اقدم لكم التعازي .......

[passposse]

السلام عليكم ..

هلا خواني وخواتي .. شحالكم عساكم بخير ..

وشو المنتدى وياكم .. ان شا الله كل شي ماشي تمام وياكم ..


اليوم وللاسف اخواني اقدم لكم التعازي ..


التعازي ع ضيف كان الحركه النشيطه معنا ..


كان التفاعل بكل صوره الرائعه ..


تعازيي الحاره لفقدان هذا الشخص الرائع الشخص الذي عند تصفحنا للمنتدى نجده في كل مكان من تفاعل ونشاط وتواصل رائع ..


اقدم لكم التعازي وكل حزن ع ما اصاب هذا الشخص .. إنا لله وإنا إليه لراجعون ..


عظم الله اجركم ع اخونا وبكل حزن وأسى ع فرقاه ..



اخونا الطيب الذي كان هو صورة تواصل كل عضو وتفاعله ..


اخونا الذي كان الخط الذي به يبرز العضو بكلماته المعبره الرائعه المادحه والمجيبه والمشجعه والمستفسره ..



انعيكم يا اخوتي لاخونا العزيز الــــــــــــردود .. اخوانا الذي كان اينما ندخل نلحظه حيث يكون صوره لكل عضو يشاطرنا افكاره ونشاطره افكارنا ..

الــــــــــــــــردود التي ماتت واستبدل بها النظر فقط من دون التفاعل من دون ابداء الرأي ..


إنا لله وإنا إليه راجعون .. ولا حول ولا قوة إلا بالله العلي العظيم ..

والسموحه اخواني ان قلبي باكي حزين ع اخي العزيز الذي توقف عن حضوره اللافت الرائع المشجع ..

[سعودي]

إنا لله وإنا إليه راجعون .. ولا حول ولا قوة إلا بالله العلي العظيم

[MrLiOn]

أي والله .. الله يحسن عزانا فيه
من جد .. أشوف كثير من الأعضاء يدخل الأقسام ويفر مواضيعها فر ..
وتجده يستفيد منها .. وفايدتها تظهر عليه ..

ومع هذا حتى كلمة شكراً ما يقولها .. إيش هالأنانية
يالله يمكن بعضهم عنده عذر الله ييسر أمورهم

وهذا موضوع رائع اتمنى الكل يدخل عليه ويستفيد
http://www.2zoo.com/vb/showthread.php?t=12180

وشكراً

[passposse]

المشاركة الأصلية كتبت بواسطة سعودي

إنا لله وإنا إليه راجعون .. ولا حول ولا قوة إلا بالله العلي العظيم

السلام عليكم ..

هلا اخوي سعودي في موضوعي واشكرك ع الحضور البسيط ..



--------------

السلام عليكم ..

هلا اخوي MrLiOn اشكرك ع الحضور الطيب ..

وشكرا ع التعليق الوافي .. والله يرحم ايام الردود الحلوه والنقاشات الاحلى والتفاعل والتواصل بين الاعضاء الي ينشط المواضيع ..

الحين تحصل الردود قلت ولكن المواضيع الجديده اكثر صارت وتحتوي ع نفس ال Topic بس بعناوين مختلفه .. فيصير زحمه ع الفاضي ويصير ممل وافضل المواضع ما تلاقي فيها اي تفاعل حتى لو شو ما كان الموضوع ..

يا ناس علقوا ولو بالبسيط هذا يسعد الكاتب انه يتفاعل ويظل يشوف موضوعه بفخر انه ساعد شخص وانه هل شخص يستفسر اذا كان الموضوع عن اي شي كان .. عن الاسماك او الطيور .. الحين صار الواحد يدش وع طول ع الاسئله اول شي اقرأ شوف المواضيع واذا في استفسار رد ع هل موضوع واستفسر فيه هذا هو معناه الردود .. ومن غير الانواع الكثيره للردود .. مثل موضوع ممكن يكون للصور الحين صاروا بس يشوفون الصور ويمشون انزن اكتب حرف ع الاقل ترانا نحن نتعب بهل موضوعات الي نكتبها انت تعب نفسك ولو بكلمه تفرحنا انه هل موضوع شافوه مو بس دشوا عليه بالغلط ..

اشكرك اخوي ع الوصله الحلوه والموضوع الاحلى والله يعطيك العافيه .. واشكرك ع الافاده اول مره اشوف هل موضوع فشكرا ..

والسموحه منكم .. تحياتي ..

المشاركة الأصلية كتبت بواسطة دراكولا المجنون

اي والله اخوي كلامك صح ان لله وان اليه راجعون الله يرحم الردود

السلام عليكم ..

