محتاج نصائحكم في موضوع بسيط

[h_fares el nour]

بسم الله الرحمن الرحيم

انا باربي عصافير بادجي تقريبا من سنة (( لكن لحد دلوقتي مش بافهم كتير فيهم لان اول جوز اشتريتهم كانوا عيانين ربنا يسامح اللي باعهملي ))

عاوز اسألكم في موضوعين

الموضوع الاول .. انا حاليا عندي جوز عصافير (( الذكر تمام كويس والانثى غريبة الشكل مش بتطير ولا تتحرك كتير ومافيهاش ريش ولا ذيل .. قالولي ان عندها نقصد كالسيوم ))

هل العصفورة دي تبيض ويحصل انتاج من بيضها ولا لا؟؟؟ (( للعلم هي باضت قبل كدا 6 بيضات لكن ماحصلش انتاج خالص )) وحاليا هم بيدخلوا العش ويبصوا فيه اعتقد انها هتبيض تاني والله اعلم

الموضوع التاني .. انا عندي عصفور واحد (( فردي موجود في قفص لوحده )) وغدا ان شاء الله هاشتري واحد تاني علشان يبقوا جوز

عاوز نصيحتكم لما اشتري اعمل ايه لاني عايز اجيب جوز يبيض ...

هل اشتري جوز جديد خالص واعطي العصفور بتاعي للبائع ؟؟

ام اشتري عصفور واحد بجانب عصفوري ؟؟ (( لكن المشكلة انهم كتير بيغلطوا في تحديد نوع العصفور ذكر او انثى لما يكونوا سنهم صغير وعصفوري الحالي سنه صغير ))


عاوز اعرف رأيكم اعمل ايه ضروري

[zikas10]

السلام عليكم أخي,,

بالنسبة للحالة الأولى فهي غريبة فعلا كون الأنثى بدون
ريش و أعتقد بأنه عيب خلقي لا يمكن علاجه تماما,,
فهذه الأنثى وبغياب الريش لن تستطيع الرقود بالطريقة الصحيحة
على بيضها ولا تسخينه وبالتالي عدم تفقيسه
لذا فالحل الوحيد باعتقادي هو استبدالها بأخرى سليمة مكتملة الريش وجاهزة,,
أو نقل بعض بيضاتها ووضعه تحت زوج آخر راقد على البيض ان وجد,,
بالنسبة للحالة الثانية فلو كنت متسرعا على الانتاج
قم باستبدال أو بيع العصفور واقتناء زوج جاهز للتزواج,,
وان لم تكن تهتم بالانتاج اشتري طيرا بنفس عمر الطير
الذي لديك بعد تأكدك طبعا من جنس طيرك وأخذ فكرة في
مواضيع القسم عن كيفية تحديد الجنس لدى الطيور الصغيرة حتى لا تنخذع في السوق ,,

بالتوفيق