سؤال عن الهامسترالكل يدخل سواء خبير او هاوى

[taky]

بسم الله الرحمن الرحيم

السلام عليكم ورحمة الله وبركاته

انا كان ليه كام سؤال كدا ع الماشى وكنت طمعان انى الاقى اجابه ليهم هنا

انا لسه جديد فى تربية الهامستر يعنى عمرى ما ربيت الهامستر خالص انا بس شوفت صور ليه هنا فى المنتدى وعلى منتديات تانيه وعجبنى شكله

المهم

انا ناويت ان شاء الله اشترى هامستر ولما قريت عنه هنا فى حتت تانيه عرفت حاجا ت كتير اوى فادتنى بس برده لسه محتار بين السورى والروسى

يعنى انا عرفت ان الروسى سهل للمبتدئين الى زييى وانه اجتماعى وحبوب اكتر من السورى وكمان وده الاهم ان عضته مش بتوجع حاكم انا بخاف اوى من العض
وما بيعملش ريحه وحجمه اصغر من السورى

وعرفت ان السورى بيعمل ريحه ومش اجتماعى زى الروسى وما بيتعوتش على صاحبه بسهوله وحجمه كبير والاصعب ان عضته بتوجع وبالرغم من كدا ان ناس كتير اوى بتحبه وبتفضله عن الروسى وبتقول عليه كمان احسن منه

انا بقى دلواتى عايز حد يقولى انهى الاحسن بس ياريت ان الى يقول يقول عن تجربه يعنى يكون هو ربى ده وده ويحكم بينهم

وطبعا لو فى حاجا انا قلتاه غلط ارجوا انكوا تقولولى الصح

واسف انى رغاى حبتين بس اصلى عايز افهم

وشكرا على سعة صدركم