الدره اليديه ساعدوني؟؟؟؟

[متااوي]

السلام عليكم
اشحالكم يا الاعضاء والله لكم وحشه
ممكن تساعدون
ابوي شره حق اخوي الصغير دره وعلى حسب كلام الهندي اونه الدره مدربه والاليفه وكان يمسح على راسه
اما لما يابوه البيت كان خايف بدرجه فضيعه وطلع لا اليف ولا مدرب يعني اخرطي
وانا معصب عليهم لانه ماخبروني يستاهلون ههههههه
واخوي الصغير متعلق في هل الدره ويباها فشو تنصحوني اشلون ادربها وانا عندي دره نيباليه والصراحه خايف عليها لان لاحظت عليها انه وايد اتغار اذاقربت من الدره الصغيره ا شوفني بنظهر وتصارخ عشان اشلها وهاي صورت الدره الصغير شو رايكم فيها وشو تنصحوني مع العلم انا لما اطلعها من القفص تشدر وحتى اذا قربنا من القفص تخاف ودايمن اتكون في زاوية القفص وشو اسوي معهااااااااااااااااااااا



اسمحولي على الصوره لانها مو واضحه لانها اتخاف وما قدرت اصورها عدل

اخوكم متااوي

[كاسكو البحرين]

اول شي لازم تتأكدون هل الدرة فعلاً أليفة او لا ؟
لانه اذا مو أليفه فاالوالد الله يحفظة اخذ الدره بسعر طير أليف فهو اغلى من العادي الوحشي
يجب التأكد من الموضوع

ثاني شي هذه من الاشياااء الطبيعية ان يتغير الطير قليل لانه الاجواء لسه جديده عليه
واول شي تأكدوا من الأجنحه هل مقصوصه او لا تجنباً للهروب

ثالثاً انا انصحك الحين بعدم خلط الدره الجديدة بالقديمة عشان مايكون هناك قتال سبب الغيره

تحية

[متااوي]

تسلم اخوي وماقصرت
الظاهر الوالد ماخذ الطير الدره بسعر طير أليف لان لاحظت على الطير
مو اليف بالمره من خبرتي في هل مجال و اخوي العود قال نفس
الكلام يعني الهندي ناصب على الوالد يباله اسير عنده واكفخه
وارد الطير بس المشكله في اخوي الصغير متعلق في الطير وبدرجه
مو راضي اوديه السوق

الاجنحه قصيتها واصلن الطير مايطير بس يشرد

لاني لاحظت على الدره النيباليه تغار بشكل فظيع بدرجه
اذا حطيت صبعي في القفص الدره اليديه اشوفني وبعدين ما تعطيني وجه بالمره

زين يا خوي شو تنصحني المشكله اخوي الصغير مو راضي اودي الدره الصغيره السوق
اشلون اقدر اروضها وشو تنصحني اسوي وشو راك في شكل الطير

اسف على الاطالة

واخوكم متااوي

[كاسكو البحرين]

الحل يا متااوي
هو اول شي تقدرون تقنعون الاخ الصغير بترجيع الطير
الى صاحبه وتبديلة بواحد أليف لانه تم دفع سعر طير أليف
فما عليكم من الولد فهذه عاطفته وانا اقترح عليكم تاخذون الطير
بالخش وتبدلونه بالأليف فالشكل مثل الشي ماعتقد بيعرف هذا
وبالعكس اذا جاف الطير البديل أليف ولا يهرب ويلعب بيتمسك به اكثر
وبحبه أكثر وهذا لازم يكون مواصفات طير كهذا لانه الولد لسه صغير
وعموماً الصورة مش واضحه واايد بس اذا كان عمر الدره كبير اعتقد
ستواجهون صعوبه في الترويض وخاصة الدرة من الطيور العضاضه
فخطر على الصغير فبدلوا الطير دون علم الولد للمصلحة الولد ولمصلحتكم

الله يوفقكم

[متااوي]

تسلم اخوي ماقصرت واليوم ان شاء الله برد الطير