مابعد الولاده

[عايد]

ابشركم قطوتي الفجر ولدت

جابت 6 ماشاءالله وان شاءالله احط الصور اول ماتروّق امهم

عاد سؤالي لكم اللحين .. هي ولدت داخل الحوض حق الرمل الصناعي .. وهذي هي قاعده فيه وترضع عيالها داخله ... سؤالي هل هو يضرهم ؟ يعني عادي لو بقو فيه ؟؟ وثاني شي متى اقدر اشيلهم او اغير مكانهم ولأن ودي بعد اروش الام .. لاني كل ماقربت منها على طول خزتني بنظره وتطلع صوت اول مره اسمع منها .. وانا ودي اعطيها كل سبل الراحه

اتمنى تعلموني متى اقدر اشيلها وهل هو مو زين لو قعدت بحوض الرمل ومتى اقدر اوديهم للبيطري والى متى هم يقعدون يرضعون من امهم .. متى يبدون ياكلون اكل زي الآوادم ؟؟

[angel eyes]

مبارك اخوى ويتربون بعزك الافضل انك تسيبهم مكانهم بس لازم تشيل طبق الرمل يعنى سبهم بمكنهم بس مش فى طبق الرمل ثانيا انت ممكن تمسكهم بس اترك موضوع النقل ده على الام على فكره انا قطتى سبأت قطتك بيوم و انا الحين بلعب بالسغار و الام ما بتسوى شى اما موضوع البيطرى فممكن توديهاله فى اى وقت بس بعد ما تروّق القطط الصغيره تبداء تاكل بعد اول شهر

تقبل مرورى

[آنـــــو]

يعني كانت حامل صدق <<توها تصدق


مبروووك عليك وغريبه جابت 6 لآن كل مره ماتجيب آكثر من 4 / 3... طيب وش الآلوان؟؟

بالنسبه لآسألتك يااااليت تشيلهم من صندوق الرمل لآنه مو نظيف ومضر وغير كذا الغبار يدخل بخشمهم ..
حط لها كرتون بجنب صندوق الرمل وآفرشه بمنشفه آو بطانيه صغيره وآذا حطيت لها آكلها وقامت من محلها
شيلهم بسرعه وحطهم بالكرتون وآبعد صندوق الرمل عنها علشان ماترجع له

وهى تطلع الصوت لأنها باقي مو متعوده عليك .. علشان كذا ياليت تبعدها عن الآزعاج وماتلمس عيالها كثير..


وآصححى تروشها آنتبه لأني غلطت مره وروشتها وهي صار لها أسبوع من ولدت وراحت ريحتها وماتعرفوا عليها
آولادها وضيعوا مكان الحلمات ...

ولاتوديهم الحين للبيطري وهم مافيهم الآ العافيه بعمر الشهر آوكي.. وبيستمرون يرضعون الى عمر الشهرين.. والآكل بعمر الشهر..
وقتها تعطيهم شي لين سيريلاك بالسرنجه..دجاج مسلوق مهروس مع المرق ماله ..

[عايد]

الله يعطيكم العافيه يا حلوين ..

طيب وش الآلوان؟؟

2 شقر و4 بيض

بس اللحين انا حاطها بقفص داخل البيت (حجم القفص تقريبا يكفي 4 احواض للرمل جنب بعض) لكن بغرفه محد يدخلها ولا يجيها .. بالنسبه للتكييف الأفضل طبعا اني ما اشغل المكيف صح .. ؟ وطيب الام ماتحتر ؟ وثاني شي .. فيه حمام وانتو بكرامه برا البيت .. اقدر احط الام وعيالها بكرتون واطلعها من القفص عشان تقدر تتحرك وتاكل وقت ماتبي بكل راحه ؟؟

شيلهم بسرعه وحطهم بالكرتون وآبعد صندوق الرمل عنها علشان ماترجع له

طيب اشيلهم بيدي عادي ؟ لاني اعرف انها اذا شمّت ريحه مختلفه فيهم خلاص ماعاد تبيهم

[الفايلسوف]

ألــــف مبرووووووووووووووووووووك وآخيراً ولدت ....

