العصفور هيبيض؟؟؟

[h_fares el nour]

السلام عليكم

انا معايا زوج بادجي (( للعلم انا كنت فاكر ان واحد فيهم انثى والتاني ذكر لكن لو هم هيبيضوا يبقى العكس اللي انا كنت فاكره انثى طلع ذكر والتاني طلع انثى ))

1 - ف البداية كانوا مابيدخلوش العش ابدا

لكن لاحظت من ايام انهم بيدخلوا القفص كتير جدا

في البداية كان بيدخل واحد بس منهم والتاني كان يادوب يبص براسه بس ويخرج وبقى يدخل لكن قليل

وبعد كدا بقى بيدخل معاه شوية لكن قليل برضو

لكن بعد ايام بقى واحد بس هو اللي بيدخل العش واغلب اليوم داخل العش ولما بيكون برا مش بيبعد عن العش كتير ولما باقرب انا من القفص يروح بسرعة يدخل العش

2- اللي بيدخل العش مابقاش يعمل اصوات تقريبا خالص واللي بيعمل صوت هو اللي خارج العش فقط

3- العصفور اللي داخل العش ديله نزل تحت شوية وحاسس ان فيه انتفاخ تقريبا في بطنه

4- انا احيانا باحطلهم خس او جرجير في اسفل القفص ودلوقتي العصفور بيحاول ياخد العود بتاع الخضراوات دي ويطلع بيها لكن مش عارف (( هو فعلا بيكون عاوز يطلع بيها للعش ولا دا احساس مني بس ؟؟؟ ))


والاسئلة اللي عاوز اعرفها منكم...

1- اكيد اللي بيدخل العش انثى واللي خارج العش ذكر ؟؟؟

2- العصفور اللي بيدخل العش هيبيض؟؟؟

2- لو العصفور هيبيض يبقى هيبيض تقريبا بعد كام يوم؟؟؟

3- انا اعمل ايه دلوقتي؟؟؟


منتظر الردود ...