هلا اخوي دراكولا المجنون اشكرك ع الحضور الطيب ..

وانا وياك ع الكلام الي قاله اخوي MrLiOn واشكركم جميعا ع الحضور ومالتفاعل ..

[دراكولا المجنون]

اي والله اخوي كلامك صح ان لله وان اليه راجعون الله يرحم الردود

[سـارة]

لماذا اليأس ..

الردود..لم تمت و إنما تم إهمالها..
و ستبقى تنتظر من يتذكرها و يهتم بأمرها..
و منتدياتنا رغم افتقادها لهذا العضو الغالي..
فهي لم تعدمه كلية بوجودكي أختيpassposse. .
ووجود العديد من المراعين لها ..
وتسلمي عالموضوع القيم ..

ومشكور أخوي مستر لايون عالرد الواعي..
واضافة الرابط ..

وأسأل الله أن يوفقنا و بقية الأعضاء لعلاج الردود..
فما تمر به هو مجرد وعكة.

===

إلا لاحظت إن في أعضاء يدخلون و يكتفون بكتابة:
(إنا لله و انا إليه راجعون )
أخاف يحسبوا إن في أحد اسمه(الردود)..
أو يمكن حتى ماقرأوا الموضوع بس الدعوة فيها عزاء ..

أظن إن مشكلتنا الأساسية تكمن في عدم قراءة المواضيع جيدا..
فضلا عن أن يمكننا مناقشتها و كتابة رد يدل على اننا قرأنا الموضوع أصلا ..

[passposse]

السلام عليكم ..

هلا اختي سارة .. اشكرك ع الحضور الطيب والتعليق الطيب .. وصحيح ان بعض المنتديات تصيبها هذه الحاله المرضيه ممكن تشفى منها وممكن لا .. وممكن احد يفكر بهل موضوع ويحاول يرد عليه بكلمات بسيطه ..

إلا لاحظت إن في أعضاء يدخلون و يكتفون بكتابة:
(إنا لله و انا إليه راجعون )
أخاف يحسبوا إن في أحد اسمه(الردود)..
أو يمكن حتى ماقرأوا الموضوع بس الدعوة فيها عزاء ..

اختي حتى لو كتبوا هذي الكلمات زين انهم دخلوا الموضوع وردوا عليه .. بس العتب ع عدم قرأت الموضوع وفهم شو الي صاير اولا بعدين يقرر الشخص شو بيكتب ..

نحن نكتب ردودنا مو لزيادة مشاركاتنا نحن نكتبها لتبادل المعرفه للمشاركه بكل شي بأفراحنا بأحزانا .. وهذا الجزء البسيط من الردود له وزن كبير عن صاحب الموضوع حيث يشعر بأن موضوعه ناجح ولو كانت الردود قليه يعني في صوت .. موب لا حياة لمن تنادي ..

تحياتي ..

المشاركة الأصلية كتبت بواسطة ناصـر

هو موضـــوك يلاًمس واقـَـعْ اغلــــب المنتـــديات .,

بس لك شـئ سلبياًت وايجـابيات حتى بالهـدوء فـالمنتدياًت ..

سلبيـات منها : أنتـظر مـدة سسنـه ونصـف السـنه لوصـول موضـوعك صفـحتين ( مبالغـــة ) ,,


الايجابيـات منها : يبـــقى موضـــوعك فـ الصفحـات الاولى لمـدة طـويـــلة , يتصـفحه أغلب القـراء !!

برإيــــفت // هو وش ســــبب وفاتـــــــــه .. !!

السلام عليكم ..

هلا اخوي ناصر .. اشكرك ع التواصل معنا .. صحيح انه له ايجابيات وسلبيات هذا الركود في الردود والتفاعل بين الاعضاء ويصيب كل المنتديات .. منتدانا ما شا الله دائما في تجدد وفيه روح التواصل والاخوه فليش هذا النوع من الركود الغريب .. ممكن يكون بسبب تكرار الكلام او بسبب تكرار اسألت الجدد في المنتدى حتى قبل لا يشوفون المنتدى وياخذون فكره لانهم ممكن يحصلون الي يبونه من دون ما يطرحون الكثير من الاسئله ممكن بس اذا ما حصل الي يبيه في اي موضوع انه يسأل .. واعذروني ع هذا القول ولكن هذي هي مشكلة المنتدى حاليا الي الاحظه وهذا سبب الركود كثرت تكرار الاسئله ..

برإيــــفت // هو وش ســــبب وفاتـــــــــه .. !!

وعن سبب الوفاه انا ويا أخوي MrLiOn .. وبعيد الشر عنكم .. تحياتي ..

