سؤااااال يهم الجميع ؟

[الصولجان]

السلام عليكم أنا عارف كثرت اسألتي لكن استحملوني

أنا من الناس اللي شعورهم طويلة ====>
جاي السؤال معليكم
أنا اول ماشريت كيتي كنت كل ما أمسكها اغسل ايدي بعدين امسك وجهي او شعري
لكن مع الوقت تكاسلت سرت عادي امسكها بعدين اكل وطبيعي

تطور الوضع مع كيتي صارت ماتبي تنام الا معي على السرير ==> موهنا المشكلة المشكلة انها تتكفرس وتجي تخش في شعري فهمتوا علي يعني تحب تنام عند شعري
الأسئلة كالتالي
1- هل راح يضر شعري الوضع يعني اهلي كلهم واصحابي يقولون شعرك راح يطيح
2- لما امسك كيتي لازم بعدها اغسل ايدي ولا مو لازم

وبس بعدين اخيرا هي تقرب وجهها عند وجهي بعض الأحيان وتنام لدرجة ان خشمها يكون لاصق في خدي وش الحل في البداية صح تكون بعدية شوي بس اذا انقضى وقت ماادري الا وهي نايمة ياعند شعري ولا لاصقه بخدي ولا خشمي
وش الحل ياجماعة الخير هل هذا يضرني ولا لاء
تحياتي ومشكورين مسبقا على الاجابة

[أفنان]

انا اذكر يوم كنت صغيرة والعب مع القطاوة اهلي ما يخلوني امسك شعري الا اذا غسلتها ... يقولون لي يطيح شعرك
بس الحين لما صار عندي قطاوة صرت امسكهم وينامون جنبي عااااادي واكل وانا ماسكتهم.. ولا جاني ولا شي الحمدلله
اصلا القطاوة مو نجسة مثل الكلاب .. حتى فيه حديث يدل على طهارة القطط

لحديث كَبْشَةَ بِنْتِ كَعْبِ بْنِ مَالِكٍ وَكَانَتْ عِنْدَ ابْنِ أَبِي قَتَادَةَ أَنَّ أَبَا قَتَادَةَ دَخَلَ عَلَيْهَا قَالَتْ فَسَكَبْتُ لَهُ وَضُوءًا قَالَتْ فَجَاءَتْ هِرَّةٌ تَشْرَبُ فَأَصْغَى لَهَا الإِنَاءَ حَتَّى شَرِبَتْ قَالَتْ كَبْشَةُ فَرَآنِي أَنْظُرُ إِلَيْهِ فَقَالَ أَتَعْجَبِينَ يَا بِنْتَ أَخِي فَقُلْتُ نَعَمْ قَالَ إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ إِنَّهَا لَيْسَتْ بِنَجَسٍ إِنَّمَا هِيَ مِنْ الطَّوَّافِينَ عَلَيْكُمْ أَوْ الطَّوَّافَاتِ "

اذا قطوتك نظيفة وكل شي فما اتوقع بيجيك شي ان شاءالله .. بس اذا انت شاك بشي غسل يدك للاحتياط وش بتخسر

[الصولجان]

يعطيك العافية اختي افنان
وانا اسف بخصوص قطوتك

[فطوم]

اخوي احنا عندنا قطاوه من سنين وانا مالاحظت انه سببتلي مشاكل بالشعر او بالبشره
والقطه طول اليوم معاك واذا كل دقيقتين بتغسل ايدك بتتعب بدون فايده..

اهم شي انه القطه تكون داخل البيت وليس خارجه
وتكون تلقت كل التطعيمات فلاخوف عليها

[رياني]

السلام عليكم
اول شي القطة الي عندك داخل ولابرع البيت
لانها اذا كانت خارج البيت ماتدري شبيكون فيها

[الصولجان]

لا ابشركم بالبيت وتخاف من برا

ومشكورين فطوم ورياني وافنان

[قطو_Q8te]

تعودنا على فسلفة الي مايربون القطط بس سامعين من ناس ويصرعون راسنا ..
لكن لاتخاف
مافي اي اثر بس اهم شي ايدك تنغسل اذا بتمسك لحم نيء لو اكل او اذا تبي تمسك ويهك
وحاول لاتحك عينك وانت ماسكهم
بس مافي اي اثر عالشعر
وبخصوص ينام يمك عادي لاتخاف هذا دليل على ارتياحه لك "" شكلك مدلعه حيل ""
عموما" تصرفاته رح تتطور بيصير يدعم فيك والصبح يبوسك ويقعدك واشياء وايد
الله يخليلك قطوك

[بس بس]

أنا قبل ما نشتري بستنا كان أكثر شي مهتمين فيه هو الأمراضلأني أخاف من داء القطط فاحترت أشتري بسة ولا لأ في الأخير قررت إني بعد ما ألمسها أغسل يدي وقاية من الأمراض

[جوري]

هلا اخوي...الصولجان

من ناحيتي انا نفس حالتك شريت قطوه عمرها حول 3 شهور

ونفس الشي كله اغسل بعد ماامسكها...بس اخر شي

طلعت مريضه القطوه بالفطريات وصار بيدي والحين جالسه اتعالج بكريم

لمده شهر...يعني الاخت قطوتي بتعالج مثلها وعطيتها راعي محل يعالجها وياخذها له

فتخيل لا سمح الله لو في القطوه حقتك فطريات اذا جت علي الجلد بتصيبك مثلها

اما علي الشعر لا سمح الله ...فاراح يتساقط بمناطق معينه

لاني انا رحت وسالت استشاري بمستشفي سعد...رحت اتاكد

خفت انه يكون انقل لي شي بس الحمدالله ماصار الا علي يدي

والحمدالله علي كل حال...فيعني انصحك تاخذ الحذر

لان صدقني والله الفطريات ماتبين ابد...انا ماحسيت لما كبرت شوي علي جسمها

والله يحفظك انت واخواني واخواتي الي بالمنتدي...امييييييييييين

[الصولجان]

قطوووو مشكور =====> نورت ويعطيك الف عافيه
بس بس =======> اس فيه كلام
جووري =======> انلحس مخي انت قصدك مستشفى سعد الطبي اللي بالدمام

خلاص يعني الزبده اغسل ولا لاء ولو بغسل كل شوي هي جنبي يعني كل خمس ثواني بغسل ؟؟؟؟؟؟؟؟؟؟؟؟؟