ساعدونى كروانى مريض

[lulucaty]

السلام عليكم
ارجو من اخواني واخواتي ان يساعدونى فى حل المشكله الى عندى

المشكله الاولى :
عندى كروان يمكن عمره شهر او اقل صغير ريشه شبه مكتمل
الكروان كله يحن ويطلع اسوات مزعجه نما يشوفنا موعارفين السبب

المشكله الثانيه :
بالنسبه حق الاكل شنو اعطيه نماشريته قالولى سيريلاك رز او قمح كنت اعطيه كل 4 ساعات بس احط ايدى بطلعه يعضنى يوعان اعطيه وصار كل ساعتين
صار مايبى ياكل سيريلاك ونما ييت انظف القفص
شفت فيه اسهال عطيته بطاطا مفيوحه هرسته وزدت عليه ماى حتى احطه بالابره واعطيه
عطيته بسكوت ناعم
مره من المرات بنتى وكلته زياده وبطنه انترس رجع شوى
حسيت لعبت بطنه من تنوع الاكل
الحين سويت نظام انه ياكل 3 او 4 مرات فى اليوم
ومازال الاسهال مستمر الله يعافيكم ساعدونى لان الكروان لبنتى وبنتى ضايق خلقها عليه
وكله يوعان احيانا عطيه بذور حق الكروان ياكل شوى
والحمدالله الكروان يمشى ويلعب مع بنتى ونما يشوفها يطلع اصوات
بس حابه اهتم فيه قبل لايصير فيه شى بعد
ياريتكم تنصحونى شنو اعطيه من اكل ولا اوديه الطبيب
ياريتكم تساعدونى وشكرا

[مـغرد]

اعتقد خائف او يبغى اكل . ولكن انا فرخي كان كذا يطلع اصوات ومزعج بمجرد اني افتح القفص واضعه على الاستاند يهدئ مع العلم فرخي كان صغير تقريبا 29 يوم .
حبيبي اولا كل الفروخ اللي لسه تغر يعني تاكلها بالابره يكون عندها اسهال هذا طبيعي جدا .
استنى الا ان تنفطم بيروح ان شاء الله .
بالنسبة للوجبات ياغالي ماتكفي 4 وجبات اكله 5
كل 4 ساعات وجبة الا وقت نومك تقدر تتركه 8 ساعات كحد اقصى .
وبالنسبة للتنويع في الاكل صحيح التنويع حلو لكن اذا ماعندك خبره لاتنوع احسن لك .
انا فرخي كنت اطعمه فقط سيريلاك كل وجبة 5 ملم ولكن لمن بلغ 28 يوم صرت اعطيه 7 ملم وكان ماشاء الله ياكل .
ومانصحك تترس حوصلته بالاكل . اكله الين ماتملئ الحوصله تقدر تشوفها اذا باقي شفافة اما اذا نبت ريش عليها تقدر تلمسها برقة وتشوف اذا ممتلئة ولا باقي غره .
ولا تخلي الاطفال يقربون او يطعمونه . لان الفروخ بهذا العمر لازملها عناية .
ولاتنسى تعقم ادواته جيدا .
وهذه الفترات احسن قترات لاطعام الفروخ
7 الصباح - 11 - 3 - 7 المغرب - 11 الليل
أو
8 الصباح - 12 - 4 - 8 - 11 اليل
واهم وجبة تبع الصبحيه 7 او 8 لان بتكون حوصلة الطائر فارغة لان بتكون انت تركته 8 ساعات . وتستطيع تغذيه 6 الفجر ولكن اجعل بين كل وجبة 4 ساعات وشوف وقتك المناسب ،
اما الوجبات الآخرة بتكون حوصلة الطائر فيها اكل شوي .
وبالنسبة للعض انت اجلس معاه كل ماتطعمه على الاقل ربع ساعة مسح على راسه لو حاول الهرب لا تيأس عاود المحاولة وايضا على خدوده الحمر امسح ولا تقوم بحركه تخوفه خليك حذر .
اتمنى ان اكون افدتك .
تحيـ ـهـ .. ~

[lulucaty]

مشكور اخوى والله يعطيك العافيه
وان شالله راح اخذ بنصيحتك بس راح استمر على سيريلاك الارز ما اغيره ولا عادى انوع شوى
نصحونى بهرس ذره ولا تفاح واعطيه يكون احد الوجبات الاربعه كتغيير ولا نوع واحد من الاكل احسن
وبالنسبه حق الاسهال امر طبيعى يعنى ما اخاف
سوال اخير ممكن اسبحه(يعنى احممه ) ولا لأ
مشكور وماقصرت على ردك على موضوعى

[مـغرد]

لا تحممه . لان فرخي جربت احممه بهذا العمر بماء دافئ واليوم الثاني صحيت لقيت في مريض .
لقيت الحوصلة حقته فيها عروق بيضاء منتفخة والفرخ مو راضي ياكل .
ولكن الحمدلله تركته فترة في غرفة دافئة وخف .
ولكن سألت احد الخبراء بالمنتدى .
قالي لا تحممه فقط راح تكتفي بتدليكه بمنشفة مبللة بماء دافئ ومبخره .
ومانصحك تحممه بهذا العمر .
واذا كبر برضو غلط انك تسبحه فتحميم الطيور له طريقته الخاصة وهي وضع الطير بصحن به 2 - 3 سم من الماء وهو يتحمم بنفسه . او ترش عليه بالبخاخ ولكن مو الآن لان فرخك صغير وماراح يتحمل فقط اكتفي بتنشيفة مثل ماقلت لك بالاعلى وبعد ذلك نشفه برقة وضعه في مكان دافئ لان الفروخ بهذا العمر تحتاج مكان درجة حرارته 30 - 28 درجة مئوية .
بالنسبة للتنويع هذا امر راجع لك . يعني جرب نوع له واذا شفته اقبل على الوجبات عادي تستطيع التنويع . ولكن انا اكتفيت بالسيريلاك فقط يعني تقدر تقول التنويع من باب الزيادة .
بالنسبة للاسهال لا تخاف فهذا امر طبيعي الا ان يفطم .
وفطمه يكون بعمر 5 - 6 اسابيع . والبعض يقول شهرين او شهرين ونصف . ولكن انا اشوف 5 - 6 اسابيع كافية على قول الدكتور توفيق الله يجزاه بالخير .
تحيـ ـهـ .. ~

[lulucaty]

مشكور ماقصرت اخوى على هالمعلومات
بس للاسف الشديد كروانى مات بدون ما اعرف السبب
كان قاعد يلعب مافيه شى مره وحده بروحه صار يترنح وثوانى مات
ان الله وانا اليه راجعون
الحمدالله على كل حال
وان شالله اخذ نصايحكم حق الكروانى الثانى

[مـغرد]

حبيبي الله يعوض عليك .
ولكن اكيد يوجد سبب او بإرادة الخالق سبحانه وتعالى .
ولكن الفروخ دائما يفقدونها المبتدئين لان مناعتها ضعيفة ويبيلها اجتهاد كبير جدآ .
والله اعلم وادرى ..
تحيـ ـهـ .. ~