رجل الكاسكو

[محمد شاويش]

السلام عليكم ورحمة الله وبركاته
انا عندي كاسكو وجالس أولفه لمن اجي أطلعه على يدي وهوا واقف على يدي يقرب منقاره يبغى يعضني فأيش اسوي معاه
ثاني شي لمن اجي امسك الكاسكو من تحت المنشفة يقفل رجله وما يفتحهاا ولمن افكها بالغصب ما يوقف عليها أصير امسكها انا بيدي فأيش الحل
وشكرا

[أبو ريـــــــــــــان]

انا عندي كاسكو وجالس أولفه لمن اجي أطلعه على يدي وهوا واقف على يدي يقرب منقاره يبغى يعضني فأيش اسوي معاه

لما يقرب منقارة من ايدك هز ايدك بشويش لكي يختل توازن الببغاء بعدها راح ينسى العض لأنه راح يحاول يوازن نفسة على ايدك او اشغله بالأيد الثانية مثلاً لما تشوفة بيغى يعضك حرك ايدك الثانية وخليها قريبة من وجهة الببغاء لاكن بهدوء

ثاني شي لمن اجي امسك الكاسكو من تحت المنشفة يقفل رجله وما يفتحهاا ولمن افكها بالغصب ما يوقف عليها أصير امسكها انا بيدي فأيش الحل

امسكها انت وارفعة فوق مستوى راسك علشان يحس بالأمان واتمشى فية بالبيت خلية ينشغل بالفرجة ويوم بعد يوم راح تشوفة متحمس للتمشية وهو اللي بيركب على ايدك

[محمد شاويش]

يعطيك العافيه حبيبي وما قصرت

[houston]

انا هذى مشكلتى مايرضى يصعد على ايدى

[أبو شنب]

اول شي .. بسم الله الرحمن الرحيم
جرب طريقه المنشفه غطيه بالمنشفه كله وامسك رجله ودخل يدك من تحت رجله ورح يمسك رجلك على طول وبعد كذا ارفع المنشفه بالكليه وارفعه بمستوى صدرك ولا تخليه يطلع فوق كتفك لانه بيحس انه هو المسيطر لكن خليه فوق ذراعك بمستوى صدرك لكن لا تقربه من الحاجات الي يقدر ينط عليها وخذ به جوله على البيت والحلوش والسطوح _ ان وجد _ على اشعه الشمس في الصباح وبعد كذا ان شاء الله يسلك معاك
واذا جيت بتطلعه على يدك ولو بالمنشفه عوده على كلمه اطله واذا جيت بتنزله قول انزل عشاء اذا صار يطلع من دون منشفه يعرف الكلمات الي انت دربته عليها .........................
وشكرا
.:.أبو شنب.:.