المشاركة الأصلية كتبت بواسطة MrLiOn

السبب جلطة دماغية عطلت الحواس وشلت التفكير
فلا يستطيعون الأعضاء قراءة المواضيع ومن قرأها لا يستطيع الرد

بعيد الشر عنكم خيو



كاااااااااااااااااااااااااااااااااااااااااااااااااااع
لا تستغربين ممكن هذا يصير .. وأعرف ناس كذا كثير

السلام عليكم ..

هلا اخوي MrLiOn .. تسلم ع الرد الطيب ..

وانا وياك في كل كلمه قلتها تسلم والله يعطيك العافيه .. تحياتي ..

المشاركة الأصلية كتبت بواسطة توتي

لا حول ولا قوة الا بالله.. الله يرحمه.. واحسن الله عزاكم وهذا اكبر دليل على كلامج يا اختي.. في ناس مشكلتهم يحبون يزيدوون مشاركاتهم بأي طريقه فيكتبوون اي شي بدون ما يقرأون الموضوع ويتعبون حالهم,, وفي ناس ما تحب تتطلع على الموضوع وتقرأه وتاخذ فايدته وما ترد.. وفي ناااس تكتفي بسؤال واحد مع انهم لو دوروو في المواضيع بيلقون مبتغاهم لكن ما يحبوون يتعبون نفسهم ويسألون ولما نرد عليهم ويلقون اللي يبونه ما نشوفهم مووول الا بسؤال ثاني.. ولا نسمع منهم كلمه شكر..

هذا الشي فعلا يحزن.. لكن الحمد الله في اعضاء كثاااااااااار في هذا المنتدى الطيب يردون على المواضيع ومرات الموضوع يتحول إلى نقاشات حاده.. واضافات في نفس مضمون الموضوع تحبب العضوا انه يقرأ ويطلع اكثر ويتابع مواضيع هالشخص.. ويستفيد فعلا من هالردود.. وهذا هو سبب وجودي وحبي لهذا المنتدي..

بصراحه استفدت اشياء كثيره من هالمنتدى الرائع..

ومهما يكون تراه الانسان فيه صفه انه يحب يشوف نتايج عمله اللي تعب عليه واجتهد فيه..

والحمد الله على كل حال وياليت لو كل واحد يساعد الثاني او يكتب موضوع ما يكون في نيته او يتذكر شي واااحد انه ساعد او وضع هالموضوع لكسب الاجر من الله..

وبالتالي كل شي بيكوون تمام..

والسموحه من الجميع

أختكم/ توتي

السلام عليكم ..

هلا اختي توتي .. تسلمين وايد اسعدني ردج الطيب والطويل الي خلاني افرح انه لموضوعي ولو القليل من الاهميه .. وطبعا الحمد لله انه للحين في الردود حياه ولو اخر الرمق لكن للحين عايش .. من ردودكم اخواني وتفاعلكم ونقاشاتكم وياي في هل موضوع يفرحني وانا معاج بكل كلمه قلتيها .. والله يرجع اياه الردود وانه الاخوان ينتبهون اكثر للمواضيع ويشوفون الي يبون في المنتدى وبعدين ممكن انهم يسألون لو ما حصلوا مبتغاهم عشان ما تصير هل زحمه .. يلا الله يعين .. تحياتي ..

المشاركة الأصلية كتبت بواسطة الوليد

كلامك اخى الكريم - ينطق بالصدق - لاحول ولا قوة الا بالله

السلام عليكم ..

هلا اخوي الوليد .. اشكرك مساهمتك في موضوعي .. تحياتي ..

المشاركة الأصلية كتبت بواسطة biology1

السلام عليكم ،،
يعلن بايولوجي أنه هنا دائما وأنه سيبقى وفيا دائم الاتصال بأصدقائه في المنتدى وأنه سيحاول قدر الاستطاعة أن يرسم البسمة على شفاه رواد المنتدى وأن حملهم على الاستفادة ،، وأن يشكر كل من كان معنا تواصل أم لم يتواصل ،،،
وعربون ،،، أقدم شكري لجميع قارئي الرسالة :d

السلام عليكم ..

هلا اخوي biology1 .. تسلم ع الرد الطيب واشكرك عليه ..

الله يعطيك العافيه .. وبالمثل اقدم كل الشكر للاعضاء القائمين ع هذا المنتدى الرائع واتمنى لهم التوفيق في كل سبل حياتهم .. تحياتي ..

المشاركة الأصلية كتبت بواسطة MrLiOn

أنت يا ناصر بس لو تاخذ دورة في الصرف ..
وتعرف تشكل الحروف زين .. تطلع إكة

أجل الياء عليها فتحة ولا الألف عليها تنوين ولا القاف عليها سكون
والخاء تحتها كسرة كااااااااع وين حنا فيه

السلام عليكم ..

