كاسكو vs كوكاتو

[rull]

السلام عليكم

أنا ناوي أشتري ببغاء و محتار بين الكوكاتو و الكاسكو مع أني خاطري بكوكاتو فياريت لو أحد يقولي أي واحد تكون العناية به أسهل و أي واحد منهم أفضل

[بو رتيل]

انا ماجربت اربي الكوكاتو بس الكاسكو افضل بالكلام بس الابيض شكل وكلامه قليل

[المألوف]

.



الكاسكو افضل من خلال الكلام ، و كذلك سعره مناسب

[fawzi]

كل طير وفيه ميزه حلوه الكاسكو اذكى طير من ناحيه الكلام واللعب طير حبوب لاكن مشكلته انه حساس ومتذمر لاكن طير محبوب من جميع النواحي ....الكوكاتو طير مرح ويحب اللعب لاكن من ناحيه الكلام لك عليه مزعج درجه اولى وحساس وخصوصا وقت الليل انا انصحك بالافريقي وانت وعلى حسب رغبتك في الطير

[ولد العاصمة]

الإيجابيات :
الكاسكو : حلو و سهل في تعلم الكلام و أيضا يحب اللعب
الكوكاتو : الكوكاتو حلو و سهل الترويض و يحب يتكلم إذا تعلم

السلبيات :
الكاسكو : متذمر و حساس مرات يكون غدار (مرات مو دايماً)
الكوكاتو : يتكلم بليل كثير هع


انت اختار يلي تبيه لا تاخذ شي مو واثق فيه

بعدين يصير تختار الاثنين مع بعض

[اذكروا الله]

الكوكاتو : يموت باللعب ويتكلم وشكله جنإأآان وحجمه اكبر من الكاسكو ويتكلم طبعا
الكاسكو : كل شي زين فيه الا انه حساس يعني لو بالغلط ضربته يزعل وينتف ريشه وتجيه حاله نفسيه

[rull]

مشكورين على ردودكم و لكن عندي سؤال ثاني

أي واحد أسهل في العناية يعني ما يحتاج أطلعه لساعات طويلة جدا لأني بطلع الببغاء ألي بشتريه كل يوم و بقعد معاه لفتره ( يعني ساعة تقريبا ) و بعدين بخليه فوق القفص بروحه و كل شوي بمر عليه لأني ما أرجع البيت ألا 2 الظهر من المدرسةو بعدين أتغدى و شوي و الاذان مأذن و.......... <<< سالفة طويلة و الزبدة أني 4 العصر أتفرغ

و هل يمكن أني أخليه بجانب ببغاء نيبالية و 4 كوكتيل + شنو الحجم المناسب ( جامبو ، نصف جامبو ، سوبر جامبو )؟

[ابوخاالد]

الكوكاتو غالي مدري على ايش والناس اذواق

الكوكاتو ازعاج وثقيل دم واذا دق صدره وتكلم يقول بابا كأنه لعبه مصنوعه بالصين درجه ثالثه
ويصارخ ومافيه الا شكله حلو شريته مره وثاني يوم رجعته

الكاسكو يقولون حساس وينتف ريشه
وما اعتقد انك بتجلس تكفخ فيه او تخليه بغرفه لحاله بالشهور

الكاسكو بالكلام روعه وحروفه واضحه وتصفيراته اشكال والوان وذكي ويفهم بمعدل تفكير طفل وبالنهايه ارخص

فأتوقع هو الخيار الافضل

[كاسكـــو]

انا اقول الكاسكو طير متكلم من النوع الممتاز ولا عنده ازعاج

الكوكاتو ابتعد عنه طير مزعج من الدرجه الاولى وصراخه حاد وخصوصاً لما يكون بروحه

وممكن ماتتحمله انت واعرف كثير باعو الكوكاتو بسبب ازعاجه ... والخيار لك

[rull]

شكرا جزيلا لكم على المساعدة و أنا كان في بالي آخذ كوكاتو لكنكم غيرتو رايي إلى كاسيكو فشكرا لكم جميعا