مشكلة مع أعز طير

[أميرة الأحزان]

السلام عليكم

الموضوع باين من عنوانه...

انا بنت واحب اربي طيور

عندي طير كاسيكو صار له عندي سنة ونص وعمره يمكن 3 سنوات

الطير من اشتراه لي خطيبي هدية وغالي عندي ومن اشتراه لي وهو يركب على الايد ، مايصارخ، مستحييييييييل يعض

حتى اذا جوني ضيوف يخافون منه اقول لهم اذا عضاكم اخذوه ليكم لان مستحيل يعض مهما سويت فيه مايعض حتى اشيله مثل القطو مايسوي شي
وطبعا الطبع اللي فيه مو بس وياي، ويا الكل جذي

المهم اني صار انشغلت بدراستي لان اخر كورس وتخرج فإنشغلت واجد عن الكاسيكو
صرت ما اقعد معاه واجد

الحين الكاسيكو مايحبني ويعضني وصار شيطان مع اغلب اللي في البيت


الحين شلون اخليه يحبني؟ شلون ادربه مرة ثانية؟؟؟ ارجوكم ساعدوني هالطير والله عزيز على قلبي ومتكدر خاطري لان يعضني حتى صرت اخاف امد ايدي له لان عضاني واجد


اتمنى المساعدة





وشكرا

[بو رتيل]

ياحياتي والله تكسرين الخاطر والله انا احب الكاسكو بس ماعرف شلون ترجعينه زي اول سوري

[أميرة الأحزان]

والحل؟؟؟


اتمنى المساعدة بأسرع وقت
الطير خلاني اصيح لأن يعضني ومايحبني
والله انه غالي على قلبي ويتكلم ما شاء الله عليه ويقول الكلام في وجهك مايحتاج تنخش عشان تسمعه يتكلم


مشكور اخوي على ردك

اتمنى احد يقدر يساعدني

[أميرة الأحزان]

ليش محد يرد


بلييييز اللي عنده خبرة في تدريب الطيور يفيدني لو بنقطة


في ميزان حسناتكم ان شاء الله

[هاااايز]

يمكن فيه شي معكر مزاجه حاولي تغيرين البرنامج اليومي حقه يعني طلعيه برا بالحوش وقت العصر اذا كان الجو معتدل اشتري له العاب وابحثى عن السبب النفسي اللي مر عليه يمكن فيه احد مخوفه يمكن داخل عليه قطو ولا ما خذ موقف من احد وان شاء الله ازمه وتعدي بس حسسوه بالامان بس انت غلطانه يوم خليتيه لحاله وانشغلتي عنه المفروض تخلينه بالصاله في مكان يشوف فيه ناس ويحس فيهم ولا حطيتيه وشغلتي له التي في يسمع صوتهم ويحس فيه ناس لا نه حرام متعود عليكم وتلعبونه

[أميرة الأحزان]

مشكور اخوي هاااايز ما قصرت

الكاسيكو اوردي في الصالة واحنا تجمعنا كله في الصالة يعني اللي يدخل ويطلع يشوفه ويسمع الاصوات اللي في البيت كلها واكلمه والبيت يطلعونه من القفص ويلاعبونه بس المشكلة اني انشغلت عنه لان اخر كورس لي في الجامعة واتخرج فصار عندي ضغط بمشاريع وبرزنتيشن وامتحانات وماصرت اقعد معاه مثل اول

اليوم اكتشفت ان الناس اللي مو متعود عليهم مايسوي شي ليهم
بس اني اذا امد ايدي له يعصب ويعضني فما اقدر اشيله على ايدي

اما عن الالعاب فهو يخاف منها حتى لو كانت صغيرة، ويمكن الاطفال مخوفينه بعد مادري

امبي طريقة ادربه ويرجع لي مثل قبل احضنه ويدلع علي


ساعدوني الله يخليكم لو عندكم طير عزيز عليكم وبيتوحش عليكم بتحسون فيني
الله يخلي ليكم طيوركم

[1117mood]

شوفي فيه مواضيع هينا عن التدريب يمكن تفيدك
http://www.2zoo.com/vb/showthread.php?t=153191
ودوري بالمنتدى ان شاء الله يفيدونك

[غسان الاشقر]

اتوقع ان عمره اكبر من 3 سنوات وانه فى مرحله التزاوج الان ومعروف عن الطيور انها تصبح عدوانيه فى تلك المرحله

[fawzi]

هذا شيء طبيع يااختي ى لاتحاتين ممكن لانج متغيبه فتره عنه فا حس بالوحده انتي قلتي انو كان وايد زين معاج واتي كنتي مشغوله بالدراسه ان شاء الله بيرجع نفس اول ممكن معصب عليج حاولي تكلمينه ودلعينه ترى الكاسكو يفهم وان شاء الله الامور طيبه ,تحياتي وتقبلي مروري

[أميرة الأحزان]

غسان الاشقر

و الاخ

fawzi


مشكورين ماقصرتون

في امل يعني ترجع لي مثل قبل؟
تنصحوني بس اقعد اكلمها واحاول امسح عليها واحصل لي كم عضة؟؟؟


مافي نصايح ثانية؟