قصتي مع كرواني القديم ..,.

[عاشق~الحمام]

السلام عليكم ورحمة الله وبركاته
كيف حالكم يا جماعة الخير .. انشاء الله بخير وعافيه
حبيت اطرح لكم قصتي القديمه مع كرواني
يلا نبدأ
مره من المرات وفي يوم من الأيم كنت رايح سوق الحمام من زمااااان كان عمري 8 سنوات كنت امش صدفه حصلت هندي عنده كروان اليف وحطه لي على كتفي وكان الكروان نادر في ذيك الأيام
حظي ما وفقني واخذته هذا الطائر وتم هذا الطائر في بالي وحبيته كثيررر لاكن ما كنت اعرف اسمه ومع مرور الأيام فتحوا لنا سوق جديد في سوق واقف بقطر ومن اول ما فتحوا ما كان في السوق غير كروان اليف واحد بـ 400 ريال ما اخذته وانتضرت لحد ما لقيت لي واحد بـ 250 وأخذته سألت راعي المحل ايش اسمه قالي كوكتيل (( قلت في قلبي هذا عصير )) <<< هههههه
واخذته وكنت مستاااااانس معه كمل معاي سنه ونص قلت حرام خليني افته ريش المقص واخليه يطير داخل البيت وفتحت الريش وتم يطير داخل الصاله ويغرد لاكنه نثيه كان يطير وينزل على كتفي ويلعب معاي ما في عمره عضني غير مره وحده في ثاني يوم شريته فيه ..
مع مرور الأيام ((قبل 7 شهور)) كنت مواصل لحد الصبح في الإجازه وطلعت الحوش قلت ليش ما اطلعه ادور فيه بالحوش بس اكون ماسكه علشان ما يطير رجعته القفص ورجعت على الكومبيوتر بعد ساعه تقريباً رجعت برا ولا اشوف باب القفص مفتوح والكروان محد (( كنت مخلي معاه دره ومتوالف معاها ويحبه لأنه فرخ يعضه )) المهم ما حصلت الكروان حصلت الدره برا القفص والكروان محد دورته دورته دورته ما لقيته ولا الطير طاير .,, الحمد لله ان الدره كان جناحه مقصوص وهذي صورر للكروان ... اهئ اهئ



صوره ثانيه على يدي اول يوم خذته



صوره مدموجه



وهذي قصتي مع طيري القدي
انشاء الله ما طولت عليكم
تحياتي : عاشق~الحمام