تعبت من الامزوني :(

[dreamer1988]

السلام عليكم
اهلين يا اخوان و اخوات << جديد بالمنتدى
انا ربيت كاسكو من زمان قبل 10 سنين تقريباً عاش حق ستنين و اطريت اسافر و سيبته عند الجيران و رحعت من السفر لقيته ميت و حزنت علية حزن لدرجت اني تركت الهواية هذه ..

قبل كم اسبوع شوفت عند واحد من خوياني درة لقيت نفسي كل يومين رايح عندة العب معاها المهم اتحمست و قبت خليني اشتري لي كاسكو و اتفاجأ بالاسعار النار في المحلات بعدين قلت خليني ادور في النت و انا بدور وقعت في المنتدى و سجلت بعد ما جلست تقريباٍ يومين و انا اقرى في المواضيع و اتعلمت على معلومات كثيرة منها كاننت بغبغائات الامزون التي سحرني جمال وتناسق الوانها و قدرتها على الكلام ( للأسف كنت اشوفها احسبها درة امريكي من زمان -ـ- ) المهم شريتلي واحد بلوفرونتد من المرتبة الثالثة عمره من 6 الى 8 شهور يوم رخت اشترية ماشاء الله علية حركي ، مايجعر و يطلع ع اليد و الكتف بس جيبته البيت مسوي اضراب ع الاكل و الشرب و متسمر في قفصة و لا ليه حس في البيت بعد يومين كنت برة البيت و اول ما رجعت لقيته قاعد يلعب و يتشقلب في القفص فكيت الباب و حاولت اخرجة في الاول كان يرجع ع ورى لما قربت يدي منه سار يفك فمة و يقربة بشويش بهددني انه يعض تركته و فكيت القفص من فوق بعد نص ساعة طلع و قاعد يلفلف فوق القفص حاولت اعطية فصفص اطلعه ع يدي ... بعدها بيوم صحيت لقيته ع الارضية في الصالة و بيحول يطلع القفص مو قادر لانه اجنحته مقصوصة و لاحظت انه اكل و شرب ( برازة الله يكرمكم اخضر و فية شويت بياض متماسك و احيان اشوف زي الموي البيضة اتوقع انها بول ) قربت منه و مديت يدي رفع رجلة قربتها و طلع و جرحني باظافيره و لما قربته من قفصة راح اعطياني عضة توقف شعر الراس و نط ع القفص انا الوضع اوكية ممكن يباله يتعود زيادة ع البيت

-الي قالقني واحد من اصحابي قلي ما يكون اخرص لانه ما يتكلم و لا يجعر و لا يفر و لا اي صوت ؟

0 اليوم جيبت القفص قدامي ( انا حاطة فوق التلاجة عشان يراقب البيت ع راحتة ) و فتحتة و جلست ع اللابتوب طلع و قاعد يستهبل فوق القفص بس نفس الشي بدون اي حس او نسمة صوت حاولت اجرب طريقة العسل مو راضي يعض و لاحظت انه فمه مفتوح شوية و لسانه يتحرك فوق و تحت ما يوقف عن دي الحركة الا اذا حولت اطلعه ع ايدي ؟

-اتصلت ع الي شريته قالي انه هو متعود انه ما يجعر ؟

و آسف ع الاطالة