الرجاء الدخول..

[sweety2007]

السلام عليكم ورحمة الله وبركاته..

بما ان هامسترتي فوفو حامل واهيه بالأيام الأخيرة.. انا قاعدة انتظر حلمي من فترة طويلة واهوه ان فوفو تولد بالسلامة وتييب عيال سليمين .. ياليت من الأعضااء يساعدوني عشان يتحقق حلمي.. انا راح اقول كل اللي سويته حق فوفو في يوم حملها واهيه على ما اعتقد بالأيام الأخيرة لانه جسمها كبر وماتقدر تمشي عدل كأنه ثقل في بطنها.. واللي ابيه منكم ياليت تخبروني هل يكفي اللي سويته لها ولا في اشياء ناقصة..

بالنسبة للعش البلاستيكي حطيت لها قطع قماش صغيرة وبعض المناديل..
وطبعا في الأرضية للعش والقفص حطيت نشارة خشب.. هل يضر فيها او في العيال او عادي؟؟

بالنسبة للأكل احط لها خضروات مثل خس وبربير .. وفي علبة الأكل حطيت لها مكسرات ( أكل الهامستر الخاص) وامس حطيت لها بيض مقلي.. شكثر لازم أعطيها بيض مقلي؟؟ وهل فيه ضرر اذا عطيت الهامسترات الأخرى بيض؟؟ وهل الحليب ضروري جدا للحامل؟؟ لاني اعطيها جبن سلايس اللي احنا ناكله.. وهل فيه ضرر لها هذا النوع من الجبن؟؟
وهل لازم احط لها صحن نازل فيه المكسرات .. لأني شفت شوية صعوبة لين تبي تاكل من الملة

وبالنسبة للجو.,. حطيتها في غرفة السطح .. وشلت عنها الذكر.. وساعات لين اروح اتطمن عليها اذا تشوفني تقوم تعضض القفص تبي تطلع..بس ماطلعها.. هل في ضرر اذا رحت في اليوم مرة اتطمن عليها..؟؟

وبالنسبة للأنابيب.. عندي أنبوب يمتد من الطابق الأول إلى الطابق الفوقي .. انا بعدته عنها ورفعته عنها بس مشالله عليها تسلقت القفص ودخلت فيه وراحت الطابق الفوقي.. هل لازم اني اشيل الأنابيب عنها ؟

أرجوكم ساعدوني عشان تحققون حلمي واذا تحقق كل يوم بادعي لكم.. واذا فيه اي تقصير ارجوكم علموني عشان اسويه..
انتظر الرد
وشكراً

[يوسف جمال]

زين زين إنشاء الله بتحقق حلمك يارب
اعطيها جبن خالي من الدسم او قليق الدسم
وبياض البيض وإنشاء الله توووووووولد
مع تـحـيـــــــــــــــــــاتي..

[Withered Rose]

و عليكم السلام و رحمة الله و بركاته ..

بالنسبة للعش البلاستيكي حطيت لها قطع قماش صغيرة وبعض المناديل..
وطبعا في الأرضية للعش والقفص حطيت نشارة خشب.. هل يضر فيها او في العيال او عادي؟؟

اللي حطيتيه ممتاز و عليها الترتيب و بناء العش ..

شكثر لازم أعطيها بيض مقلي؟

قطعه صغيرة جداً تكفيها يومياً ..

وهل فيه ضرر اذا عطيت الهامسترات الأخرى بيض؟؟

ما فيه ضرر .. و لكن أقل من الهامشتر الحامل لأهم لا يحتاجون البروتين مثل ما تتحاج الحامل ..

وهل الحليب ضروري جدا للحامل؟؟ لاني اعطيها جبن سلايس اللي احنا ناكله.. وهل فيه ضرر لها هذا النوع من الجبن؟؟

الجبن يعوض عن الحليب .. بس قطعه صغيرة جداً لأنه دسم و ثقيل على معدتهم و الأفضل منتجات الحليب خالية الدسم ..

وبالنسبة للجو.,. حطيتها في غرفة السطح

السطح مكشوف ؟.. فيه تيارات هواء قويه أو يأثر عليها المطر أو ما شابه ؟

وساعات لين اروح اتطمن عليها اذا تشوفني تقوم تعضض القفص تبي تطلع..بس ماطلعها.. هل في ضرر اذا رحت في اليوم مرة اتطمن عليها..؟؟

أحياناً الهامستر يعض القفص كنوع من الشغل (برد الأسنان) و بهذا الوضع يضل يعض بشكل هادي و هدفه هو برد أسنانه .. أما إذا لاحظتيها متوترة تعض باب القفص و تتحرك وايد يمكن مو مرتاحه من القفص أو صغير عليها أو سبب من الأسباب ..

هل لازم اني اشيل الأنابيب عنها ؟

أي يفضل .. حتى إذا سوت العش مو بالأنابيب أو الأنفاق .. لأنه قد تنقل المواليد من مكان إلى آخر و الأنابيب لا توفر تهويه مناسبه و أيضا خطرة عليهم ممكن يطيحون من إرتفاع ..




و إن شاء الله تولد بالسلامه و أغلب اللي قلتيه ممتاز للولاده و بالتوفيق إن شاء الله سويتي ..

[sweety2007]

تسلم اخوي على المساعدة
واختي وذرد روز مشكوووووووووووورة وايد على مساعدتج لي ودايماً تبهرينا بإجاباتج الوافية.. مشكوووورة على مساعدتج لي .. وبالنسبة لغرفة السطح اهيه عادي مثل الغرف العادية مافيها تيارات ومو مكشوفة غرفة عادية بس مبنية في السطح وحطيتها بالسطح عشان الهدوء ولان مافي ازعاج لها..
المهم مشكوووووووورة وماقصرتي اختي ..
تسلمين

[Withered Rose]

العفو ما سوينا شي .. و إن شاء الله تولد بالسلامه .. و المكان جداً مناسب لها ..

[رعوود]

اختي ويذر ما قصرت


وان شاء الله تقوم فوفو بالسلامة

وتشوفين عيالها

[الفراشـــــة]

إن شاء الله يتحقق حلمج يا الغالية و من بعده حلمي .

تحياتي لج

[sweety2007]

اختي رعووود تسلمييييييين على مرورج
واختي الفراشة مشكورة على مرورج وانشالله يتحقق حلمج وتشوفين همتورة حامل وتشوفين عيالها

[امير الحيـــــونات]

كلام ويذر صح
لكن البيض مو مسلوق تصلحينه بالمويا
وشكرا