ممكن مساعده من أهل الخبره ....

[Roro.]

السلام عليكم ورحمه الله وبركاته
كيفكم وكيف رمضان معاكم ان شاء الله تمام
عندي بغبغاء كاسيكو افريقي ليا تقريبا اربع ايام مشتريتوو
كان يجعر بشكل مو طبيعي ومحد يمر من جنبوو الا يجعر ويصيح
بس دحين صاير على خفيف وبس ادا طالعت فيه
المهم انا حبيت اروضوو وامسح على راسوو
واتبعت الفديوهات الموجوده في النت ومن هنا وهنااك
والحمد لله وصلت لنتيجه حلوه تقريبا بعد ساعه ونص من اول مره تدريب
ومازال خايف وكداا يمكن لانها اول مرره او لانو لسه باقي ماتعود على الجوو
بس في مشكله صغيره
انو ماياكل من يدي اي شيء
لا حب فواكه تفاح ولا حاجه
ياخدهااا ويرميهاا تانى
هل هادا شيء عادي وطبيعي ..؟
وايش يعنى دي الحركه منوو ..؟
وكيف ممكن اخليه ياكل ويقبل ياخد من يدي ..؟

كمان عندي سؤاال تانى
بغبغائي بعد كل جلسه معاه يحك نفسوو بشكل مو طبيعي
وادا احد قرب منوو يفضل يحك وينتف نفسوو كثيير
مو عارفه دا شيء طبيعي انو ينظف نفسوو
ولا الحكه دي شيء مو كويس ..؟
مادري بس انا شايفتها انها زياده حبيتين عشان كدا قلقاانه

اتمنى تفيدونى

دي صوره لبغبغاائي