بلييز ساعدوني قطوتي فيها ...سهال !!!

[kitten_Q8ia]

بلييز يا اعضاء و مشرفين المنتدي بليييز قطوتي مسي missy فيها سهال (اكرمكم الله ) بس اليوم بدا يمكن من الجبن ؟ ( انثى شيرازية عمرها 3 شهور ) ممكن تقولون لي شلون اعالجها
ملاحظة ظروفي ما تسمح اروح البيطري

[kitten_Q8ia]

و اهيا ما تحب الاكل الناشف انا اوكلها سمك معلب

[kitten_Q8ia]

بلييز ردو على والله تلفتني

[فطوم]

اختي عطيها روب ودراي فود وبس لاتعطينها اي شيء ثاني بالذات الحليب ومنتجاته وقطعي منتجات الاسماك عنها

واذا حسيتي انه صار فيها اسهال قوي وفقدت وايد سوائل عطيها مغذي نفس الBabylyte

[Withered Rose]

السلام عليكم


اذا تقصدين التونه لا تعطينها اياه فيه نسبه دهون عاليه و يسبب تساقط الشعر ..!!
قطعي الحليب و الجبن لفترة مؤقته .. و بعدين عطيها بس على فترات ..و الروب مثل ماقات فطوم احسن شي و يوقف الاسهال ..
غيري أكلها الى اللحوم مثل الدجاج المسلوق او اللحم بس ما يكون فيه زيت او مقلي .

[قطو_Q8te]

انتي قطوتج شيرازيه
والسمج وايد موزين للشيرازي يسبب تساقط الشعر حتى التونه
بعدين الجبن انوكل قطاوه عمرهم شهر ونص بالعكس مافيهم شي
شنو الجبن الي توكلينه ؟؟
لاتكثرين منه بأي حال جربي بفك السفينه او ماركة بفك
وعطيها روب بدل الحليب
واللبنه يحبونها تمسك المعده شويهـ .

وعلى فكره الدراي فود وايد زين واكو بالجمعيه ماركة كات شو للكيتن يعني الي بعمر قطوتج جربيه

[kitten_Q8ia]

ما تاكل و اليوم استفرغت

[قطو_Q8te]

اسهالها يلزق ولالا؟
اذا يلزق اخذيها عالبيطري سيدا فيها دود اذا مايلزق حايشها برد واضطراب بالمعده مغيرتلها اكلها انتي؟

[kitten_Q8ia]

يعني وين يلزق بشعرها ؟ لا ما يلزق بس ينزل معاة شي احمر مثل دم و ما تاكل

[kitten_Q8ia]

اي انا غيرت لها اكلها قبل اسبوع قمت استعمل السمك المعلب لان البيطري قال لي مو مشكلة بس امس يوم قلت لهم انها ما تاكل الاكل الناشف قالولي حطي معاة حليب اهيا شربت الحليب و بدا معاها الاسهال امس و اليوم استفرغت مرة وحدة مع انها نشيطة تتحرك و تلعب شوي (على فكرة اهيا يوم عمرها شهر و نص صار فيها نفس المرض مدة اسبوع ما تاكل و بس ترجع و سهال و حرارة و حالتها حالة )(و الحين عمرها 3 شهور)