خواني ناصر و MrLiOn .. هدوا الاوضاع وخلونا حلويين مع بعض هذا رمضان شهر السماحه والاخذ والعطا ..

والله يوفقكم يارب وييسر اموركم قولوا امين والجميع يارب ..

المشاركة الأصلية كتبت بواسطة the snipr

afa waen alrodod ia shabab
131sha56 da5el w ma7ad iered

السلام عليكم ..

هلا اخوي the snipr .. اسمح لنا لعدم الرد ع موضوعك العتب علينا ..

بس اخوي ممكن انه موضوعك مكرر وله الكثير من المواضيع في منتدانا ..

واذا كان عندك الاكسبلورر ما يرضى انه يكتب بالعربي في المنتديات في طريقه انت تقدر تستخدمها للكتابه .. ممكن انك تستخدم برنامج الورد وتكتب فيه الي تبي وبعدين تسويله نسخ وتلصقه في المنتدى في اي مكان تبي .. واستخدم اداة البحث واكتب الكلمه الي تبيها وبإذن الله بتلاقي الكثير والكثير من المواضيع الي تخص الموضوع الي تبحث عنه ..

وبالتوفيق اخوي واعذرنا انا ما عطيناك حقه من الملاحظه .. تحياتي ..

المشاركة الأصلية كتبت بواسطة عاشقة الطيور

انا لله وانا اليه لراجعون لاحول لله ولاقوة
حزن مألم وايد جرحني هههههههه
الصراحه اول شي صدقت جفت العنوان والايقونه المعبرة للموضوع قلت اقدم التعازي واطلع ..الا الموضوع
الله يدخلها فسيح جناته
مشكورة خيتو على الموضوع القاسي خخخخخخ

السلام عليكم ..

هلا خيتو .. اخبارك .. تسلمين ع الحضور الطيب اسعدني جدا وجودج وتواصلج ويانا ..

واسعدني رد .. صحيح انه الموضوع قاسي ولكن هذا الواقع وهذا الي يقاسيه كل منتدى لدرجة انه يلفض انفاسه الاخيره للرمق الاخير لين ما ايي احد ويرجع له انفاسه بتواصله وردوده والمشاركات الي تنعشه وتنعنشه .. الردود هي مثل قطرة الماي للعطشان ومثل الغطاء الدافي الي يدفي البردان >>>>> الظاهر الاخت هي الي بردانه وعطشانه خخخخخ ..

تحياتي ..

[MrLiOn]

المشاركة الأصلية كتبت بواسطة passposse

السلام عليكم ..

خواني ناصر و MrLiOn .. هدوا الاوضاع وخلونا حلويين مع بعض هذا رمضان شهر السماحه والاخذ والعطا ..

والله يوفقكم يارب وييسر اموركم قولوا امين والجميع يارب ..

ههه حنا حلوين
بس نمزح كلو مزح صح أخوي ناصر
شدعوى بس يا بسبوسه

[passposse]

المشاركة الأصلية كتبت بواسطة MrLiOn

ههه حنا حلوين
بس نمزح كلو مزح صح أخوي ناصر
شدعوى بس يا بسبوسه

السلام عليكم ..

ههههههه اممممم جان جذيه وانكم حلوين ويابعض ومافي شي ..

زين زين عساكم دوم موب يوم .. حتى في اختلافات وجهات النظر ..


احم احم .. اشكر الي نظملي ردودي بمكان واحد شكرا والله يعطيك / يعطيج العافيه ع هل تنظيم .. كان شكله هب مرتب وكنت برتبه لكن خلاص جد اني خبصت الدنيا ..

تحياتي ..

[MrLiOn]

المشاركة الأصلية كتبت بواسطة passposse

السلام عليكم ..
ههههههه اممممم جان جذيه وانكم حلوين ويابعض ومافي شي ..
زين زين عساكم دوم موب يوم .. حتى في اختلافات وجهات النظر ..

أفااا عليتس بس حنا دوم زي العسل

المشاركة الأصلية كتبت بواسطة passposse

احم احم .. اشكر الي نظملي ردودي بمكان واحد شكرا والله يعطيك / يعطيج العافيه ع هل تنظيم .. كان شكله هب مرتب وكنت برتبه لكن خلاص جد اني خبصت الدنيا ..

احم احمات كل المشرفين على القسم رياييل يعني يعطيك مافيه يعطيج
وأنا اللي عدلت ردتس .. ولا مؤاخزة
لأن تكرار الردود ورا بعض يزيد من صفحات الموضوع ويصعب قراءته على الزائر وينفر منه

والله يعافيتس يا بسبوسه ،،