ابي معلومات عن طرق عيش الضفدع وتربيته للخبراء ضروري جدا جدا جدا

[الكويتاوي]

السلام عليكم
اليوم عطوني ضفادع بس ما اعرف شسويلهم بالحوض شحطلهم ؟؟؟
او حتى الاكل شنو ياكلون ؟؟
او يحتاجون لمبه حراريه او لا من هالاسله

ضروري جدا جدا

شكراا

[الكويتاوي]

ياريت الرد بسرعه

[|| PyTHoN ||]

حطهم بحوض ماي دافي شوي ، بصوب حط فيه صخر عشان يوقفون فوقهم
و عطهم ربيان مجفف أو دود مجفف ينباع بسوق الحمام ~

.
.

[الكويتاوي]

لازم ماي دافي ؟؟
وبعدين يطلعون ريحه ولا لأ ؟؟

[مهووس الحيوانات]

نصيحتي لك حاول تحررهم لو لقيت مكان فيه مستنقع ( مستنقع مو مجاري )

لأن موضوع الضفدع هذا أخطر مما نتصوره ، لأنه لو مات انت تكسب إثم أكثر من أي حيوان ثاني

( مثله النمل و النحل و الهدهد و الصرد بس هالحيوانات ماحد يربيها )

فـ نصيحتي لك انك تفتك منه عالأقل عطه واحد فاضيله و يعرفله

إلا إذا كنت بتهتم فيه فبكيفك ، و أول شي نذكر الدليل على تحريم قتل الضفدع حتى لو كان فيه نفع :

عن أبي هريرة رضي الله عنه أن رسول الله صلى الله عليه و سلم (( نهى عن قتل الصرد ، و الضفدع ، و النملة ، و الهدهد )) .

=-=

و أما تربية الضفدع فهي باختصار كالتالي :

1- الحوض :

- يكون وسيع يكفي للضفدع يتمشى و يتسبح فيه .
- يكون كله ماء شرب نظيف ( لا بارد ولا حار ولا دافي ، لكن متوسط )، ماعدا جزء بسيط يكون بر أو خشبة نظيفة طافية ( حاول ماتكون مكسورة أو أطرافها حادة ) .
- لمبة للتدفئة .
- تبدل الموية و تنظف الحوض كلما توصخ ، لكن لاتستعمل الصابون لأنه بيشيبك .

و في أثناء تبديل الماء و تنظيف الحوض حط الضفادع في مكان ثاني مشابه للحوض الأساسي لكنه أصغر ، يكون مجهز من أول ، لأن لو اضطررت انك تطول شوي في التنظيف ممكن الضفادع تموت لأنه بعدت عن الموية .

2- الأكل :

- حشرات حية و ممكن بعض الضفادع تاكل الحشرات الميتة أو المجففة .
- ممكن تستخدم سمك الزينة الصغير أو ربيان صغير .
- لاتعطيه حشرات مرشوشة بمبيد أو حشرات سامة أو لاسعة ( مثل البعوض و النمل و النحل ... ) .
- حاول تقلل من استخدام الذباب لو استخدمته .

3- مسك الضفدع :

- لا تمسكه من فوق أو من الجنب لأنك ممكن تئذيه ، لكن الطريقة الصح انك تشيله من تحت ( يعني تخليه هو يطلع على يدك ) .
- لا ترفعه لأنه ممكن ينط من يدك بشكل مفاجئ و يطيح و يتألم و يتأذى .
- لاشيله كثير أو لفترات طويلة و لا تخليه يبعد عن الموية فترات طويلة .

4- الشتاء :

- الشتاء وقت خطير لأن الضفادع في البرية لازم تتخبى و مدري وشو .

فالأحسن لك الضفادع الي جتلك تفتك منها ، لكن لاترميها في الحوش أو الحديقة لأنه بتموت و تكون انت السبب لأنك أبعدتها من المكان الآمن للمكان الخطير .

و اعتذر من الي أهداك اياها و وضحله انك تقدر الهدية و معنويتها و حتى ماديتها لكنك ماتقدر تهتم فيهم .

و اسفين عالاطالة بس في شغلات مهمة حبيت أنبه عليها

[الكويتاوي]

يعطيك الف الف عافيه عالمعلومات المفيده وماقصرت بصراحه مشكور جداا