شراشة انثى البادجي الاسترالي المبالغ فيها

[الشطشاط]

بسم الله الرحمن الرحيم

[COLOR="Red"]اخوتي في المنتدى ، أحب ان احيل اليكم مشكلة هذا الاخ لغرض الرد والابتسام :[/COLOR]

--------------------------------------------------------------------------------------------------------
انا عندي مشكلة عويصة
الناس بتربي العصافير عشان تستمتع بصوتها الجميل بالوانها الحلوه باي منكش كده
وانا عامل زي اللي شغال في مستشفى بيطري قسم الطوارئ
دا عصفور تم فقئ عينيه
ودا تم انتزاع مخه ( معرفش كانت بتدور في دماغه على ايه )
ودا تم اقتلاع منقاره
( دا من اساليب التعذيب عند الاسترالي يشبقه اقتلاع الاظافر عند البني ادمين)

وهناك حوادث زي اللي لسه حاصله حالا الام خلعت راس ابنها وسابت المنقارين

واللي غايظني انه لسه عايش وانا مش عارف اعمل ليه ايه

ياخوتي عاوزك تستوعب الوضع انا عندي عصافير كانت شغاله في جوانتنامو وخدوا كورس تدريبي في أقسام الشرطه في مصر
ليه الام بتاكل صغارها بالشكل البشع دا
الدوره اللي فاتت انا خسرت معظم الانتاج بسبب الموضوع دا
وفيه امهات كلت عيالها واحد واحد
وفي النهايه لما خلصت عليهم كلت جوزها ... العصافير دي بتتحداني وبتقولي لو جدع ادخلي وانا اكلك
هذه الرساله اكتبها لكم بالدموع على الضحيه الحاليه لان لونه اصفر وشكله بريئ
ولو اني خايف على شعوركم كنت حطيت صور للمذبحه الرهيبه و التي يشيب لها ريش العاصافير
المربي الحائر .. زعلان طهقان مضايق