قصه حصلتلي اليوم ببغاي طار الفرخ الهولندي الي عمره 3-5 شهور طار طار

[الببغاء الافريقي]

السلام عليكم اليوم الاحد الموافق 11\11\1429هـ
اليوم رجعت من المدرسه علطول سيدا للببغاء لايمين ولا يسار نصيه بعد ان دخلت استانس وبدا يصفر وعطيته شويت اكل واخذته برى بالحديقه وجنحانه ما قصن دايم اطلعه من العصر الى المغرب مع العايله بالحديقه اليوم طلعته الضهر واحطه على كتفي واشرب حمصيات تعرفون راجع من المدرسه لازم حمضيات وانا امشي بالحديقه ادوربه وهو فال امها الوناسه على الاخر وانا اتعثر << شوفو اللغه كانت الحصه السابعه (نحو ) بعد ان تعثرت طاح الطير ومن الخوف دعس البنزين ويطير واروح وراه ويروح برى البيت علطول مع باب الشارع اطلع وادور ولا القاه واشوف مدري هو الببغاء ولا حمامه ربك اعلم بس بساعتها منتهبل اي شي يطير انديه لف لم جهت الشارع العام واروح طاق الطبلون بصروال وفنيله متخشخ وادور ادوره مالقيته وارجع للبيت وثم جاء واحد من اخوياي يبي يستهبل شطفني بالسياره وانا راجع والعنه وبحصى نزل سلمات قلت كل تبن وامش مالي خلقك قال وش فيك اليوم قالت طيري طار طار قال امش ندوره واحوس الحاره ولا القاه ورحعت وانا اسحب اثيال الخيبه بس ما فقدت الامل قلت السطح ابشوف يمكن القاه عند الجيران فوق سطوحهم وانرقى على السطح وادور اشوف السطوح واسمع صوت صفير ببغاي والتفت لقيته على اليريل حق التلفزيون واروح داعس لمه يوم وصلت واضرب بريك قلت لا ياخاف مني ويطير وابلش واناديه واقرب منه واحطه على يدي والخمه لين تكسرت اعضامه وانزله تحت واحطه بقفصه قلت هذا وجهي اذا طلعت برى البيت بدون كلبشات يولد واروح واخذ سلسله واربطه بالحجل حقه واربطها بالشجره الي احطه عليها بالعاده ويجلسوعاش الجميع سعداء وتوتى خلست الحتوتى