حوض الفايتر

[keo]

السلام عليكم ورحمة الله وباركاته : ))






انا عندي فايتر من شهر 9 يوم 4 2011

وطبعا تغيرن عليها الاحواض تغيرات كثير بسبب انهن كانن ينكسرن اول حوض حطيته تحت صنبور المياه لاعبي فيه مياه انكسر هههههه

الثاني وانا ابي انظفه حطيته علي الارض ( ارضية الحمام الله يكرمكم ) انكسر

المهم وهكذا تولت الاحداث بس وقتها ماكنت افهم فيهن( وللعلم ترا في ليبيا مافي كلور بالمياه وربي ~~ واكبر دليل ان سمكة الفايتر عايشة وانا احط لها ميها من الصنبور ~~ لمدة 3 اشهر تقريبا )

بس بعد الشهر الثالث تعلمت عليها وصرت اركن لها في مياه وصرت يعني فاهم اكثر قبلها كنت غشيم : ))


اخر حوض جبته من شهر او اقل كان زي باقي كل الاحواض حق اسماك الزينة الصغيرة بالمحل دائري ~~

المهم سمعت في موضوع ان الحوض الدائري للفايتر عبارة عن قتل بطئ لها

حطيتها بحوض 20 × 16 × 25 بلاستيك ( المادة الي يصنعو بيها في الاحواض الجاهزة ~~ ) مستطيل الشكل معاه فلتر خاص بيه وكل شي


بس قلت انه صغير شوية علي حسب ماقريت

وعندي زجاج سمك 0.8 و 0.5 قلت ممكن اشيلهن اعمل لها بيهن حوض

طوله راح يكون 40

والعرض 23

والارتفاع 28

كويس اني اعملا لها بيهن ولا اشتري قاعدة ثانية واخلي العرض اكبر؟؟ <<<< يعني قاعدة حوض السمك ) عرضها 23 وطولها متر بس بقصها لـ 40 : ))

لان الجوانب طولهن 40 + مافي عندي مكان بالدار : )) من حوض الاوسكار

لو ضروري اكبر العرض مافي مشكلة : )) <<< بس الافضل ماصرف حق زجاج جديد ويطل

هالزجاج بالمخزن : ))



المهم الخلاص اني بعمل لها حوض 40 × 23 × 28

كويس لسمكة فايتر وحدة ؟؟؟؟

وعلي فكرة يوم 9/4 راح يكون نفس اليوم الي اشتريتها فيه السنة الي فاتت : ))

يعني بعد اسبوع وكم يوم عيد ميلادها عندي خخخخخخخخخخ


وسبب كل هالكلام اني حسيت تغيرات في تصرفتها ( ماتتحرك زي قبل وتوقف فترة مب طويلة ومب قصيرة نايمة علي الارض )

مع انا مافي شي تغير عليها بل بالعكس

صرت اركن في المياه وحطيت لها فلتر مايعمل في تيار ولا شي حق الحوض يشفط المياه من تحت وينزلها من فوق

ونفس مضخة الهواء ونفس الديكور والحوض كان شغال اصلا من يوم حطيت موضوعي القديم حق

سمكة الاوسكار هههه : ))

قلت ممكن لاني قللت الاهتمام بيها من شهر وقت جبت سمكات الاوسكار

لان صرت اشوف فيها يوميا مرة او يوم بعد يوم للاكل بس ~~

من قبل كل يوم وجهي بوجهها هههههه

خفت من درجة الحرارة المياه 23 24 22 حطيت لها دفاية علي ال 26 : ))

خلاصة الاسالة :

حوض طول 40 عرض 23 ارتفاع 28 يصلح للفايتر وحدة ذكر او لا ؟؟

نوعها العادي لونها ازرق

ليش تغيرن تصرفات السمكة ؟؟ والحوض الي حطيتها فيه الحين 20 طول عرض 16 ارتفاع 25

ينفع اخليها فيه لين اعمل لها الحوضو يخلصن الامتحانات ولا يضرها كثير ؟


تحياتي لاحلي اعضاء في احلي منتدي وسامحوني علي الاطالة حسني قلت لكم قصة حياتي : ))