حوضي جديد .. وفيه طحالب بنية .. ليش ؟؟؟؟

[نياز]

السلام عليكم ورحمة الله وبركاته..

أخواني اخواتي ,,

انا حوضي جديد صار له 20 يوم بسسسس ومن يومين لاحظت ان في طحالب في الحوض ما عرف ليش تشوه شكل الحوض .. انا راح أعطيكم بعض الملاحظات بس اتمنى تساعدوني لاني ما احب الطحالب..

1) الحوض 124 لتر

2) وفيه 17 سمكة صغار نسبيا مثل المولي والبلاتي والجورامي وبعض الاسماك الاخرى و 2 زرع طبيعي بس صغار

3) أأكل السمك مرة في اليوم وما أكثر من الاكل اخاف يوصخ الماي

4) الحوض بعيد عن الشمس او اي مكيف

5) ما عندي رمل عندي احجار واصداف >>اصداف ليست حية بل للزينة ( ياخوفي تكون تكونت من الاصداف ) وبعض الكريستالات الملونة >>>>واللي غسلتهم لين ما تعبت


6) الاضاءة اخليها من 10 إلى 12 ساعة في اليوم فقط


7) ما عندي سمك زبال (المنظف) ,, لاني بصراحة ما أحب شكله وما ما اعتقد انه ينظف ...
لان المشكلة اللي عندي ان الطحالب موب على الزجاج لا ,, الطحالب على الاحجار والاصداف وهذا اللي مكرهني في حوضي


8) أغير ربع او ثلث الماي كل 5 ايام او اسبوع ,, الفلتر جيد أغسله بانتظام ..


9) ادري طولت عليكم بس حبيت أعطيكم كل التفاصيل لاني ما عرف من شنو ممكن تكون الطحالب


انا من بكرة ابي اغير ماي الحوض كله واغسل الحوض مرة ثانية ويمكن اشيل الاصداف كلهم ,,


اعزائي بماذا تنصحوني .. اذا في شي غلط في الحوض اتمنى تخبروني

الرجاء الرد السريع لاني بكرة مثل ما خبرتكم بغير الماي كله ويمكن ما راح اقدر اكون online