ممكن مساعدة لاهنتم..؟!

[MR.Lonely_TKG]

بسم الله الرحمن الرحيم
الحمد لله رب العالمين والصلاة والسلام على خير الخلق اجمعين محمد بن عبدالله وعلى اله وصحبه اجمعين..!!
اما بعد اخواني واساتذتي اعضاء ومشرفي منتديات توو زوو السلام عليكم ورحمة الله وبركاته ... كيفكم؟؟
اولا انا حاب اعرفكم على نفسي انا عضو جديد وبإذن الله اكمل معكم في المنتدى افيدكم وتفيدوني انا طبعا احب الحيوانات اليفة وخصوصا الببغاوات انا شريت قبل كذه ببغاء بس مرة تعبني ورجعت بعته كان من نوع الكوكاتو وكان صراخه عالي لدرجة مزعجة جدا..
بس الحين قررت اشتري من جديد وعندي بعض الاسئلة؟؟:
1-وش النوع اللي تنصحون فيه لمبتدئ مثلي؟؟
2-ابغى مواصفاته كالتالي:حبوب واهم شي هادي ويتعلم وعليه حركات..!!
3-وباستفسر عن الكاسيكو وش رايكم فيه وكم سعر الصغير منه يعني ما يتعدى سنة وهل هو هادي وكم متوسط عمره ووش افضل الذكر ولا الانثى ووين ممكن القاه يعني ابغى محل يكون ثقه ويكون بمدينة الرياض ووش مميزاته وعيوبه؟؟
داري اني ثقلت عليكم واسف اسف على الاطالة لا هنتم يالغاليين تقبلوا تحياتي

[ابوالكناري]

والله انا انصحك بالببغاء الرمادي لانه سهل تربيته وهادي وش حليله طيب معك وشف هذي المعلومة اذا تبي تشتري ببغاء صغير اشتر واحد تشوف عيونه سودا تصير عينه اما السعر فهو تلقاه الف وخمس مئة او حوله المحل عاد مدري لاني من الشرقية

[MR.Lonely_TKG]

مشكووور ابو الكناري بس سؤال الحين وش الفرق بين الرمادي والكاسيكو مو هم نفسهم ياليت تفيدوني اكثر عن الموضوع والاسئلة السابقة!!

[NAHHAS]

راجع الموضيع المثبته بتلاقي كل اللي تبيه
واكثر
تقبل مروري اخي

[MR.Lonely_TKG]

عفوا اخوي بس الصراحة مالقيت شي يساعدني ممكن على الاقل تحط اسماء المواضيع؟؟

[MR.Lonely_TKG]

ساعدوني لا هنتم

[$المزمار$]

الرمادي هو نفسه الكاسكو

بس انتبهه في نوع رمادي اسمه تمنه هذا ما يصلح غيني

خذلك كاسكو حلو مرهوسهل تربيته والافضل بما انك مبتدا ما تاخذ فرخ صغير لانه يبغاله رعايه خاصه

اشتري واحد اليف وعمره سنه او سنه ونص شي حلو

واسعارها تختلف هاد انت وشطارتك

[د. إحتـراف]

1-وش النوع اللي تنصحون فيه لمبتدئ مثلي؟؟

كاسكو او الببغاء الافريقي الكونغو , سهل التعامل فصيح في كلامه سعره في متناولك وانصحك في عمر من7 الى 10 شهور

2-ابغى مواصفاته كالتالي:حبوب واهم شي هادي ويتعلم وعليه حركات..!!

الكاسكو تقدر تعلمه بعض الحركات وتعلمه الكثير من الكلام 3-وباستفسر عن الكاسيكو وش رايكم فيه وكم سعر الصغير منه يعني ما يتعدى سنة وهل هو هادي وكم متوسط عمره ووش افضل الذكر ولا الانثى ووين ممكن القاه يعني ابغى محل يكون ثقه ويكون بمدينة الرياض ووش مميزاته وعيوبه؟؟


الكاسكو هو ملك الببغاوات بلا منافس في الكلام فهو يحفظ جمل اكثر من البقيه

سعر الان وقت الصيف ونزلت فروخ افريقيه يغني بتلقى سعره نازل شوي .

واحسن عمر لتربيه مثل ماذكرت لك من عمر 7 شهور الى 10 وسعره من 750 الى 1000 ريال

تلقاه في سوق الحمام في الرياض وانا كنت مبتدئ لا تشيل هم اتواعد انا وانت ونروح السوق وأنقي لك ببغاء بحه جيده ومناسب لك .في خدمة الرجال مثلك وشرواك .

تقبل مروري

[ابوعابد 2007]

المشاركة الأصلية كتبت بواسطة د. إحتـراف

1-وش النوع اللي تنصحون فيه لمبتدئ مثلي؟؟

كاسكو او الببغاء الافريقي الكونغو , سهل التعامل فصيح في كلامه سعره في متناولك وانصحك في عمر من7 الى 10 شهور

2-ابغى مواصفاته كالتالي:حبوب واهم شي هادي ويتعلم وعليه حركات..!!

الكاسكو تقدر تعلمه بعض الحركات وتعلمه الكثير من الكلام 3-وباستفسر عن الكاسيكو وش رايكم فيه وكم سعر الصغير منه يعني ما يتعدى سنة وهل هو هادي وكم متوسط عمره ووش افضل الذكر ولا الانثى ووين ممكن القاه يعني ابغى محل يكون ثقه ويكون بمدينة الرياض ووش مميزاته وعيوبه؟؟


الكاسكو هو ملك الببغاوات بلا منافس في الكلام فهو يحفظ جمل اكثر من البقيه

سعر الان وقت الصيف ونزلت فروخ افريقيه يغني بتلقى سعره نازل شوي .

واحسن عمر لتربيه مثل ماذكرت لك من عمر 7 شهور الى 10 وسعره من 750 الى 1000 ريال

تلقاه في سوق الحمام في الرياض وانا كنت مبتدئ لا تشيل هم اتواعد انا وانت ونروح السوق وأنقي لك ببغاء بحه جيده ومناسب لك .في خدمة الرجال مثلك وشرواك .

تقبل مروري

انا اشهد اك رجال "
موفقين اخواني "

[MR.Lonely_TKG]

لا هنتم صراحة ابداااااااع مشكورين يا توووزو