .. تحت السرير تحت الدولاب تحت الطاوله .. أنا عارف انها خايفه .. بس كيف اتعامل معها خصوصآ أنها في هذا العمر الصغير جدآ .. ما أبغاها تطلع جبانه ونفس الوقت ما أبغاها تكون منعزله وغير اجتماعيه مع باقي أفراد العائله ..
مع العلم أنها القطه الوحيدهـ في المنزل ما في غيرها ..

ايه صح .. ما عرفت وش اسميها فـ يا ريت تقترحون لي هههههه

[دلوعةقطوتي]

وعليكم السلام ورحمه الله وبركاته
تتربى بعزك
نصيحتي بما انها صغيره دايما ضمها وامسح على راسها ولو خافت خليها تتخبى شوي واترك المكان هاديء
اسحب خيط او شريطه ساتان وهي تبي تطلع تلحقها
حاول تغريها بجبن او تريت او دراي فوود من يدك
قوي علاقتك فيها بالتدريج وان شاءالله بتحبك
الاسم مادري شوف اللي بتحسه يمشي معاها ومع لونها

[yamih]

الله يخليك ويسلمك ..

أنا سمعت بنصيحتك اليوم .. هي كله مكانها تحت السرير .. أجيب لها سلك ولما تطلع شوي شوي أقربه من يدي .. وبعدين لمن تقرب هي أشيلها .. أضمها وأمسح راسها وظهرها .. وأحس بصوت الخرخرهـ .. اللي يدل على الراحه والطمأنينه ..
بس وهي بيدي .. بمجرد ما تشوف أقرب فرصه ,, تفلت وترجع تتخبى .. يعني حتى ما تجلس بيدي دقيقه كامله ..

هذا شي .. والشي الثاني هي أنثى وأبيها تكون دلوعه مو شرسه .. أغريها عشان تطلع بالأسلاك وخيوط .. وأشوفها أحسها شريّـه ههههههه ...

آخر شي .. الأسم مآدري قلت جوجي .. بس كذا أحسه مدري كيف .. هي نوعها شيرازي مون فيس ومهجنه .. ولونها رصاصي غامق على أبيض سكري ..
<< نفس اللي بالصورهـ على اليمين .. تشبهه بس مو هي يعني

وسلآمتكم ..

[دلوعةقطوتي]

اهلين
لاتخاف بتكون دلوعه ان شاءالله بس انت اعطيها فرصه
واجلس العب جمبها ولاتعطيها بال هي بتجي من نفسها
انهاماتجلس معاك الادقيقه لسه مااخذت عليك استنى عليها شوي وبتلاقيها ان شاءالله بحضنك
تيب شوف الاسماء
لوسي فلونابوسي نانسي كاتي نينا ميشا كيشا كاندي لولو بيوتي

[شرازيه]

مبرووووووووك على القطه الجديده وتتربى بعزك انشالله الحين دام انها توهاا جديده خليهاا براحتهاا تستكشف المكان وكذا ولا ترغمها على شي ماتبيه وابعدهاا عن الاصوات العاليه وعن الاطفال وخلييها لووووحدها لما تاخذ فكره عن المكان بعدين ابدا اعطيها اكل او لعبهاا وشوي شوي راح تحبك وتصير دلوووووعه وانشالله ماتنحرم منهاا

[yamih]

هلا فيكم وتسلمون على الرد وسرعة التجاوب ..

أنا مخليها على راحتها بس أحيان أحس لو بطنشها .. بتجلس طول اليوم في مغارتها اللي تحت السرير ولا بتفكر تطلع خير شر هههههه ..

أعتقد على كذا الأفضل أخليها لين بكرهـ أو بعدهـ عشان التطعيم .. غير أن عمرها شهرين يعني باقي بدري على التطعيم أهم شي ما تتعدى 3 شهور على حد علمي ..

وأعجبني اسم كاندي .... بفكر فيه

ومشكورين مرهـ ثانيه

[snow kitten]

انا اشتريت قطط عمر شهر و نص و كانو صغار جداااا فانا خفت لحسن يلعبو فيدخلو في حته مقدرش اطلعهم فاشتريت لهم قفص طيور و اعدتهم فيه علشان كمان كان عندنا فار في المنزل و بعد ما سديت الامكن الصغيره و رمينا الفار طلعنهم بره و كانو بيلعبو ما شاء الله و اكلو صباع محشي كوسه كامل بحجمهم معن
اقصد انك لما تشتري قط لوحده بيكون خايف اما لما تشتري اثنان معن مش هيخافو
و بالنسبة للاسماء ف ايه رايك في
سنو ... فلاتي ... فلافي ... سيليفستر ... روبنزل ... اوليفير ... تيجر ... فرفوش ... سيلفر ... و ...الخ