الكاسكو

[|:شوكولا:|]

السلام عليكم ورحمة الله وبركاته

الكاسكو اللي اشتريناه من 10 سنين .....يبي يعرس...والمشكلة ما نعرف إن كان ذكر أو أنثى...
بس طول هالمدة جربنا نشتري له كاسكو وإذا ولف عليه نخليه فترة وإلا نرجعه..واحيانا كان يتهاوشون...يعني ما راح يتفقون بغض النظر عن جنسهم...>>>كنا نبي له ونيس لا أكثر لأنه كان صغير

وخلال السنتين الأخيرتين كلما نطلعه من القفص ويلعب مع واحد من اخواني يسوي حركات غريبة...بعد البحث فهمنا إنه وصل لسن النضج....

جبنا له كاسكوين...كانو مع بعض في قفص ووالفين على بعض بس ما اظن انهم زوج لأن كل واحد يطعم الثاني بمنقاره ...فقط
بس لما توصل المسألة الى الكاسكو القديم يتهاوشون...وحسب اللي اشتريناهم منه يقول ان الإثنين الجدد ذكور...هل هذا يعني انه يتهاوشون على القديم والقديم أنثى....؟؟؟؟؟
مع العلم ان القديم انبسط بوجودهم ودايما يتنافسون في التصفير ولفت الإنتباه

وإذا كان الكاسكو القديم أنثى...هل الأنثى تقوم بنفس الرقصة بالأجنحة واصدار الأصوات من الأنف مثل الذكر

نبي نعرف ادا بيتكون زوج راح نفصل القديم مع واحد من الجدد
وعذرا على الإطالة