كيف اخلي الهامسترات يتزاوجون ؟ وكيف اعرف البنت من الولد ؟ ومن وين اجيب اقفاص كبيره

[Miss Reema]

سلام عليكم

مرحبا يا اعضاء انا الصراحه وحده عليمية شوي يعني ما اعرف في الهامسترات كثير وتوني شاريه اثنين قبل اسبوع

وودي انهم يتزاوجون بس كيف عطوني الطريقه بالتفصيل الممل هذا اولا


ثانيا كيف اعرف وين البنت من الولد ؟؟
ثالثا من وين اشتري اقفاص كبيره وعجلات كويسه لو احد في الرياض عنده مستعده اشتري منه بس يكون بسعر معقول وشكرا

[*حامي الحيوان*]

السلام عليكم

أختي بالنسبه للتزاوج أنتي ما راح تقدرين تسوين شيء هذا من الله
بس ألي تقدرين تسوينه أنك تعطينهم جو حلو يعني الهدوء و أبعاد الاطفال وعدم التطفل عليهم بكل وقت
يعني أذا تبين تطاليعنهم من بعيد لبعيد.

وبالنسبه للسؤال الثاني الطريقة الأسهل هي بالنظر للمسافة بين فتحتي المؤخرة ..

في الذكور : فتحة الشرج و فتحة الجهاز التناسلي متباعدة ..

في الإناث : فتحة الشرج و فتحة الجهاز التناسلي متقاربة ..

وبالنسبه للسؤال الثالث تقدرين تشترينه من أي محل حيوانات ويمكن تلقين بسوق الحمام ألي بالرياض
وأرجوا أني جاوبت على أسألتك وبالتوفيق

[Miss Reema]

مشكور مره اخوي بس انا سمعت عن طريقه الفصل ممكن تشرحها لي

[*حامي الحيوان*]

أي صح في طريقة الفصل وهي
أنك تفصلين الذكر عن الانثى 3 أيام أو أسبوع ويفضل أسبوع أحسن أنا مجربها
وتحطين كل واحد بروح وتخلينهم يشوفون بعض بس ما يقدرون يلمسون بعض
وبجذي تقدرين أنك تشوقينهم لبعض وأنشاء الله يصير خير.