فرخ الدرة الهندية

[سفير الامارات]

السلام عليكم ورحمة الله وبركاته

انا مربي مبتدي من الامارات وحبيت تشاركوني خبرتكم ,

امس اشتريت فرخ درة هندية عمره تقريبا شهر , والحمدلله مهتم فيه واعطيه سريلاك يوميا ...... مرتين في اليوم
ولاحظت عليه بعض الملاحظات ,
اولا يوم اجي امسكه وهو في الكرتون ماله يهرب شوي مني ومايبيني امسكه , بس انا امسكه واشيله
ثانيا يحب الظلمة يوم اكون جالس فالصالة اكون حاطه على رجلي وهو يروح يختبي ورا الكرسي عند الظلام
ثالثا هو كان ياكل عند راعي المحل بشراهة بس الحين يوم اعطيه ماياكل بشراهه



رابععا :: انا ودي انه يحبني ويتعلق فيني , ومايخاف مني واكون معاه علاقه حلوة لو سمحتو لو تنصحوني او تدلوني على مواضيع مختصة ,. وابيكم بعد تقولون لي متى اطلعه من كرتونه وكم المدة الي اطلعه و شو اسوي له يوم اطلعه

وهل اغير مكانه من الكرتون الى القفص
وو شو التدريبات الي اسويها له
وشكرا على حسن تعوانكم

[سفير الامارات]

ملاحظة ::: انا ماعطيه اكل غير السيريلاك ,,,, هل اعطيه اكل غير ::: شو هو الاكل وفي اي عمر اعطيه

[ابراهيم الردادي]

ما شاء الله الله يحفظ لك الببغاء
بالنسبة للخوف فطبيعي جدا ان ايخاف منك لانه مو متعود عليك
و طبيعي انه ياكل عند راعي المحل بشراها لان الببغاء يعتبر راعي المحل امه لانه هو الي رباه
فهذي فرصه لك انك تعوده عليك وخليك اغلب الوقت معاه و لعبه كثير عشان يتعود عليك ولما تنادية يجيك
بالتوفيق

[سفير الامارات]

مشكووووووووووووووووووووور اخوي ابراهيم

[سفير الامارات]

اتمنى تفيدوني اكثر ,,

[سفير الامارات]

مافي حد جاوب على كل الاسئلة ........!!!!!!!!!!!!!!!!!!
جاوبو بليز !!!!!!!!!!!!!!!!!!!!!!!!!!!!!!!!!!!!!!!!!!!!!!!

[بوسلمان]

انا عندي فروخ بنفس عمر فرخك بالضبط
واللي يسويه طيرك بالنسبة انه يروح للظلمة طبيعي ونفس اللي يسوونه فروخي بالضبط
وبالنسبة للاكل راعين المحلات يجوعون الطيور لما يجي واحد يبغي يشتري يورونه انه الطير ياكل بشراهه وهو المسكين ميت جوع

وبالنسبة انك متى تطلعه من الكرتون فانا بنفسي مو عارف واهل الخبرة ان شاء الله بفيدونك

[سفير الامارات]

مشكوور بو سلمااان واتمنى اهل الخبرة يفيدوني 35 مشاهدة وين الرد ؟؟؟؟؟؟؟؟!!!!!11

[ابراهيم الردادي]

من ناحية انك تغير الكرتون الى قفص
فالمفروض انك تخليها تتعود على القفص عشان تتعود تاكل من نفسها
عشان تسهل عليك مرحلة الفطم
و التدريب
اول شيء ابداء بالاساس خلي الدرة تحبك
و حاول تسميها وكل ما جيت تاكلها و لا تقرب منها ناديه باسمها عشان تتعود
و حاول تدربها تطلع على اليد كبداية يعني جيب تفاحة او اي نوع فاكهة هي تحبة وخليها تذوق منها
و بعد الفاكهة عنها شوي فالببغاء طبيعي راح يقرب من الفاكهة .
الان الببغاء عرف انك صديقة ما يمكن تضره
الان حط الببغاء على يدك وعلى طول اعطيه الفاكهة الي يحبها انا الدرة حقتي كانت تحب العنب وخليتها تطلع على يدي بهذي الطريقة
ملاحظة لا تخلي الببغاء بالقفص او الكرتون الاسبوع هذا خليه قريب منك عشان يتعود عليك
واي استفسار اخوي السفير انا جاهز

[سفير الامارات]

مشكووووووور اخوي ابراهيم ماقصرت