اكتب لنا عن اول يوم لك مع قطتك

[meo]

[IMG][/IMG]

الموضوع واضع من العنوان
بس رح أوضح أكتر
الموضوع أن كل واحد يدخل يكتب لنا عن أول يوم جاب أو دخل قطته فيها البيت
يعني يحكيلنا عن مغامرات اليوم الأول والصعاب الى واجهته في هذا اليوم السعيد
ولو حبيتـ/ي تحطي صور أو تكتبـ/ي لنا نوعها أو عمرها مافي مشكل بابا/ماما ( مافي أى مشاكل )
بس المهم يكون في الموضوع تفاعل
بحيث نستمتع ونضحك مع بعض

[IMG][/IMG]

[meo]

وانا رح أكون أول البادئين
[IMG][/IMG]
الأسم : لولي
العمر : 3 أشهر
الاختصاص : إزعاج الوالدة

أول يوم : صراحة لولي هي أول قطوة أربيها علشان كده في أول يوم شفت العجايب
المهم
أنا طبعا كنت جايبة لولي الصبح في رمضان وبعد ساعات من اللعب الطويل واستكشاف المنزل استمرت الى العصر
رحت نمت ونامت جنبي ( وياليتني لم أفعل )
فطرنا وفطرت معانا والوضع كان تمااااااام
لين لما صارت الساعة 12 في الليل وحان وقت النوم وقفلت الانوار وحطيت راسي على المخدة
الا و ينط علي عفريت في نص الليل مياااااااااااااااو
انا طبعا صرخت وقمت من على السرير وطااااااااخ طحت من على السرير على الارض
المهم فتحت الضو واكتشفت انها لولي
قلت اوكي مش مشكلة وحطيتها في مكان نومها
بس مافي فايدة كل ما اطفي الضو تحصل نفس الحكاية
أخر ماطفشت فتحت الضو وفضلت قاعدة على السرير منتظرة الفرج ( منتظرة لين لما تنام )
المهم نامت الساعة 10 الصبح وانا علطووووول فقدت الوعي وراها
الاستنتاج : من يومها ما صرت انوم لولي العصر ابدا لان ذلك يسبب دمار للمجتمع

[النسر الماسي]

ههههههههه

أن اهتمامي تربية الدجاج

[حبايبي القطط]

انا قطتي لما جت للبيت تللعب علي طول

[مربية قطط]

اول يووم كانت مشاعري مختلطة بين فرح وخوف
انا كنت شبه فاقدة الامل اني اجيب بسة
المهم بعد صلاه العشا رحنا محلات الحيوانات ومالقينا القطوة المناسبة ورجعت البيت وابوي اتصل علي وقالي جهزي مكان نومها واغراضها انا بروح اجيب قطوة من صاحبي
طبعا انا طرت من الفرحه وعلى طوول جهزت الليتر بوكس ومكان النوم وكل شي
وفعلا رجع ومعاه بارت انا من الفرحه ماقدرت انام لأن كان اليوم الثاني مدرسة بس كنت خايفه منه
بس مع الايام تعودت
يعطيك العاافية عالفكرة

[أحبك توتو]

حح ـلـووووة الفكـرة ما ع ـندي قطوهـ <

[امل شاعر]

انا بيسو حبيبتي للاسف ماتت بس لها زكريات جميله جدا

اول ماجبتها كان عمرها شهرين اول مادخلت البيت استخبت تحت طاولت الطعام

وسبتها على راحتها

جلست على خداده من بعض خدادات البيت

فجئه جات تجري على وتضاربني عليها تبغاها

اعطيتها هيا وماادري ليش هادي بالزات ونامت عليها لثاني يوم

بنت عز

ولغايت ماخلفت ياويل الي ياخدها منها حتى الكتين كانو ينامون عليها

اه اه اه يابيسو

[meo]

شكرا لكم على مشاركتكم الفعالة في موضيعي
وفعلا ردودكم تشرح النفس
وبما انو موضوعي الاول في هذا المنتدى
عطيتوني العزم في إني أضع مواضيع أخر

[hajer]

مرره حلوه فكرة الموضوع..المشكله انا مادري ليه مو قادره اتذكر كل احداث اليوم الاول..
بس بقولكم اللي اتذكر..
انا اصلا كنت ابحث على النت عن قط مناسب جلست مدة طويله وانا ادور لحد مالقيت قط عجبني واتفقت مع اصحابه اني اشتريه منهم طبعا انا شفته بمنتدى لبيع القطط وشفت صور له لكن بعضها وهو صغير ووحده وهو كبير بس مو واضح تقريبا الا وجهه بس ..لكن انا ماهتميت كثير حسيت انو ابي هذا القط وخلاص..
بعد كدا لما رحت اخدته من اصحابه كنا بالشارع انا جبت البوكس بسرعه ودخلناه فيه وماشفته كويس يعني بس لاحظت انو كبييييييير ماتخيلت كدا مع انو صاحبته قالتلي انو كبيير بس ماتخيلت لهدرجه طبعا اقصد كبير بالحجم وليس العمر..
المهم البوكس كان على الارض لما جيت اشيله حسيت يدي بتنكسر بجد ثقييل طبعا الطريق ليما البيت طويل انا جلست اطل عليه وهو داخل البوكس واكلمه بشويش وبصراحه كنت احاول اشم ريحته ماعرف ليه بس كانت ريحته حلللوه اتوقع كان لسا محممينه..

المهم اول ماوصلت البيت انا اخدته على غرفتي وفتحت له البوكس هو راح بشويش يطلع راسه ورجع دخله بعدين طلع راسه مره تانيه وقام يناظر يمين ويسار وبشووويش طلع انا لما طلع ماصدقت معقول في قط دبدووب كدا وشعره مرره كثير وطويل معطيه حجم زياده كمان, هو جلس يمشي ويشم كل شي بالغرفه احسه قاعد يستكشف وانا بس امشي وراه ومو مصدقه انو هذا القط هو قطي وابتسامه كبيييره على وجهي

طلعت وخليته يستكشف الغرفه وسكرت الباب بس فتحه صغيره اشوفه منها ورحت لما رجعت لقيته جالس يطل من الفتحه فتحت له الباب طلع وراح يدور بكل البيت ويشم كل شي حتى راح دخل الحمام بس انا شلته وطلعته ..

ماتذكر تفاصيل تانيه بس اكثر شي اتذكره انو حطيتله اكل وماكان راضي ياكله وتعذبت معه ليما اكلته جلس تقريبا يوم ونص ما أكل شي وانا مرره كنت متظايقه ..

واتذكركمان انو عملها ورا الباب مع انو كان في ليتر بوكس بس يمكن كان لسا مو متعود على المكان بس عادي ماتظايقت منه لان كنت عارفه انو مشكله مؤقته..

خلاص كفايه كدا احس اني قلت كلام كثييييير ..
سوري على الاطالة