ممكن نصيحة

[nadosha]

[السلام عليكم ورحمة الله وبركاته]

انا اليوم بإذن الله سوف اشتري قطة جديدة
وبما انها المرة الاولى لي اتمنى ان تفيدوني ببعض النصائح
واريد ان اعرف عندما اشتري القطة كيف اعلم انها مريضه او بصحة جيدة؟
وكيف اعلم ان عندها امراض معدية؟
وماالاشياء التي يجب ان اوفرها لها وما المسلتزمات التي يجب شرائها؟
وكيف اعرف نوعها وعمرها وجنسها (ذكر او انثى )؟
واسفه لو كنت طولت عليكم بس اتمنى انكم تفيدوني

[MR.coOol]

هلا والله فيج في منتديات توزو ،،

عند اختيار القط لازم تركزين علي بعض الامور :

- اول شي شوفي عيونها مافيها احمرار ولا فيها دموع يعني لازم عيونها تكووون صاااااافية ونظيفة بدون احمرار او احيانا تشوفين لحميه تغطي جزء من عينهم ،،

- حاولي تلعبين في شعر القط لازم يكون الشعر نظيف واذا شفتي مناطق في جسمها في احمرار او مكان صغير مافيه ريش ابتعدي عنها فورا ،، لان يمكن يكون فيها فطريات او ثعلبه ،،،

- ايضا جوفي مافي نقط سود في شعرها مثل البراغيث والحشرات والقمل ،،

- حاولي تاخذين القط من مكان نظيف ويعتنون في القطط ومكان تدخل فيه التهويه واشعه الشمس مو مكان مظلم وضوء ضعيف ،،

----

من تشترين القط

لازم توفرين عده اشيا في البيت :

- الرمل المخصص للقطط ضروي ويفضل تاخذين رمل معطر علي شان يحد من الروايح الكريهة ،،

- تشترين العاب مخصصه لهم او انتي تقدرين تنصعين لها العاب او تحطين لها العاب من الي عندكم بالبيت .. مثل كوره او فار صغير او تعلقين لها خيوط وتعلقين لها اشياء ،، وعلى فكره القطط الصغيره من يلعبون يحبون يعضون من باب العب يعني لا تاخفين وفري لها العاب العض على شان ماتغربلكم

- واذا شريتيها يمكن اول يومين ماتتقبل الاكل او شهيتها قليلة يعني لا تخافين خلال يومين او ثلاث راح تتعود عليج وعلى البيت

- تطعيم القط مهم جدا لا.م تلتزمين في مواعيد تطعيم القطط

اهما لهم تطعيمين او ثلاث تطعيمات بالسنه على حسب عمر القط ،،

- حاولي تنوعين لها بالطعام يعني مو كل يوم نفس شي لان القط يتملل من الطعام المتكرر بشكل يومي ،،

- اختاري الانواع الممتازه من المعلبات او تقدرين تطبخين لها بالبيت مثل دجاج مشوي او مسلوق او سمك مشوي او مسلوق او لحم مسلوق بدون اضافه الملح او البهارات لان يضرهم

تقدين ضيفين مع الطعام خضاار مسلوقه بكميات قليله مثل الجزر او البطاطا او الكوسه ،، الخ لان الخضاز فيه الياف ويساعد على الهضم ويمنع الامساك ،،

او ضيفين مع طعام نصف ملعقة صغيره من زيت زيتون او زيت دوار شمس او اي زيت نباتي ،،،

- ابتعدي عن السكريات والحلويات والملح ومنتجات الالبان الي تحتوي على جولكوز

- لا تخلين القط ادش الحمامات وخليها تبتعد عن مواد التنظيف مثل الصابون والمطهرات ،،،

حاولي كل يوم تهوين البيت وتخلين ادش اشعه الشمس ،،،

- تحميم القطط اذا في الصيف كل شهر مره واذا في شتا كل ثلاث شهور او شهرين ،،، ولا تحميمنها وايد يعني لا تحميمنها كل سبوع او كل يومين ،،

- لا تتركين القط وحيد لفترات طويله حاولي تلعبين مع القط مثل رمي الكره او اي شي تقدرين ترمين له وحاولي تلعبين معاه وتمسحين عليه ،،



واي سؤال انا حاظر

[Octopus]

بالنسبة ل النوع و عمر القطة حاولي ان تصورين القطة قبل او بعض ما تشترينها


لان عمر الفطام يبدا من عمر الشهرين الى ثلاث شهور

[nadosha]

شكرا جزيلا على نصايحك mr:cool بس المشكلة انه انا في مدينة سكاكا بالجوف بالسعودية ومافي الا محل واحد يبيع قطط وما يبيع الا اثنين يعني ما عنده قطط كثيرة وانا اروح له المغرب فما اعرف اذا كانت الشمس تدخل المحل او لا ومادري اذا كان يعتني فيهم او لا لاني مثل ماقلت لك مافيي غير محل واحد وبالنسبة للتطعيم اول مااشتريها اوديها تتطعم او عند عمر معين وانا هيأت مكان نومها وكل شي بس باقي الرمل وكيف اعودها على الرمل
واسفه جدا لو كنت ازعجتك بأسألتي وشكرا

[nadosha]

ان شاء الله لما اشتريها راح اصورها وشكرا لك Octopus

[MR.coOol]

المشاركة الأصلية كتبت بواسطة nadosha

شكرا جزيلا على نصايحك mr:cool بس المشكلة انه انا في مدينة سكاكا بالجوف بالسعودية ومافي الا محل واحد يبيع قطط وما يبيع الا اثنين يعني ما عنده قطط كثيرة وانا اروح له المغرب فما اعرف اذا كانت الشمس تدخل المحل او لا ومادري اذا كان يعتني فيهم او لا لاني مثل ماقلت لك مافيي غير محل واحد وبالنسبة للتطعيم اول مااشتريها اوديها تتطعم او عند عمر معين وانا هيأت مكان نومها وكل شي بس باقي الرمل وكيف اعودها على الرمل
واسفه جدا لو كنت ازعجتك بأسألتي وشكرا

تقرين تشترين قطط من اصحاب المنازل الي ينتجون قطط عندهم يكونون انظف من المحلات ،، يمكن تحصلين اعلانات عن طريق منتديات ،، وانتي بعد في وقت روحي المحل وشوفي القطط ،،

وبخصوص الرمل

اهما بنفسهم راح يتعلمون يعني بالفطره بس اهم شي لا تغيرين مكان رمل بشكل مشتمر واذا البيت كبير حاولي توفرين لها مكانين ،، واول ماتجيبين القط اخذيها ووديها مكان الرمل على شان تعرف

ويفضل تاخذين من عمر 3شهور او 4 شهور

[nadosha]

اوك شكرا جزيلا على النصائح