قصه مريعه وابقى منكم النصح

[يانكا]

السلام عليكم

من خمسه ايام قبل ماانام كالعاده شيكت على طيوري العشره واحد واحد وبعدين رحت انام

وللمعلوميه انا حاطتهم بغرفه خاصه لهم في البيت يطيرون فيها مثل مايبقون وقافلتها عليهم ولما صحيت من النوم

كالعاده اول شيء اسويه بعد الصلاه اروح اشيك عليهم وللاسف وبطريقه عجيبه اختفت عندي انثى

البادجي بحثت عنها في كل مكان ماحصلتها حتى والله في وسط الدروج بحثت عنها وداخل فتحت

المكيف الصقيره جدا بحثت ماخليت مكان وضليت 3 ايام ادور عنها ووصلت الى حد يأست فيه من

ايجادها والعياذ بالله من شيطان الرجيم وشتريت انثى جديده من يومين

لكن الشيء الغريب بعد خمسه ايام من اختفاءها وانا رايحه اشيك عليهم قبل النوم تفاجأت بوجودها

وجالسه جنب الانثى الجديده وماخفيكم انا ارتعت وصرت ارتجف لما شفتها حتى اني شكيت انها من اهل بسم الله

لكن الحمدلله قرأت قرآن ولازلت موجوده وصرت ادخل الغرفه واطلع اتاكد من انها موجوده ماختفت او اني حلمانه

المهم انها الحمدلله ظهرت بس حسيت انها تعبانه مو مثل قبل نافشه ريشها ومسكره عيونها معظم الوقت

اخذتها وحطيتها بقفص لحالها وحبستها وحطيت لها بالمشربيه مضاد حيوي ( فيتانار ) وحاولت ادفيها وغطي القفص بفوطه

وابقى نصائحكم حول الموضوع وكيف ممكن اعتني فيها الله يجزيكم الف خير

وعندي سؤال شو افضل شيء ممكن اغطي ارضيه الغرفه فيه ؟ انتوا عارفين اكرمكم الله فضلات الطيور كلها على الارض

واضطر احيانا اغسل السيرميك بسبب هذا الشيء فبقى نصائحكم حول تغطيه الارضيه