الكاسكو مزكم وتعبان دعواتكم له

[أمجـاد]

السلام عليكم

بدخل بالموضوع علطول

من شهر تقريبًا الكاسكو صار ينزل من منقاره زي المخاط وما ينطق بأي كلمه ولا يأكل ولا يشرب واخذته لمحل طيور ( لإني ما اعرف عيادات بيطريه ) وقال صاحب المحل ( طبعًا عنده خبره بالطيور وعندهم ادويه ) الكاسكو عنده إلتهاب بالحلق ووصف لي هذا الدواء والطريقه احط له 15 نقطة والماء يكون نص المشربيه لمدة 7 أيام والحمدلله تحسن بعد ما كمل فترة العلاج

ومن أسبوعين تقريبًا لأحظت لما اقرب اذني من عنده اسمع زي صوت صفير من خشمه ولكن الحمدلله يتحرك ويأكل ويشرب بصوره طبيعيه ومن يومين تسكرت عينه اليسرى واعطيته نفس الدواء اللي فوق وصار ينزل زي المخاط من فتحه وحده من خشمه واخذته لنفس المحل وقال الكاسكو واضحه عليه علامات الزكام واكيد هو متعرض لنفحات هواء بارد ( يقصد مكيف ) وللأمانه الببغاء حاطته بمكان ما فيه أي وسيلة تكييف ولا عرضته لأي تيار بارد المهم قالي استمر على نفس الدواء ولكن اليوم حالته توجع القلب مسكر عيونه الثنتين والمخاط ينزل من الفتحتين من خشمه وما ياكل حب وعن نفسي من اعطيته هذا الدواء وصار ينزل مخاط من خشمه ، من قبل لاحظت بس صوت وكأنه يعاني من إحتقان بالأنف أو ضيق بالنفس

وصح قالي بعد ما اخلص 7 أيام من الدواء اللي فوق اعطيه يوم اجازه وابدأ معه بهذا الدواء

أنا خايفه يصير له شيء وافقده بالله فيه حل أو علاج اسويه بالبيت وأهلي يخوفوني اللي يقولي طيريه واللي يقول بيعيه واللي يقولي لا تقربين منه يمكن هذا مرض معدي الله يكافينا الشر

أنتظركم

ملاحظه / اللي يعرف عياده بيطريه بمحافظه الأحساء بالشرقيه يدلني عليها الله يجزيه الجنه هو ووالديه