حالة ببغائي هاليومين

[ريـــم]

0
0
السلام عليكم ورحمة الله

حطيت موضوع قبل كم يوم عن حالة الدرة
وكما قلت لكم وصف لي البيطري هالعلاج
والمشكله انه مايشرب من الماء..
الدرة تموت بشي اسمه تفاح قطعته قطع صغيرة و حطيته بالماء اللي فيه علاج لمدة عشر دقايق حتى يتشربة العلاج واعطيته التفاح تتوقعون يجيب نتيجة العلاج بالتفاح او لازم اشربه الماء ؟؟

الطير معاة اسهال من كم يوم ومع ذلك احط له التفاح لانه ماياكل شي غيرة ..

امس واليوم لاحظت على الطير اسهال من نوع آخر .. وهو انه لونه واحد اخضر فاتح ولزج وماينزل بسهولة واتوقع انه ..

الإسهال الأبيض : هذا المرض شائعٌ بين الطيور ، و هو سريع الإنتشار و يتسَبَّبُ في موتِ عددٍ كبيرٍ منها ، و فيه تظهرُ إفرازاتٌ بيضاء لَزِجَة ٌ حول فتحة الشّرجِ للطائر ، و يمكن ملاحظتهُ في الأرضية ، و تضعف شهية الطائر المريض و مِنْ ثَمَّ تسوء صحته ، و ربما يموت خلال 3 - 4 أيام من الإصابة ، و يتعيّنُ إبعادُ الطيور المُصابةِ و وضع جرعةٍ مناسبةٍ من نيوما يسين أو تيرامايسين أو مركَّبات السلفا ، مع إعطاء جرعةٍ وقائيَّةٍ للطيور السليمة ، و دائماً إرجِعْ للطبيب البيطري لأخذِ تفاصيل أكثر دِقَّةً ، و في نفس الوقت - و بعد الشفاء ، يتعيّنُ إبعادُ الطيور التي تَمَّتْ مُعالَجَتُها للتَّوِّ ، لأنَّ جرثومة المرض قد تبقى كامنة ً و قد تنتقل للطيور السليمة ، و إهْتَم جيداً بالتطهير و النظافة ، مع التدفئة الجيدة و تغيير مياه الشرب يومياً و إضافة ً إليها فيتمينات و مضادات أو مُقَوِّيات

تتوقعون حالته مترديه؟؟ ينفع معه هالعلاج هذا اللي على اليمين اللي وصفه لي الدكتور ؟؟ او حالته تستدعي دواء آخر؟؟








وجزاكم الله خير


0

0

[ريـــم]

معقوله ماحد يعرف يجاوب؟

[مطلوب أفريقي]

اختي اذا ما ياكل غير التفاح .. فالغالب هذا شي طبيعي لان التفاح اصلا نسبة كبيرة منه موية ..

حاولي تمنعيه التفاح وأعطيه اكل ثاني ناشف .. شوفي كيف بيكون

هو اصلا اذا اكل تفاح بس يجيه اسهال بس مو مرض ..

حاولي تغيري التفاح ولا تعطينه يوم واحد تفاح واعطيه شي ناشف وشوفي اذا تغير شي ..

وماعليك الطبيب البيطري يعرف ان الطير ما يشرب موية الا شوي .. بس طريك اذا كان ياكل تفاح فهو يقدر يستغني عن الموية بالموية الموجودة بالتفاح

جربي وردي لنا

[كاسكـــو]

الاسهال من التفاح مو شرط يكون مرض

اذا تقدرين اسحبي من المضاد مقدار شرطتين بس بالابره وحطيها بفمه يشربها مرتين باليوم وخلي العلاج اللي بالماء مثل ماهو

وبالنسبه للسؤال عن العلاج بصراحه البيطري ابخص .. ولا اقدر اعطيك رايي فيه

[كاسكـــو]

انا كلمت بيطري قبل شوي وسألته عن العلاج اللي عندك وقلت له حاله الببغاء حقك

قال لي ينفع لأنه مضاد حيوي ... والله يشفي طيرك

[سكر]

أختي ريم أشكرك على سؤالك

وبصراحة ما قصرو الشباب الله يعطيهم العافية

وكاسكو القمر أفادك بإستشارة طبية من اهل الإختصاص

ما كنت برد لأن مافيه شي أقوله زيادة عن اللي قالوه الشباب واللي استفدت منهم كثير

بس عشان أعطيك اني قريت دعوتك وما تقولي اني طنشت

الله يشفي ببغائك

تحياتي

[ريـــم]

مشكورين يااخوان
الطير خلاص بيودع بالكثير ساعة
انا جربت حظي مرتين وكلهم يموتون ..


يارب سامحني ..