بخصوص التزاوج والتطعيم

[just smile]

السلام عليكم ورحمة الله وبركاته

كيف حالكم جميعا

فيه عندي اسأله كثيره ياليت اتفيدوني فيها

عندي قطتي البيضا تعبانه جدا يعني داومت على القطره

الي بتقول عليها الدكتوره ناديا مانفع وبتدمع عيونها الصراحه جربت يومين بس

لكن احس القطره فقط معقمه ومطهره انا اخاف عندها التهاب

وعندنا بالبيت قطره لالتهاب جفون العين واحمرارها اسمو spresllare او spresllge حاجه زي كدا حطيتو اليوم حسيت انه سوى انجاز يعني

فمادري هل استمر عليها او لا ؟؟

على فكره انا ممرض <<< راح يتلطش

المهم السؤال التاني

انه الأطأوطه زي الي معاها سعال بس تعطس كثيير

واخر مره فجعتني عطست مرتين بقوووه لدرجة انه نزل عشاء مخاطي اخضر

في دي الحاله بإيش اعالجها ؟؟

وعلى فكره الزيت الي احطو لها بالاكل سوى انجاز شعرها ماصار يتساقط الحمد الله

وتستفرغ في الاسبوع مرتين مدري ليش ؟؟؟؟

شكلو يبغالها تطعيم صح ؟؟

والشي الثالث انه اشترينا ذكر اسم الله يعني لانها قعدت فتره

تبغى التزاوج وقعدو اكتر من ثلاثه ايام وهم مو متوافقين

هوا يجيها وهيا بتضربه وهوا باين عليه كدا محترم يعني

بس ينو نو لها وهيا ولا تعبر ولا شي ايش الحل ؟؟

انه ماوفرنا لها مكان التزاوج او ايش ؟؟ اتمنى تفيديني ياناديا

بعدين استغربت لما اشتريت القطه الجديده الذكر الرمادي

مااعطاني شهادة ميلاد ولا شي ولا شهادة تطعيم

في هذي الحاله ايش اعمل انا ؟؟

اسف على الاطاله واتمنى الرد على الي تقدرون عليه

ولكم الصور اهيه



مكانه المفضل تحت المغسله طبعا



طفشتني بس تجي الغرفه عشان تنام هنا



ياحياتي وربي حبيتو اكثر منها



نوم العوافي



الامبراطوره حقتي احسها اكبر منو مدري ليش

لانو بريئ ويسمع الكلام هيا احسها عجوزه وعنيده



وهنا كان يحاول فيها وبس تبخ في وجهو وهوا طيب مايضرب ولا شي

لكن هيا مفترسه بس تضربه وهيا تخاف وهوا يجيها ينو نو لين الليل


بسم الله ماشاء الله على كل الصور الصلاة ع النبي

راح تتعبون وانتو تجاوبوني ادري بس اسأل مجرب ولا تسأل طبيب

عشان كدا ماابغى واديها عيادده ابغى ارتاح

استنى الرد في اسرع وقت ...

تحيتي لكم