كيف أتاقلم مع القط؟!

[اليوم صار عندي قطو:)]

السلام عليكم ...
انا معاي قط هدية من صاحب اخوي,,,

المهم انو...ابغى اعرف كيف اتأقلم معاه؟

يعني ما يهرب مني و يكون معاي طول الوقت وما يهرب
زي بعض الناس كذا بس ما اعرف كيف؟!ياريت اللي يعرف يقولي.....
والقط هذا أليف أكيد و ما أعرف نوعه بالضبط بس شكله حبووب

شلناه كثير بهاليوم, و اخاف انه يكرهني من اولها

و كيف اعرف ان البس جائع او عطشان او أعرف بـ مجرد صدفه!

وشكراً جزيلاً لكم...

[دلوعةقطوتي]

وعليكم السلام
الف مبررروك يتربى بعزك
المويه خليها على طول قدامه اما الاكل نظم وجباته لو كبير ثلاث وجبات باليوم ولو صغير ممكن كل 4 او 5 ساعات وجبه وكل مايكبر تزيد الكميه وتقلل عدد الوجبات
ولاتشيله كثير عشان مايكرهك خليه يتعرف عالبيت براحته وحاول تلعبه وانت اللي تمشطه وتنظفه وتاكله عشان يحبك وكمان اكله من يدك جبن او دراي فوود او تريت كا مكافئه ومع الوقت بيحبك ان شاءالله
ولو حاب شوف فهرس المواضيع المهمه فيه مواضيع تفيدك

[اليوم صار عندي قطو:)]

ايوه انا اخااااااااااااااف انو يروح و يطلع من بيتنا
انا شفتو بالقفص ورررربي يتنفض من الخوف

الحين احنا حابسينو فوق مع زوايا يعني ما نشوفو زين
ايش اسوي؟؟اخاف يطلع واخسرو
يعني يهررب من البيت انا صارلي زي كذا يوم كان عندي ارانب
واخاف تتكر السالفة

ما اقدر اخلي طول الوقت قدامو الماء....وا بالنسبة للاكل اخوي يقول كل يوم مرتين وهوا صغير مو كبير

اتمنى تردي مرة ثانية و اشكرك على سرعة ردك ^_^

[دلوعةقطوتي]

لا ماينفع تحبسه او تمسكه بقوه هو خايف ولاتنسى انه لسه مايعرفكم
قفل الابواب الخارجيه عشان مايطلع للحوش وخليه يلف ويتعرف على داخل البيت
وخلي قدامه صحن للمويه والاكل واذا صغير لازم تعطيه وجبات اكثر بس كمياتهم قليله
وخلي الليتربوكس كمان قريب منه
ولو حاب خليه بس بغرفه وقفل الباب لاتحبسه يقفص حرام عليك القطاوه ماتحب الحبس
ولو دخل تحت السرير او شي لاتسحبه بالقوه لانو خايف هو يثق فيكم ويطلع بس لاتصرخون عليه ولاتضايقونه

[اليوم صار عندي قطو:)]

ايوا بس المشكلهـ انو انا صارلي زي كذا وكانت الارانب تحت في البيـت بسسس.....هربت مدري كيف وعملت طوشه وراحت فوق وإلخ صارتلها اشياء كثيرة....وانا ابغاه يتعود علي زي بعض الناس.... احنا جلسناه شويه بدون قفص واعطيناه كمان اكل وماء برا القفص بس انا ما بدي انو يتعرف على البيت اخاف انو يهررررررررررب وعلى فكرة هوا يمخش بس مو مرة مع انو قصصنا اظافرو بس نفس الحاااله و دوبنا مودينو للقفص بس يقول لا مارضي!!!!! واشكرك كمان مرة ثانيهـ على ردك مع خالص تحياتي

[دلوعةقطوتي]

تيب كبدايه خليه بغرفه وقفل الباب بس لاتدخله بالقفص وشوي شوي خليه يتعرف على باقيي البيت
كلنا قططنا تتمشى في البيت لاتخاف اهم شي الباب الخارجي مقفل عشان مايطلع الحوش
وهو شوي شوي يتعود عليكم ويخربشكم لانه بدا يتضايق
القطط غير الارانب

[اليوم صار عندي قطو:)]

طيب انا اخاف كمان انو ...يسويها(اكرمكم الله)....ايش اسوي اخاف يوسخ المكان او السرير

[دلوعةقطوتي]

قلت لك خلي الليتربوكس عنده
تعرف الليتربوكس اللي هو صندوق بلاستيك وفيه تراب القط بيقضي حاجته فيه وريه اياه وخليه قريب منه وهو بيعرف ويدفن ماراح يوسخ برى ان شاءالله اكيد انه معود عليه
هذا الرابط بيفيدك بالانواع

http://www.2zoo.com/vb/showthread.php?t=107465

[اليوم صار عندي قطو:)]

الف شكر اختي...مكن تقولي اسعارها؟؟!
ترى اليوم هوا سواها في القفص بس ما ادري هوا مناسب ولالا

[اليوم صار عندي قطو:)]

اختي اليوم القط مآرضي يدخل القفص و لمن دخل حقد عليناا

وقام يسوي روحو بيمخشنا وكمان اشياء كتيرة.............