خمول عجيب بكاسكوي هلا

[7baieb]

السلام عليكم ورحمة الله وبركاته

اخواني الدكاترة والخبراء والاعضاء المحترمين

عساكم في اتم الصحة والعافية

سؤالي / بغبغائي الكاسكو اسمه هلا له يوم ونص خامل جدا ونافش ريشة وبرازه وانتم بكرامه طبيعي جدا لكن اكله قليل وحركته ضعيفه وهزيله

وديته للبيطري وعندما دخلت عليه الا وهلا يتحرك ومبسوط وما كأن فيه شي مع نفشة ريش بسيطه قال الدكتور ياخي ببغائك سليم ومافيه شي لكن بعطيك فتمين تحطه له في المويه وعندما رجعت للبيت الا وهلا رجع نفس ماكان لا حركه ولا شي خمول عجيب ونفشة ريش غريبه عليه ما تعودتها منه

وبصراحه انا خايف عليه جدا جدا

ارجو منكم اذا فيه شي تقدرون تفيدوني فيه فلا تبخلون علي

مع ملاحظة ان الببغاء هولندي محجل- عمره 7 شهور تقريبا الى 9 شهور- فطمته قبل اسبوعين

وعلى فكره قشرت له فص ثوم وخليته يقرط فيها من يدي عندما كان خامل وبعد ساعة استنشط شوي لمده ساعتين تقريبا

شكرا مقدما لكم