اشترك في نشرتنا البريدية ليصلك كل جديد

الموج الازرق · 15-08-2010, 03:30 PM

ب[FONT="Book Antiqua"]انا واللة ماعندي خبر في الحمام الزينة بس الحمام الطيار وغير
السوال ماهوافضل حمام زينة من ناحية التناسل والتفريخ والحضانة من ناحية السعر والاكثر رغبة امن الشكل امايخاف من الانسان

اتمنا تفيدوني
وشكر
[/FONT]

نوافـ الشمريـ · 15-08-2010, 03:42 PM

هلا فيك اخوي الموج بالنسبة للاسعار ماقدر افيدك لاني بصراحة تركت تربية الزينة من سنتين تقريبا والحين مركز على القطايف بس

لكن بعطيك من ناحية النسل وكثرة الانتاج كان فيه الكرنقو والشيرازي والقطمي هذا اللى اذكرة حاليا واذا ذكرت شي زود برجع اكتبة لك

ومن ناحية السعر الاغلى حتى الحين هو النفاخ المسوبع والبخارى و واللونق فيس

وعلى فكرة الالوان تحدد سعر الطير كما هو حجمة يعني الرديوس على خبري اغلى الالوان ومن بعدة يجي الاوبل لكن الاوبل الحين انتشر باعتقادي ولاعاد بقوتة زمان

و النفاخ المسوبع احسن لون فيه الاصفر
واي استفسار انا حاضر لك ولباقي الاعضاء

الموج الازرق · 15-08-2010, 04:02 PM

طيب وش الفرق بين الحمام اللونق فيس والفراشة

وشرايك بحمام ابو فوطة والهزاز

وكم محاكر الحمام الزينة في الرياض

شكرا
اسف كثرة الاسلة

نوافـ الشمريـ · 15-08-2010, 04:10 PM

اقتباس:

طيب وش الفرق بين الحمام اللونق فيس والفراشة

اللونغ فيس معروف شكلة واذا ماتعرفة نجيب لك صورة لكن الفراشة هو الروماني والروماني جميل جدا خصوصا شكلة عيالة

اقتباس:

وشرايك بحمام ابو فوطة والهزاز

ابو فوطة ربيته انا وانتاجة صعب خصوصا المستويات

والهزاز ماربيت منه لكن اللى اعرفة انة كويس شكل وانتاج خذ لك جوز بعيالة وجرب والتجربة خير برهان

اقتباس:

وكم محاكر الحمام الزينة في الرياض

المحاكر للزينة تختلف مقاساتها كل على حسب يعني مثلا الكوري مايبي له احجام كبيرة بينما بالعكس البخارى

لكن عموما المحاكر الخشب تؤدي الغرض وسعرها من 40 الى 45 ريال على حسب حالة السوق اللى تجيك اربع ادوار اما الثلاث ادوار والدورين والدور ماعرف اسعارها صراحة لاني ماستخدمها

اقتباس:

شكرا
اسف كثرة الاسلة

العفو لاشكر على واجب

وبالعكس انا احب افيد اتمنى لك التوفيق واي شي انا حاضر لايردك والكلام للجميع الا الكيبورد اسئال كل اللاسئلة اللى في بالك

الموج الازرق · 15-08-2010, 04:24 PM

يعطيك العافية
السوال 1طيب انا ابغا اشتري حمام زينة ابغا اروح لسوق الحمام هل يوم الجمعة العصر فاتح في رمضان ولاالصبح بس

السوال وش تنصحني فية ابغا حمام زينة
ابغا حمام انتاج شكل جميل
اذا تبغا اتقول قل سعرة في الرياض
الي في بالي

1الونق فيس
2الفراشة
3ابوفوطة
4الرقاصي
5الكنق
6 النفاخ

الي ابغا اشتريها ثلاثة فقط
وشنتصحني
والحمام الاحم وشتنصحي فية فرنسي ولاغير
كم سعرة

وشكرا نواف واللة مدري وش اقولك جميلك على راسي ماقول الا اللة يعطيك العاقية

نوافـ الشمريـ · 15-08-2010, 04:45 PM

اقتباس:

يعطيك العافية

يعافيك ربي

اقتباس:

السوال 1طيب انا ابغا اشتري حمام زينة ابغا اروح لسوق الحمام هل يوم الجمعة العصر فاتح في رمضان ولاالصبح بس

حاليا مانيب اروح للسوق بس رحت يوم الخميس اشتري اكل للحمام وبادجي شفت الحراج فاتح ومحلات السوق بتحصلهم فاتحين العصر وبعد التراويح لين الساعة 1 او 2

اقتباس:

السوال وش تنصحني فية ابغا حمام زينة
ابغا حمام انتاج شكل جميل
اذا تبغا اتقول قل سعرة في الرياض
الي في بالي

1الونق فيس
2الفراشة
3ابوفوطة
4الرقاصي
5الكنق
6 النفاخ

الي ابغا اشتريها ثلاثة فقط
وشنتصحني

لونق فيس اصفر او احمر او ابيض

والفراشة

والنفاخ اذا كنت بتاخذ مسوبع ولا خلك على ابو فوطة

اهم شي خلك بعيد عن الكنق

اقتباس:

والحمام الاحم وشتنصحي فية فرنسي ولاغير
كم سعرة

الحمام الاحم عدة انواع اشهرها بالسعودية او خلنا نقول الرياض خاصة الفرنسي والسلفر و المصري المصري حجمة كبير جدا وبدرجة اقل فيه الزاجل حجمة كبير ويصلح لانتاج اللحم اخيرا فيه الحمام البلدي او يسمى كويتي

اقتباس:

وشكرا نواف واللة مدري وش اقولك جميلك على راسي ماقول الا اللة يعطيك العاقية

العفو ماسويت الا الواجب ولا جميل ولا شي كلنا بهالمنتدى نفيد بعض

بس عندي ملاحظة

الله تكتب بنهايتها هـ احرص على هالموضوع انت كاتبها اللة اخرها ة هذي تاء مربوطة وليست هاء

اتمنى لك التوفيق ونصيحة اخيرة لا تستعجل دائما خلك صبور بالشراء وتاكد ان الحمام مافيه مرض او شي ولا تشتري شي الا معة عيالة حتى لو كانت قيمته دبل لانها اريح لك

__________________

fotoo · 17-08-2010, 12:10 AM

ماقصر الأستاذ نواف افادك