شف أنت طلع الحوض وحطة برا الكرتون الأم تقدر تطلع وتدخل بس لا تطلع الصغار وعن الجو حاول أنه ما يكون لا بارد ولا حار ( معتدل ) وعن ترويشة الأم لا تروشها ألحين خلها مع عيالها أفضل يعني بعد أسبوع روشها وكل شي بيكووون تمام ...

ولا تنسا الصور تراني متحمس ...

[آنـــــو]

لاياخوي الفايلسوف ولا يروشها ولاحتى بعد آسبوعين مثل ماقلت فوق تروح ريحتها وصارت معي..

عايد بالنسبه للجو لاتحطها بمكان بارد معتدل زززين لآن مواليد القطط ماعندهم درجة حراره آبددد حساسين آتجاه البروده
ويستمدون الحراره من آمهم..

وبخصوص لمسهم عادي تقدر تلمسهم فقط علشان تنقلهم ولاتكثر وتطول من لمسهم ولو مو مرتاح شيلهم بمنديل آحتياط..
لأنها مو متعوده عليك..

طيب نرجع للآلوان <<فضول..آشقر تقصد مشمشي؟ والآبيض آتوقع كريمي وآحتمال كبير تتغير الوانهم بس يكبرون
يعني اللي تشوفه الحين مشمشي فاتح يصير كريمي..يبارك لك فيهم

[عايد]

حياك يافيلسوف وان شاءالله اصورهم لك اليوم :d
يعطيك العافيه يا آنو .. ومو مشكله بخليها بتقطن بخياسها منب مروشها :d

وبالنسبه للألوان .. الاثنين الشقر قصدي بني فاتح يعني .. طبعا ساده .. والاربع 2 منهم ساده على امهم والـ 2 الباقيين كريمي شوي .. بس والله مادققت حيل فيهم

ويعطيكم العافيه وان شاءالله اللحين اروح ازين مكانهم

[*(الدلوعه)*]

الف الف الف الف الف الف

الف الف الف الف الف

الف الف الف الف

الف الف الف

الف الف

الف

مبرووووووووووووووووووووووووكـ

وآنو والفايلسوف ما قصروا معاكـ

ومررررررررررهـ تشوقت اشوف صورهم ^_^ .

[عايد]

الله يبارك فيك يالدلوعه ..

آنو ..
بعد المغرب الحمدلله طلعتهم برا .. وطلعت امهم عشان تاكل .. ونقلتهم عاد من الحوض الى القفص .. وطبعا حطيت فوط واجد داخل القفص عشان تقعد عليه .. عاد المهم انها بعد ما اكلت .. صفطتهم وراحت تتسدح لحالها بالحديقه .. وطبعا شلتهم بسرعه بدون ما المسهم .. ولما رجعتها معهم اشوفها صارت قاعده جنبها ومهب شايله همهم .. وبعدها افتح القفص عليها واحط المويه والاكل وبرضو ما اشوفها قامت تبخ بوجهي ولا طقت خبر لعايلها .. وجيتها اكثر من مره واشوفها منسدحه بعيد عنهم .. بس عاد اخر مره جيت لقيتها عندهم .. بس مدري هل هو طبيعي يعني انها تروح وتتركهم عادي ؟ ولا لازم تكون عندهم طول الوقت ؟؟ انا ماعندي مشكله اخليهم برا واخليها تطلع وتجي .. لكن المشكله عندي قطو انثى ثاني .. واخاف يروح يحارش الصغار



وبعد انا لاحظت شي اني لما جيت بشيلهم .. لقيت واحد لحاله .. و5 متلاصقين ببعض

هذولي هم



عمرهم 12 ساعه تقريبا

طبعا اللي ملصقهم ببعض الظاهر فضلاتها .. لاني زي ماقلتلك ولدتهم داخل الحوض اللي فيه الرمل .. عاد انا حاولت افككهم عن بعض حسيت اني بعورهم فخليتهم .. ومدري كيف اخاف انهم مايقدرون يرضعون .. فسؤالي هو لازم افكهم ؟؟ ولا اخلي امهم تتصرف ؟؟ ولا اوديهم البيطري افضل وافضل لاني قلت يمكن بعد السر لاصق

اتمنى تعلموني باسرع وقت

[CaRni]

الف الف الف مبروك .,.

الحقيقة انا متابع الحكاية من موضوعك الاول .,.
و الحمد لله .,

الف مبروك تاني .,


CaRni