كاسكو

[Nasser qtr]

السلام عليكم
اخواني بغيت نصايحكم وبغيت استفيد من خبراتكم
انا شريت كاسكو من صاحبي والكاسكو الحمدلله سليم وعمره 6 شهور
حطيته في الصاله المجاوره للمكان الي نقعد فيه عشان يشوف اهل البيت ويتعرف عليهم بدون ما يكون حد جنبه
انا الي اغير له اكله وشرابه وانضف له القفص كل يوم في اول يوم كان يركب على يدي واطلعه يوقف فوق القفص وانا الي ادخله وما يمانع اني امسح على راسه لكن ثاني يوم طلعته من القفص ولما حبيت ادخله رفض انه يركب على يدي ويبغي يتم برع القفص مع العلم ان القفص كبير ونضيف يعني اواجه صعوبه اني ادخله حاولت اركبه على يدي
باني احط يدي تحت صدره وارفع يدي عشان ينجبر يركب
وانا اعاني لما ابغي ادخله القفص مش عارف شالحل مابغي اجبره علشان ما يكرهني
وما ابغي اخليه في القفص عشان ما احبسه ولما يكون داخل القفص يسوي حركات عشان اطلعه برع
للعلم هو نفس القفص الي كان عند صاحبه القديم
ولما كان عند صاحبي كان يصفر ويتكلم لكنه حافظ كلمه وحده هي صباح الخير يقولها الصبح
بس الحين هو ما يصفر الا نادر وما يتكلم ابدا
الطير صارله عندي ثلاث ايام وانا اعرف اني لازم اصبر عشان يتفاعل
لكني بغيت نصايحكم في طريقة التعامل معه لان هذا اول طير لي
وشكرا

[تركي111]

طبيعي جدا ياصاحبي هم كذا اغلبيه الطيور ماتحب تدخل القفص
يحبوون يتكوون فوق القفص ...افتح له البااب وخله ع راحته متى مابغايدخل
بس اذا جاا الليل اجبره انه يدخل وكذا ,,,
فلاتشيييل هم ابد واذا بغيت انه يركب ع اليد لازم يكون تحت ع الارض .


موفق

[Nasser qtr]

المشاركة الأصلية كتبت بواسطة تركي111

طبيعي جدا ياصاحبي هم كذا اغلبيه الطيور ماتحب تدخل القفص
يحبوون يتكوون فوق القفص ...افتح له البااب وخله ع راحته متى مابغايدخل
بس اذا جاا الليل اجبره انه يدخل وكذا ,,,
فلاتشيييل هم ابد واذا بغيت انه يركب ع اليد لازم يكون تحت ع الارض .


موفق

مشكو اخوي بعد عني سؤال الطاير واير يعض القفص ويحك منقاره فيه و لاحظت برازه يكون سائل بس مش على طول

[ورد الخير]

طبيعي اصبر عليه كم يووم وراح يتعود أكثر ويطيعك

وبالنسبه للأسهال دام ان الاسهال مو دايماً يمكن يكون مكثر من السوايل يعني مافي مشكله بأذن الله

وبالنسبه للقفص دي مشكلتي بس انا مادورت لها حل
لان ببغائي يحب الاستاند ومخليته عليه 24 ساعه ووقت النووم انقله مكان ظلام ومررره مبسوط

[Nasser qtr]

المشاركة الأصلية كتبت بواسطة ورد الخير

طبيعي اصبر عليه كم يووم وراح يتعود أكثر ويطيعك

وبالنسبه للأسهال دام ان الاسهال مو دايماً يمكن يكون مكثر من السوايل يعني مافي مشكله بأذن الله

وبالنسبه للقفص دي مشكلتي بس انا مادورت لها حل
لان ببغائي يحب الاستاند ومخليته عليه 24 ساعه ووقت النووم انقله مكان ظلام ومررره مبسوط

والله أنا ملاحظ انه يحب يكون بره القفص بس أنا حاطه في الصاله وفيه كثير أثاث ماقدر اخليها على الستاند واطلع عنها
أخاف تطير وتضرب الأثاث هي ما تعرف تطير وتوجه نفسها

بس أنا كل ما اكون موجود أطلعاها برع ولما اطلع ادخلها
عندي سؤال أنا أشوف الكاسكو يحك نفسه هل اسبحه لكن الجو يتغير وأخاف تمرض
وانا حاط لها لعبه في القفص لاحظت انها ما قربت من اللعبة ابدا

[Nasser qtr]

ولاحظت وجود بعض القشره
شباب الكاسكو ما تعود علي وعني الرش الي نستخدمه للزرع او كواي الملابس
هل استطيع اسبحه الان في هذه التغيرات للجو
واي طريقه استخدم
لو استخدمت رذاذ الماي الي بالرش هل ارش كميه كبيره او خفيفه

[بلاك بيري]

خلي طيرك فتره على الأستاند وبيروح كل ما تفضلت به

موفق