|| باركولي و علموني عالحيه اليديده :q

[|| PyTHoN ||]

السلام عليكم

بدلت مع واحد عطيته الساند بوا و عطاني هاذي
أذكر قبل قريت اسمها الهارسين شي جذي

المهم



< ماشالله عليها ما تثبت

المهم

أشوف يلدها يوحي أنها برمائيه ؟!

إنزين شنو أكلها غير بيض الحمام و الفري ؟

و شكثر يوصل طولها أكثر شي ؟

و بس

[خالد414]

ماشا الله تبارك الله

مبروك عليك الثعبان الجديد

يتربى بعزك ان شاء الله

هذا اسمه ابو السيور

ويجي عندنا بالسعوديه نوعين نوع يسمونه شجري ونوع يسمونه جبلي او صخري وكله يعيش عند الشجر

واسمه العلمي (schokari)

واللي معك ضخري وطوله يوصل متر و.70 سم تقريبا

وعنده انياب خلفيه بس طبعا ضعيف سمه باذن الله ما ياثر بالانسان

وبالنسبه للغذاء انا اشوف انه يفضل السحالي بس ياكل فيران وضفادع وطيور

وتراها غير برمائيه يعيش في المزارع وعند الاشجار يعني حط عنده اغصان شجر

واي سؤال احنا حاضرين...

[|| PyTHoN ||]

امممممم

شوف انا بالحوض أساساً فيه حيه ناتركس او الغراس سنيك يسمونها
المهم بوصفلك الحوض

في جره صغيره اذا احد منهم بنام فيها
و الأرضيه نشارة خشب
و بالنص دفايه على شكل غصن
و في صخره كبيره و يمها ماعون كبير تقريباً فيه ماي
لأن فيه حيه برمائيه تدش مرات بالماي و تطلع

أعتقد الحوض مناسب لها ,,

انزين على هالحجم شنو الطيور الي ياكلها ؟
و شكبر الفار الي يقدر ياكله
و ياكل ضفادع @@" ؟ !

+ ياكل جولدفيش ؟

[خالد414]

[B]هلا بك اخوي[/B



]

و الأرضيه نشارة خشب

النشاره مو زينه للثعابين لانها تسبب لها فطريات اشتري الفرش الاخضر (الانجيله)

احسن لك بكثير واوفرلك بعد تقدر تغسله وتعقمه كل ما بغيت وبعد عندي احسن شكل

انزين على هالحجم شنو الطيور الي ياكلها ؟

اتوقع الطول ما تعدى المتر علشان كذا ممكن تعطيها فروخ سمان (فري)

بس يكون بالايام الاولى من عمره او عصافير فروخ او بعد حمام فروخ وتكون احجامها صغيره

و شكبر الفار الي يقدر ياكله

يصير توه صغير يفضل ما تعدى الشهر

و ياكل ضفادع @@" ؟ !

اللي كان عندي ما ياكل الا سحالي وضفادع وبعض الاحيان فيران بيض على حسب المزاج

+ ياكل جولدفيش ؟

والله ما اعتقد ياكل لانها مو من بيئته

بس نصيحه اسال صاحبه الاول ايش كان متعود على الاكل

وحنا حاضرين

[|| PyTHoN ||]

ولله صاحبها قال ان كان يعطيها بيض

..

الفرش الاخضر (الانجيله)

شنو هاذا @@" ؟

..

زين تقول عصافير اعمارهم بو يوم ولا يومين بس هم أحس كبير عليها
شكثر يتمدد بطنها @@" ؟؟

..

و اذا كبرت لا يكون سمها يصير أقوى بعد ؟!

[|| PyTHoN ||]

+ كل شكثر أوكلها راعيها قال جرب وكلها كل 4 ايام !

مو المفروض أسبوع ؟ أو اسبوعين ؟؟

[خالد414]

ولله صاحبها قال ان كان يعطيها بيض

اغلب الناس اللي ما تعرف توكل الثعابين تقولك اكلها بيض مو كل الثعابين تاكل بيض

الفرش الاخضر هو اللي يستخدمونه في اغلب المدارس (فرشه الملاعب) او الزرع الصناعي اللي يجي قصير

زين تقول عصافير اعمارهم بو يوم ولا يومين بس هم أحس كبير عليها
شكثر يتمدد بطنها @@" ؟؟

اذا كنت تشوف ان العصافير اعمار يوم ولا يومين كبيره خلاص لا تعطيها عطها فيران صغار

+ كل شكثر أوكلها راعيها قال جرب وكلها كل 4 ايام !

مو المفروض أسبوع ؟ أو اسبوعين ؟؟

وكلها كل اسبوع

[|| PyTHoN ||]

انزين أخوي تقدر توريني الحجم المناسب يعني لها ؟!

مثلاً سانتي متر مربع

2 3 ؟؟؟

يعني شكثر تقدر توسع بطنها ؟!

و في مجال أوكلها لحم ؟

[خالد414]

المشاركة الأصلية كتبت بواسطة || PyTHoN ||

انزين أخوي تقدر توريني الحجم المناسب يعني لها ؟!

مثلاً سانتي متر مربع

2 3 ؟؟؟

يعني شكثر تقدر توسع بطنها ؟!

و في مجال أوكلها لحم ؟

اذا تقصد الاكل ترا المسأله مو دقيقه لهدرجه

يعني مثل ماقلتلك طيور صغار ولا فيران نفس حجم اصبع اليد

او اكبر بشوي والطيور نفس الشي

اللحم ممكن تاكله بس ما أنصحك احسن انك تخلي الثعبان على طبيعته

لان الطير اللي ياكله او الفار اكثر فائده من اللحم

[|| PyTHoN ||]

^

تسلم ولله ,,

لا بوكلها إذا توهقت و ما عندي أكل لها !
صعب أكلها ولله

المهم لي كبرت أنشالله تاكل همسترات كبار صح ؟؟
و شمتنها تصير دام متر و سبعين سانتي

ولا بتظل جذي ويا ذيلها جنها واير ستلايت @@"
ههههههههههههههههههههههههههههههه