طيري بيموت بين يدي .. وش اسوي ؟؟

[ريفي]

السلام عليكم ورحمة الله وبركاته


قبل كل شيء .. اتمنى محد يجاوب على طلبي الا اللي متأكد من كلامه


مشكلتي :

طيري له 3 ايام مو طبيعي نهائي ،،

قبل 3 ايام كان نشيط جدا .. يصفر ويتكلم ويلعب ويطير

كان اول مايشوفني يزيد تصفير ولعب عشان اطلعه من القفص ، اذا طلعته وتركته يطير لي

اتركه على الاستاند اكثر من 8 ساعات يوميا ..

المكيف ما يشتغل نهائي عنده

اكله طبيعي وما زاد عليه شيء ..

الماء يتغير يوميا .. والقفص انظفه كل يومين

يعني ولله الحمد ماقصرت بشيء نهائي

والان له 3 ايام :

ما يصفر ولا يتكلم ولا يطير ولا يلعب ويرفض يطلع من القفص

فيه خمول غير طبيعي .. جناحه دايم طايح للارض .. واليوم بديت اشوف فيه ضعف بجسمه

احس انه بيروح من يدي ولا قادر اسوي شيء

رحت للبيطري الاول وجلس يفكر 10 دقايق قلت شكلك ما تعرف شيء بالطيور

رحت لبيطري ثاني وعطاني علاج اسمه ampicol " i " وهذي صورته :

http://www.m5zn.com/uploads/2010/4/2...4wtgyrb9zy.jpg

يقولي انه يحتوي على مضادات حيويه وفيتامينات .. والصراحة ماتطمنت له .. ياليت تفيدوني


مع العلم :

- التنفس طبيعي .
- لون الانف طبيعي ولا يوجد مخاط يخرج منه .


ياليت تساعدوني بأي شيء .. نصائح ، علاجات ، اي شيء
متعلق كثير بالطير هذا وما أبي افقدهـ


بأنتظاركم

[ارحل]

عطه ماء زمزم مقري فيه ..ايات العين

عند العطارين بـ 15 ريال

[ابو محمــد]

نوع الببغاء لو سمحت وممكن صوره لصدر الطائر.

[ابو نجد 999]

صور اخوي اذا ممكن علشان ان شاالله تلق حل والله يشفيه

[ريفي]

هذي صور له :

[ابو محمــد]

حركة الاجنحة تدل على المحبه والالفة

الا اذا كان يفتح المنقار ويلهث وهذا من حراره الجو

وما دام الطائر يقف على المجثم لا داعي للوقف.

عمر الفرخ 5 شهور .

[عبدالعزيز العتيبي]

المشاركة الأصلية كتبت بواسطة ابو محمــد

حركة الاجنحة تدل على المحبه والالفة

الا اذا كان يفتح المنقار ويلهث وهذا من حراره الجو

وما دام الطائر يقف على المجثم لا داعي للوقف.

عمر الفرخ 5 شهور .

طيب يااخوي .. ليش الطير صاير ضعيف ؟؟

ما يصفر ولا يسوي شيء نهائي ؟؟؟

[الكاكي]

فعلا كلام اخوي ابو محمد صحيح................................
ولكن شكله لايدل على وجدود مرض واضح وقوفه بالشكل هذا لانه مو متعود على الاستاند
ولكن الهولنديات لابد من الاهتمام بزياده (الاشياء التي تمرضه):
1- لابد من وجود شبك يعزل الارضيه عن القفص.
2- لابد من اعطائه حبوب الدود تباع عند البيطري.

[ريفي]

المشاركة الأصلية كتبت بواسطة ابو محمــد

حركة الاجنحة تدل على المحبه والالفة

الا اذا كان يفتح المنقار ويلهث وهذا من حراره الجو

وما دام الطائر يقف على المجثم لا داعي للوقف.

عمر الفرخ 5 شهور .

الطير عمره 8 شهور الان ..

وليش عادات الطير تغيرت رغم اني ماغيرت عليه شيء ؟؟

ليش صار هزيل ؟؟

[ريفي]

المشاركة الأصلية كتبت بواسطة الكاكي

فعلا كلام اخوي ابو محمد صحيح................................
ولكن شكله لايدل على وجدود مرض واضح وقوفه بالشكل هذا لانه مو متعود على الاستاند
ولكن الهولنديات لابد من الاهتمام بزياده (الاشياء التي تمرضه):
1- لابد من وجود شبك يعزل الارضيه عن القفص.
2- لابد من اعطائه حبوب الدود تباع عند البيطري.

الطير من هو صغير وهو ياقف على الاستاند

وفيه شبك يعزل الارضية عن الطير

وحريص على اعطاء الطير حبة مضاد حيوي عام كل شهر حتى لو ماكان فيه شيء

الامور الوقائية اعرفها واعلمها وحتى اكثر الامراض عالجتها بالخبرة

لكن مثل حالة هالطير ما شفت