لكل الاعضاء لقيت ببغاء

[الطير السعودي]

السلام عليكم ورحمة الله لقيت ببغاء بلوفرنت باربع الاف وخمس مئه ما ادري غالي ولا لا باخذ رايكم ايه صح وقالي اخليه على شانك باربع الاف وعند الببغاء خمس كلمات وعمره سنه ونص وياليت تقولولي الطير يستاهل ولا لاوالله يعطيكم العافيه

[نوني..]

يب يستاهل لان فروخ البلوفرنتد الغير متكلمه اسعارها من 3500 الى 4500

بس اذا تهمك الولافه ضروري يكون اليف مو تقول بروضه لانو الامزونيات عنيدهـ شوي ويبغالهآ طواله بال وقلق

وضروري تتأكد انومتكلم خله يتكلم قدامك

[الطير السعودي]

ايه والله ذكرتني ماشفته يتكلم قدامي اناشفته بس يحك راسه ههه شكرا على ردك لي

[عشقي البلوفرنتد]

والله لو صوره نعرف يستاهل ولا لا

[الطير السعودي]

للاسف ما عندي ولا صوره بس لون العيون صفراء وما فيه شي سليم وشكرا

[عشقي البلوفرنتد]

لو تتاخذ لك فررخ احسن

[بلاك بيري]

يا ليت لو تصور الطير اخوي وتنزله نشوفه

[الطير السعودي]

هلا اخوي المشكله اني ما اقدر اصوره لا ن الببغاء في سوق العزيزيزه وانافي الصحافه ولاكان صورته طيب باسئل عشقي اليلوفرنتد الفرخ صعب اولفه وانا ماعرف مره في التدريب وش الطريقه وشكرا

[storm blue]

انا اظن سعره مناسب

[subhi alqassab]

وانا اظن سعره مناسب .. بس دير بالك اخوي من هالسوق بالذات اللي فيه ما يخافون الله الا من رحم ربي

موضوع انك ما تعرف تروض .. هنا تكمن المتعة انا مالي خبرة نهائيا وبديت مع اكثر ببغاء مزاجي وعنيد وهو الدرة

وقدرت خلال شهر اني اروضه بطريقة مقبولة جدا والأخوة أشادو فيها والفضل يرجع لبعض الأشخاص اللي يقدمون لنا كل الناصائح و الطرق للتدريب ..

حس بمتعة الترويض لو اخذته فرخ وشوف تعلقه فيك بمر السنين و يكفي انك تعلمه الكلام بالطريقة اللي ودك فيها و الكلمات اللي تفضلها انت ..

في محل انا اتعامل معاه بالعزيزة .. انسان طيوب وحبوب وراح يخدمك

لو ودك تشوف اللي عنده عطيني خبر لجل نتواصل انا وانت و تروح تشوف اللي عنده ولا اقدر انشر اسمه لجل ما يكون دعاية للمحل .. رغم والله شاهد ان مالي اي علاقة فيه هههههه